烏國又爆鑊
美國昨日有多個好過預期的經濟數據出爐,但投資者目光轉往突趨緊張的烏克蘭局勢,美股繼上日創新高之後無以為繼,昨日腳軟軟,標普500指數失守2000點大關,大市跌幅逐步收窄,呈先低後高格局,受周末長假期影響,大市交投量與昨日一樣,異常淡靜,走勢唔太肉酸。杜指跌42點至17080點;標普500指數微挫3點,收報1997點;納指跌12點,造4558點。
美國商務部公布,經修正後的美國第二季度GDP增長率為4.2%,高過上次公布的4%及市場預期的3.9%,主要因為是建築與設備方面的商業投資增長比原先公布的數值為高。勞動市場方面,最近一周的首次申領失業救濟人數減少1000人至29.8萬,仍處於30萬之下,而市場則預期為30萬。另外,美國房市亦有唔錯表現,7月份二手房簽銷指數上漲3.3%,創了11個月新高。
美國國內經濟表現雖好,但敵不過投資者對地緣政治局勢又再轉壞的憂慮,反映市場投資情緒的股市恐懼指標VIX指數升2.3%至12的樓上。
烏克蘭稱俄軍已進入烏克蘭境內並佔領了海濱城市Novoazovsk,這條消息使市場情緒緊張、股市承壓。
烏克蘭局勢已經平靜了一段日子,烏克蘭與俄羅斯的第一輪磋商昨日舉行,並且安排了明日談判邊境控制與交換戰俘問題。當大家以為可能會繼續有一段安定日子可過的時候,昨日突然聽到烏克蘭總統波羅申科(Petro Poroshenko) 在國家安全委員會會議上話俄軍已進入烏克蘭境內,並且佔領了烏克蘭的戰略重鎮海濱城市Novoazovsk。
而俄羅斯國防部官員科納申科夫即時表示,有關消息完全是一則「國際謡言」,毫無根據。聯合國安理會為此馬上召開緊急會議。究竟事實為何,仍未清楚,而美國代表及俄方代表在國家安全委員會會議上已經相互開火,大罵對方係「大話精」。美國國務院發言人普薩基隨即在新聞發布會上稱,美國正在密切注意事態發展,美國正在考慮如果回應,又指出擴大制裁將是「最有效和最好的工具」。早些時候,德國總理默克爾也表示,歐盟將在本周的峰會上討論對俄擴大制裁。
美股前幾星期因烏克蘭同中東局勢緊張回軟,近排因為國際局勢稍為平靜,大市又再創新高,標普500點升上2000點。市場最驚嘅地緣政治又爆鑊,好日子可能好快玩完,投資者睇嚟又要小心一點,以防萬一啦。
子龍不明白, 為何自住樓價上升了, 會變成盈利了??? 自住樓上升了, 會帶動通脹, 租金上升了, 維修費亦上升了, 管理費上升了, 即是自住成本不斷上升了. 對現金流是負面的, 當然心理上好像盈利了. 但事實呢??? 你會這個時候套現沽出自住樓嗎??? 現在一般窮人恩物都要4-5百個, 如何換樓呢??? 自住樓是消費不是投資呢.
陸SIR今日節目重溫
第三部份 Part 3 (HKT 0804:0900) Time Bar由46:20開始
http://programme.rthk.hk/channel/radio/player_popup.php?name=&pid=400&eid=&d=2014-09-01&player=mp3&type=archive&channel=radio2
soho*, 謝謝
soho兄,你講得啱,利息低都仲好D。但現時樓價,大樓換細樓又似乎好D。
銀樓互動
2014年09月01日
全球股市經過近月攀升,上月尾開始有啲疲態,美股同內地股市周末都係反覆上落,特別係內地股市,受到新一批上市股份影響,A股有少少壓力。香港情況比較特別,除了經濟因素,人大常委昨日公佈普選特首的框架,一如預期採取高門檻入閘要求,同泛民主派嘅要求相差甚遠。佔中人士反應暫時克制,無發動大型抗爭活動,不過,喺九月上半月,仲有幾日假期,包括中秋翌日,呢啲日子會唔會有大型集會,過程中會唔會有激進行動,或者擦槍走火,𠵱家無人敢擔保。現時佔中形勢比想像中溫和,對股市未睇到有乜大衝擊,但點都係多咗個敏感因素。
俄國趨緊股匯散咗
要留意嘅係呢幾日全球地緣政治的變化,英國將恐襲警示提高到第二級,以反映伊斯蘭國武裝份子的威脅,同一時間烏克蘭局勢再度緊張。有傳俄國軍隊闖入烏國後,市場擔心西方會加強制裁俄羅斯,搞到俄國股匯齊跌,美股開市都受消息影響開市偏軟,之後反覆向上,標指仲創新高收市。蘋果喺推出新智能手機消息帶動下,股價亦再創新高。而港股喺美國掛牌的預託證券,就受美股低開影響略為偏軟。
俄國同西方關係緊張,一度令資金由歐洲流入亞洲,間接利好埋港股,呢個情況已經出現一段時期,資金流入有漸漸放慢跡象,新一輪緊張後,唔知會唔會再刺激走資,港匯表現相信會有參考價值。
8月份唔少公司公佈業績,幾個行業嘅國企股派咗成績表,其中一個最令人關注嘅類別係內銀股,皆因內銀中有唔少權重股份,而且唔少投資者揸住佢哋嘅股份,如果佢唔肯郁,國企指數都好難大幅炒上。
隨着工商銀行(1398) 宣佈埋業績,大型國企銀行盈利表現基本上已有眉目,整體嚟講,內銀股大間比細間表現好,而且大概保持到增長,粗略用一成為界,盈利增加超過一成者算係表現較佳。市場焦點則放喺淨息差變化同貸款資產質素,仲有就係資本比率夠唔夠。
基本上內銀淨息差變化比較平穩,反映市場最擔心利率自由化嘅衝擊仲未明顯,情況比估計穩定;與此同時,資產質素就有少少變差咗,同埋發展趨勢仲未明朗。由於撥備增加,令個別銀行資本率有少少壓力,需要在下半年透過發行優先股等途徑加強資本實力。
其實,內銀股估值甚低,多少係反映咗市場嘅憂慮,今次公佈出來的業績有少少差,但又可以話唔係預期咁差,故此大部份股價都係跟隨大市上落,唔算有太特別反應。
唔同銀行之間,工行中期多賺7%至1481億元人民幣,符合預期,較其他幾隻內銀股,算得到較好的大行評級。麥格理認為,工行業績平穩,會刺激短期的投資氣氛,認為工行擁有較高的淨息差,以及穩定的資產質素,可以支持工行7%之回報率,維持「跑贏大市」評級,目標價5.44元。摩根大通就指,工行淨息差改善較其他同業好,資產質素變差的速度較同業為慢,維持「增持」評級,目標價6.2元不變。
內銀業績麻麻唔算太差
另一隻中行(3988) 上半年純利按年升11%,淨息差按年升3點子,存款及貸款增長均勝預期,資本充足比率及資產質素則較弱。大行里昂就認為,踏入下半年,預計信貸風險會繼續增加,淨息差會繼續受壓。里昂又指,中行的不良貸款比率升6點子,至1.02%,符合預期,但不良貸款餘額則高於預期,上半年新增不良貸款126億元人民幣,較去年升61%,期內有90億元人民幣撇帳,新形成的不良貸款增速較市場預期快,逾期貸款比率升至1.35%,為維持可吸收損失,信貸成本上升30點子。里昂相信淨息差收窄將會是市場趨勢,尤其是政府要求金融機構支持實體經濟,保持借貸成本為低水平。
先前我對中行稍稍看好,主要是淨息差有改善,現在出嚟見佢又跌番少少。呢個情況會唔會係管理層留定啲力呢,因為成績表都有一成以上增長,未必需要谷到咁盡喎。
內銀股𠵱家較惹關注係資產質素會否繼續變壞,呢樣同中央政策相當有關係。對於下半年經濟情況,國家發改委主任徐紹史認為,當前經濟企穩的基礎還不牢固,經濟運行穩中有憂,下半年要在保持宏觀政策基本取向穩定的同時,更加注重定向調控、預調微調。下半年將加強預期引導,促進房地產市場平穩健康發展;實施緩解企業融資成本高的各項政策,進一步健全金融機構風險處置機制。
佢仲話,要深化金融體制改革,積極推進試點民營銀行籌建工作,有序推進利率市場化改革,大力發展多層次資本市場,開展信貸資產證券化試點。如果中央意識到經濟前景唔係咁平穩,增加維持增長的措施,對銀行經營都會有穩定作用。
貸款質素受樓市左右
內銀股前景另一個取決因素,係內地樓市走向。𠵱家市場對內銀其中一個憂慮,係內地樓市持續低迷,咁會產生兩個效果,一個係過去內地好依賴房地產刺激需求,維持景氣,基建投資同房地產基本上係兩個保證增長的火車頭。由於基建能夠維持力度已經唔易,再加大肯定好有難度,喺咁嘅情況下,若無咗房地產去支撐需求,咁搵乜去維持經濟嘅熱度呢?市場因此估計,中央喺適當時間,都會放鬆番樓市的緊箍咒。
另一個問題係市場擔心樓市轉差,會影響銀行資產質素。早前,內地媒體起哄,話有地方出現斷供情況,令到財金官員都緊張起上嚟,急急發表維穩言論,撫平市場情緒。從來樓市同銀行體系係相連互動,美國的金融海嘯,起因就是銀行過度放貸,催生咗次按問題;當樓市泡沫爆破,業主掟番鎖匙畀銀行,就觸發金融體系不穩。
過去內地樓市打極唔死,主要係因為在四萬億救市大計下,大量熱錢透過銀行流入房地產市場,呢個情況喺過去一年剛好扭轉,銀行唔再大量貸款畀業主,甚至傳出有買家無法上會,喺水喉慢慢扭緊後,房地產市場唔再係不死鳥,所以呢次調整嘅成因唔在限購令或其他行政措施,而係水源不繼造成。有分析認為,現時二三線城市取消限購令呢啲行政干預,對刺激市場根本起唔到明顯作用,真正可以谷番起個市的方法,仍然係要銀行放寬按揭貸款,呢樣嘢亦會左右內銀股表現。
碧桂園抽水無蝕底
內地房地產幾時會轉角,暫時仲要觀察。傳統上,未來「金九銀十」兩個月係內房賣樓的關鍵,賣樓嘅情況成為市場炒作內房以至內銀的重要指標。值得留意的是,喺樓盤搶客戰開始之前,大型內房商碧桂園(2007) 率先宣佈,以折讓價供股集資30幾億元。30幾億元睇落唔算多,不過,集資所得全部係現金,當資金緊張時特別好使好用,從呢個時間做呢個動作,反映有房企唔想等賣樓結果,先行增加手頭銀彈。
經過咗過去咁多年發展經驗,上得市嘅內房商都識得運用不同渠道融資,令佢哋整體嘅財政實力增強不少,故此過去政府不斷進行調控,基本上都無內房商正式爆煲,反映大公司的財政實力都有番咁上吓,可以頂得唔少風浪。但係,對佢哋嚟講,「金九銀十」前先抽水,若然賣樓賣得好,雖然新股發行價可能定得平咗,但公司多咗現金用嚟買地起樓,唔係一件壞事,若然市況未有好轉,手頭多咗筆資金在手,個心就會定好多,無論點計都制得過,故此唔排除會有其他內房股會出手抽吓水。如果抽水公司多咗,即係股票供應會增加,有心想買內房股的投資者,就可以等吓機會撈平貨。
陸羽仁
閒人兄, 樓換樓表面看來很輕鬆, 但想當年買第一間屋時, 係慳得好淒涼, 謝絕一切無謂應酬.消費.娛樂, 冇必要唔入超級市場, 以免買埋些無謂零食, 睇戲.外地旅遊都不會去, 總之慳得就慳, 放假就帶樽水去行山或者去圖書館睇報紙睇書, 逛商場只係睇店鋪窗櫥就算, 頂多入書店睇書, 買樓首期就係咁樣一分一毫慳番黎
// ... 長實旗下大埔嵐山,昨首度獨立推出二十一伙開放式單位,這批開放式戶屬早前嵐山以「1+親」組合形式推出,即僅供大單位買家選擇購入開戶型,由於部分開放戶型未有售出,今次改以單獨形式發售,這批上車物業更較以「1+親」形式推售時,提價約百分之十三至三成多不等
就昨銷售現場所見,大埔嵐山準買家入市踴躍,銷售現場人頭湧湧,反映細價單位需求甚殷切,且單位較前提價推出,亦未影響準置業意欲。昨日開售之二十一伙開 放式單位,準買家出席率更達九成之高,當中,首二十一籌號已認購全數單位,換言之,僅手持二十一號籌獲揀樓入市機會,故整批單位迅即於半小時內沽清,等同 每七分鐘沽出一伙單位。 ... //
將軍?
美數據佳 標指再破頂
受制25000 港股ADR挫87點
【明報專訊】歐洲地緣政治風險上升,資金流向美債,另一方面美國經濟數據強勁、消費者信心回升,造就股市、債市齊做好,標普500指數上周五再創收市新高。不過,港股重上25,000點乏力,在美國掛牌的ADR亦見回調,ADR港股比例指數挫87點。
http://www.mpfinance.com/htm/finance/20140831/news/eb_eba1.htm
閒人好好彩, 2003年以110萬沽了自住物業, 當時蝕了50萬, 隨即換入現有單位, 買入價190萬, 現值720萬, 賬面賺了530萬. 翻看03年沽出的單位, 現值340萬, 較賣出價升了230萬. 但閒人絕不會看成損失或少賺了230萬, 而是慶幸在樓市低時細樓換大樓, 多賺了 300萬 (530-230)
陸Sir / 各位網友, 晚安!
門徒兄, 我只係回應網友的提問, 如果係曬身家就要表列我所有資產呢噢!
其實呢單刁一直令我耿耿於懷, 我覺得自己做錯了決定, 現時路經舊居個心都好唔舒服, 這就是一念之差, 當時曾考慮與家人合資(即係賣50%舊居俾家人), 然後出租, 但我又唔想自己的投資拖埋屋企人落水, 因為當時樓市氣氛實再太差, 冇乜人想買樓
飛哥, 有無加按套現呀? ==> 想當年樓市高峰期, 人人爭相加按套現去投資, 一間屋變三間屋, 瘋狂炒股, 後來負資產.跳樓.破產.周身債就係死呢班人, 貪字變個貧, 我份人連免息分期付款都唔要, 寧願一筆過找數, 卡數月月清, 我投機.投資都唔叻, 一動不如一靜, 睡得安寧
鼠兄, 你好! 喜歡睇你既留言, 網友留言愈來愈少, 十分懷念當年金兄分析股份的年代
Kathleen, 你好! 好耐冇同你打招呼, 長周末去邊樹玩呀?
飛哥,午安!
中原指數新高 新界西隨勢破頂
【明報專訊】二手樓價持續上升。中原城市領先指數CCL最新報126.20點,再創歷史新高,按周升0.79%。其中新界西指數亦繼九龍、港島後,亦創出歷史新高紀錄。
按周升0.79%
CCL八大指標中,有5個刷新高。除了CCL ,CCL Mass及CCL(中小型單位)亦上升至126.64及124.78,分別按周升0.79%及1.4%。九龍區指數,今周繼續打破歷史高位,升至126.25。而新界西指數亦升至108.42,打破歷史高位。中原研究部高級聯席董事黃良昇指出,數據顯示升市進入第二個循環。
近日一手市場熾熱,搶走不少換樓上車客,部分二手業主需略減叫價才能成交。沙田第一城一個低層單位略減約7萬元,才促使成交。美聯高級營業經理黃錦瀚表示,24座低層D室,實用326方呎(建築395方呎)。原業主開價380萬元,略減價約7萬後,以373.8萬元成交。實呎11,466萬元(建呎9463萬元)。
原業主2011年以233.8萬元購入,帳面獲利140萬元或60%。
第一城太古城齊錄減價成交
另太古城一個3房戶放盤3個月,並減價10萬元才能易手。中原分行經理關浚表示,該單位為彩天閣低層A室,實用759方呎(建築876方呎)。原業主叫價1100萬元,後以1090萬元易手。原業主於2006年以448萬元買入,帳面獲利642萬元或143%。
買(自主)樓的最好時機???
張家輝: 你買得起的時候, 就係最好時機
鼠鼠: 早噢
SOHO兄: 有無加按套現呀
Kathleen,那就好好享受長週末! 袋鼠國嘅labour day在十月,遲你們一個月。
【資產惡化】
次季度中小內銀資產質素惡化,當中以招行(3968)最差,該行去季貸款增長3%,不良貸款餘額則升19.26%,不良率更升13點子至0.98%,為整個板塊增幅最大內銀。
中期純利屬市場預期上限的招行,盈利增15.94%至304.59億元,主要靠手續費及佣金收入大增67.38%帶動,該行每股盈利1.21元,不派中期息。次季度純利155.14億元,按年按季分別增17.09%及4.02%。
今年首六個月招行不良貸款大升,期內貸款質素亦轉差,造成資產減值損失大升2.29倍至163.2億元。另光大銀行(6818)中期純利增長6.22%至158.45億元,僅高於交行(3328)。去年底剛於香港上市集資的光銀,核心一級資本充足率僅8.97%,為行業較低水平。
雲豬: 合生完? 穿28要斬鳥
門徒兄: 很狗沒見, 去左邊度發財呀
淑敏: 交下學費就識架喇
袋鼠:You have a good weekend, too!
呢邊係長週末,下週一是Labour Day,美股無市噢。
2014-08-29
Dow Jones Industrial Average (^DJI)
17,098.45 18.88(0.11%) 4:30PM EDT
做乜毛呈呈哂身家呀^^
達摩大師晚安!
你問邊個係2003年 或 2008 或 2009年 買左樓 呢噢?
==> soho 在2003年尾合埋眼忍痛以$160萬賣左一個兩房單位, 蝕左100萬
隨即換入一個三房單位, 買入價$230, 現估值近$700萬,
當時樓市低迷, 後市升跌難料, 換樓心態係平賣平買同步進行風險細
當日要補錢買入大單位, 亦遭家人反對, 因為當時全世界都看淡樓市前景
朋友亦同期賣樓, 但佢選擇租樓等樓價跌, 結果一直拖拖拉拉冇再上車, 如今後悔不已
炒股花精神, 但換樓一單刁已賺到開巷, 仲賺埋住添! 過去十年如果租屋住我要付出約$200萬租金
以散戶的資質炒股想賺大錢真係好難, 因為大鱷太奸險, 所以我只信磚頭
中原城市領先指數CCL本周再創歷史新高, 今年樓價上升近6%, 過去8個月, 一手成交額已衝破1100億元大關, 創自1996年有紀錄以來既同期新高
我而家都好後悔當日賤賣資產, 當時曾考慮將兩房單位放租, 另外再買三房單位自住, 但唔夠資金, 只好忍痛賣舊居換樓算了
無論楼市定係股市、高峰期時人人争相入市、低潮時卻乏人問津、睇到今年楼市續升、市民仍峰湧入市、似乎忘記了金融市場是有週期的、花無百日紅
fly兄,我都有奶粉,合生完
深潛中。。。
Fly兄,
你話街貨太多又唔好幫親~~~我一直以為街貨量太少, 是會比莊家圍價...睇嚟我真是要惡補一下, 先好再買牛熊喇
多謝你的資訊呀 !
係呀 ! 原來我 x掩眼, 明明昨晚做好了功課不是入這隻的, 但不知點解今早看返之前 notes, 又入左呢隻, 頭先入返去看詳情.....原來街貨量2.28%, 難怪被莊家食咁多差價啦
淑敏: 我隻跌2.XX%炸, 你隻成交活唔活躍? 買賣差價我只選1格, 超過1格唔幫親, o的價亂跳, 又唔always出價唔幫親. 街貨太多又唔好幫親. HSXC blacklisted, 佢之前食過成十幾格, 而且買賣差價經常兩格
將軍: 救我....
不過過夜就要久經訓練...
中原城市領先指數 CCL
(所有成份屋苑)
2018...
SIGH...
淑敏:如果跌多過人,有可能係俾發行商食左差價,有咩大家都可以研究下^_^
TC, 謝謝你教我....原來是自己傻下傻下, 但同其他熊仔比, 又真係跌得誇張左喎 !
Fly兄, 是麥銀 697xx熊熊
fly兄:
淑敏:睇期指,不是恆指。
淑敏:你熊左乜野呀?
好戲在后頭....
淑敏: 噢...想知係咪昆人, 就要買本陸sir新書--->對賭睇下呢. 睇完你就明呢.
子龍, 多謝你關心, 我會留意的 !
想問下你地個市明明收市升1點之嘛, 點解我買的熊仔會跌14.6%架, 係咪昆人呀 ?????
叮噹....全日大市叫做升1點. 8月玩完, 9月才是戲肉. 好戲在后頭....
淑敏: 有TC主席大人在, 勿慌. 但過夜是高難度動作, 要有心理準備呢.
收市急回
TC主席大人要大市升就升, 跌就跌
淑敏: 無事住
子龍, 好在我是跟TC主席大人的方向.....可坐一會
TC, 一試就衰左, 感覺真唔好受........
啲淡友去晒邊呀...
馬仔: 噢...因為子龍排了幾個鐘去書展, 禮貌上很難說太醜. 這個子龍是很理解的.
將軍 陸sir好似讚過你靚架喎
淑敏,女人直覺好準架
對於用感覺去決定大市升跌, 是很危險的, 等同你見到靚仔就覺得佢係好人, 信得過一樣令人費解. 大市升跌其實取決於--->TC主席大人的心情而矣....
淑敏: 係呀~....但市升了...
fly兄, 我沒你們咁叻識睇圖, 我只是憑感覺佢會跌.....Hehe~~