息低難跌

2014/09/01 09:28:01 網誌分類: 經濟

01 Sep

美國勞工節假期前，美股交投清淡。上個星期，美股可以講係一潭死水，周初的四天，交投量係全年最少的四天，除了今日係暑期最後一個長假期，好多交易員同投資者放了假之外，市場也憂慮放假期間中東及烏克蘭的緊張局勢會升溫，所以都無心戀戰。

美國上週五出爐的經濟數據，仍然係利好的居多， 8月芝加哥採購經理人指數(PMI) 由上月的52.6攀升至64.3，生産、新訂單以及其他數據都有攀升，遠超過市場預期的57.5；而密芝根消費者信心指數終值由79.2向上調高至82.5，亦高過市場預期的上調至80。

不過，同期的個人消費者支出就由上月的增長0.4%縮減至下降0.1%，差過預期的增長0.1%。由於消費者開支數據疲弱，巴克萊將美國第三季度GDP增速預期從2.7%下調至2.2%。高盛亦將將同期的增長預期從3.3%下調為3.1%。

美股上週五輕微造好。杜指升19點至17098點；標普500指數收市重上2000點大關，漲7點至2003點，再創歷史收市新高；納指漲23點至4580點，維持在14年以來最高。美股仍在一個創高格局。

總結8月份，美股表現強勁。標普500指數在7月下旬至8月初期間下跌了4%，期間經歷了包括歐洲經濟疲軟、中東戰火重燃及俄烏關係惡化，幸而美國公佈的大多數經濟數據都偏向利好，聯儲局主席耶倫又大派未有咁快加息的定心丸，支撐住美股，在8月第二個星期開始全力反彈，全月倒升3.4%，並且創新高。至上週五為止，標普500指數今年升了8.4%；納指仲勁，全年漲幅9.7%；杜指最弱，升幅只有3.2%。

美股在8月通常會下跌，但上個月這是14年以來最好的8月，我覺得和美國債價大升，美息低企有關。10年期美債上周五跌至2．34厘的低位，在聯儲明年將加息的前夕，美債利息應該回升，但結果卻反覆插低，令人奇怪，我估受兩大因素影響，第一是烏國僵局令歐盟加大對俄羅斯的制裁，不少俄國資金流入買美債。第二是歐洲經濟唔好，12月開始量化寛鬆的機會大增，歐洲資金也避走歐債轉買美債。美國債息咁低，大大支持了股市向上。

摩根大通基金全球市場策略師詹姆斯劉(James Liu) 指出，雖然8月底許多交易商已經離場，走勢不能全盤反映投資者對大市的真正睇法。不過，受到了極好的美國消費者信心指數的推動，投資者們可能預計下周公佈的8月就業數據同樣強勁。

而Natixis全球理財公司首席市場策略師拉夫蒂(David Lafferty)認為，第二季度的企業財報「相當穩固」，受企業盈利增長推動，股市上漲行情將維持到年底，但上漲勢頭將不會如過去幾年那麼強勁，美股只會緩步上漲。

據美銀美林全球研究部週五發布的報告顯示，截至8月27日的一周，全球股票基金流入資金50億美元，為連續第三周凈流入。資金流入數額不大，但在持續流入，反映投資者對仍睇好股市前景，但比較審慎，估計係對地緣政治局勢充滿戒心。

陸羽仁

回應 (63)

我要發表

陸羽仁 2014/09/02 15:39:28 回覆

陸羽仁覆網友

Stocky Balboa：上網輸入fund flows,可以找到大量資料。

姆明：廈門港等咁耐才到家鄉，可先沽一半，其餘等高啲。唔好信習主席會特別照顧廈門。

KFC 2014/09/02 08:38:34 回覆

美長息受歐央行左右

長短債息「分道揚鑣」

animal666 2014/09/02 05:30:54 回覆

靜候新水
2014年09月02日

　　9月份第一個交易日，出現咗好淡爭持，美國預託證券低收，但港股開市無耐就回升，不過升勢亦唔係幾夠力，無力向上突破，結果只係微升收市。有中環茶友問陸羽仁點睇，我就話個市似乎都仲係關注緊歐洲係咪會放水，資金暫時都仲係傾向買嘢多啲。

　　歐洲樣衰遲早量寬

　　本來，十個牛皮九個淡，個市升咗咁多，都好大可能會調整，要留意嘅只係歐洲經濟睇落都幾差吓，昨晚公佈歐羅區、德國和法國8月製造業採購經理人指數(PMI)終值，均創近一年或以上低位，主要受到新定單表現疲弱等因素所拖累。

　　歐洲數據咁差，睇嚟量寬只係遲早嘅事，最近美元轉強，美國債息再下跌，都係反映投資者預見歐洲又印銀紙，歐羅不值錢嘅情況出現，預先走咗出嚟買嘢，假如情況持續，相信大水遲早衝到龍王廟，搞到全球股市上漲。

　　不過，聽完陸羽仁咁講，股民都唔好即刻仆入市買嘢喎，因為歐洲做嘢一向唔係咁快，要搞量寬都要車前倒後，係都要搞一輪程序，所以較穩妥方法係低就買吓，靜候有無新水流入，因為買得平，心理壓力就細好多，唔使捱價捱得咁辛苦，贏錢機會自然大咗啲。

　　港股昨日升完無力，主要受累官方上月製造業採購經理人指數略差過預期，同時匯豐中國8月份製造業PMI終值向下修訂至50.2，港股低開39點後雖然掉頭回升，最多升149點，但喺數據唔靚影響下，午後港股一度短暫倒跌，尾市回升，僅收24752點，升10點；國企指數收報10958點，跌4點，成交縮減至619億元。

　　滬港通在過去一個周末順利完成首輪全網測試，市場憧憬10月份滬港通將如期啟動，加上IPO分流資金逐步回流股市，內地兩市高開後愈升愈有，以近全日高位收市。

　　上證指數收報2235點，升18點；深成指報7941點，升99點。雖然內地股市造好，本港上市的A股ETF就無跟足。安碩A50中國(2823) 收報9.23元，無升跌，南方A50(2822) 造9.43元，微升0.1%。

　　航空股借勢炒番轉

　　香港航空傳遞交上市申請籌39億元，兼且內地航線燃油附加費將下調，內地三大航空股起飛。國航(753) 彈3.75%，收造4.98元，升幅是國企指數成份股最勁；南航(1055) 、東航(670) 都略有進帳。南航上升1.15%，報2.64元；東航亦升0.76%，造2.65元。

　　收市後，市建局公佈，信和置業(083) 及華人置業(127) 投得市建局觀塘市中心計劃第二、三發展區項目。局方相信他們憑着在本港的豐富房地產經驗，將會成功發展此項目。

　　觀塘市中心計劃總共分階段發展五個發展區。今次招標的第二及第三發展區，提供約1700個住宅單位，住宅總樓面面積約150萬方呎及約36萬方呎包括零售店舖及公共交通設施。

　　今次項目規定零售商舖要交回給市建局，競投曾經試過流標，主要係市建局要求中標者興建大型豪宅，唔少財團覺得一下子推出咁多大單位，市場唔係咁容易消化，風險相對大增。面對市場現實，市建局唯有修改標書，增加興建單位彈性，終於順利批出。

　　過往信置投地以勇猛見稱，但近年作風略有改變，喺近兩年地價高峰期唔係買咗好多地，喺未投呢個項目之前，公司基本上零負債，手頭仲有幾十億係手，加上今次係同華置合作，中標消息相信屬於中性。

　　陸羽仁

2014/09/01 23:07:52 回覆

陸SIR,記得你有一天講基金有幾多錢流入市場,我想揾返篇文,但揾唔返,不過其實我想知邊到可以睇到基金有幾多錢流入市場呢?THANKS

2014/09/01 21:36:13 回覆

鼠兄,

您講得對，MBA對大部份學生黎講只係一個識人既機會，學術內容好多都廢無可廢，試諗下同一個MBA，名牌大學用成百萬一個，教既野一樣，點解? 俾得百萬講，非富則貴，大家圍威喂，識埋一齊搵搞作，再坑窮人錢。

順便講下，香港而家讀一個MASTER同五年前比真係差好遠，以前冇咁多大陸人落黎爭書讀，我報一個Master係學校求我俾錢讀，而家你想讀都要求番學校俾你讀，仲要超過一半學位俾大陸人食晒。

再講，我估唔到學位都會升值，我七年前一個Master Course假如要俾十萬，而家同一個Course要俾廿萬有多，同買樓一樣，早讀早著數。

2014/09/01 21:05:27 回覆

夜静聽吓歌! 加杯咖啡又如何! ${#icono_1}$

${#icono_11}$ http://youtu.be/iIm-YTrs4tM

2014/09/01 20:25:45 回覆

陸sir,

我想問你點睇廈門港務 3378 的前景。我係2011年接火棒的，捱價了好幾年，曾經跌過去0.79。不過，我都一直無沽。呢隻野一直低位徘徊，最近幾個月突然發力，上到幾年高位了，計番我呢幾年收的利息，現價都無蝕了。

當時習書記上任時，我就心想習書記很長時間都在廈門福州工作，可能上台後會較照顧自己任內的區域。請問這有冇關係呢? 而我都持有咁耐了，也不急於沽出，況且呢隻野最近好似動作多多。

請問你有何高見呢

THX

2014/09/01 20:08:26 回覆

袋鼠兄，多謝你的資料。 TC,謝謝你鼓勵，我會努力做功課！

2014/09/01 19:51:46 回覆

淑敏：加油～

soho* 2014/09/01 19:11:59 回覆

港交所：證監會交易徵費11月1日起調低

港交所公布,代證監會向旗下市場徵收的交易徵費,將於本年11月1日政府之《2014年證券及期貨(徵費)(修訂)令》生效後調低。

根據上述命令,由11月1 日起,買賣證券的交易徵費將由0.003%調低至0.0027%；買賣標準期貨及期權合約的證監會徵費將由每份合約0.6元調低至0.54元；而買賣小型恒生指數期貨、小型H股指數期貨、小型恒生指數期權及股票期貨合約的證監會徵費,將由0.12元調低至0.1元。

2014/09/01 19:04:20 回覆

淑敏，看文件內的附件

恒生指數有限公司宣佈指數檢討結果

2014/09/01 18:53:56 回覆

那個女生要求太高嘞。

為豐盛自己而定下目標，不要滿足別人期望、否則只會自己辛苦，尤其是你自己係有足夠條件嘅人，頭再抬得再高只會變成雙眼望天唔望人。

假設你唔係狗嗡、真係考過5A (袋鼠唔記得咁清楚)，那麼獸人以前某一段留言無估錯嘅話，只係制度上的關卡阻住你，未上過大學唔代表你嘅實質能力。

不過你真係要再上學，要有預備功課壓力的準備。可以好惡頂。

PS. 袋鼠覺得MBA係教presentation及networking技巧，學術內容就多數好癈，無挑戰，而管理就要打實戰先至真係學得到，無得咁教。

以上呢句會得罪好多人，但袋鼠唔怕好老實講，大家網友鬼鬼先至咁講，面對面老友鬼鬼嘅朋友就唔會講。

2014/09/01 18:35:45 回覆

各位blog友,

我想請問, 我可以去那裡找到恆生指數的組成股份和所佔的百份比資料呢 ?

我想做下功課......再戰過. thx a lot !

子龍 (kaka就是大叔的契哥) 2014/09/01 18:12:32 回覆

袋鼠兄: 子龍只懂投機. 英文是有限公司. 如大市能破31959, 子龍都打算離場, 重新學習. 試下重返校園呢. 博士就無可能, 最多讀個MBA, 對住女生, 都可以抬起頭做人.

fly兄: 老散可能覺得太難, 做成期權深度不足, 港膠所要想下辦法, 或者攪下Q版期權大返身, 等多點人認識下期權呢.

2014/09/01 17:50:26 回覆

將軍，雖然袋鼠係讀完中學入大學讀工程，但入經濟系是工作多年後才中途出家，入學時已經俾其他學生大10年有多。你已經確保財政，只要你肯花心機，要學英文(始終唔單止學術，全世界不少資訊交流都是用英文，可以睇多好多嘢，就算中國點堀起，呢個情況未來數十年都唔會變)，難係難，但唔會太難，揀一科你想追求的學問、享受你想追尋的校園生活啦！

其實上年紀追求學問不是問題。聽聞有個學弟，把握到97前香港黃金十年的機會之後，而家為學問而學問，博士銜頭都兩個，另類有專嚴的職業學生。

2014/09/01 17:40:49 回覆

將軍: 爆上爆落做LONG, 小上小落橫行做SHORT, 又咩馬鞍羊鞍, 暈暈地 ${#iconb_262}$ 有咁多錢, 不如買層樓真正收租好過喇 ${#iconb_220}$

子龍 (kaka就是大叔的契哥) 2014/09/01 17:34:55 回覆

袋鼠兄: 你都知子龍是中學生, 睇完唔多明. 子龍都想讀大學, 參加迎新營.... ${#icons_dog5}$

fly兄: 重點好像買call要事件主導, 不要係又買, 唔係又買; short就好像悶市最好short call, 當收租咁喎.....

2014/09/01 17:30:49 回覆

睇買入價啦

所以個個都無講錯，只係基數唔同吧

animal666 2014/09/01 17:28:42 回覆

買樓只會係一世既Bundle

Burden???

SIGH...

2014/09/01 17:26:37 回覆

將軍，老教授話，好嘅理論可以推論形勢發展，但時間上就無可能預測。例子係Triffin (1960) 已經批死美元-金本位(bretton woods system)會玩完，但結果係1971年才由尼克遜宣佈關閉黃金兌換窗，實現這個推論。

老教授係睇歐羅區危機，不過佢提及紐約法官在阿根廷嘅hold-out舊債判決，完全不明白金融體系慣例及運作；阿根廷被迫違約，而家仲睇緊究竟啲新債嘅CDS要有幾多賠… 如果CDS賠償金額唔細，袋鼠反而覺得可以係短期內帶來金融市場動盪的源頭

2014/09/01 17:25:41 回覆

做LONG長輸長有, 輸到PK. 做SHORT資金唔夠, 隨時訓街. 理論易學, 操作難呢 ${#icons_dog5}$

子龍 (kaka就是大叔的契哥) 2014/09/01 17:22:27 回覆

袋鼠兄: 老散要發達, 就要做CALL, 大戶就多數做SHORT. 很少聽到大戶輸到破產..... ${#iconb_625}$

2014/09/01 17:11:27 回覆

唔包括真正做對沖/承保的交易，期權是零和遊戲，交易兩邊，一邊有人發達，另一邊就一定有人破產 ${#iconb_67}$ 。

子龍 (kaka就是大叔的契哥) 2014/09/01 16:55:23 回覆

是呢. 期權最近大家真是少講了, 過去幾年, 子龍好認真去學下期權, 發覺單純期權, 要長期盈利, 真是幾難, 幾時LONG, 幾時SHORT??? 又要分 CALL, PUT. 不過子龍認同期權是可以發達, 當你預期某一事件發生時間準確, 而同時能預期市場的反應. 而你真的辦對了, 威力無窮.... ${#iconb_67}$

袋鼠兄: 多口問句, 老教授有否提及, 下次金融危機嘅財富大轉移機會, 是否來自--->阿爺??? 謝謝.

2014/09/01 16:32:10 回覆

樓就無印象，有印象係有段時間呢度講炒期權，不過K姐一早清理門戶，應該係金盤洗手，唔再跟網友投機期權吧？

順便講多句，老教授都金盤洗手，但係都番嚟講吓堂；無論對主流學術界嘅宏觀研究、或西方政客對經濟的無知，有的是理念而不是實際理論，只能一笑罝之；不過講開嚟，有部份在經濟學界有份量人物，都同佢見解一致。

堂上小貓三四隻，好處係課堂討論多咗及直接咗，只可惜亦大慨反映而家大部份研究生嘅心態，在未來數十年都係繼續跟著主流宏觀理論去行，大家繼續等待金融危機嘅財富大轉移機會啦！

袋鼠無乜實質嘢講，但簡單去問，可能易明: 被歌頌的港式自由市場 (laissez faire，記住，自由市場不等同市場效率，亦不代表市場本身的運作模式！只是一個叫政府放手不理的理念)，放任了二、三十年嘅今日，對你生活影響如何？

答之前請記住，七十到九十年代，有不同因素，個餅做大咗，或多或少，人人得益，兼且當時市場運作壟斷較少，壟斷企業亦有監管。餘下的，諗諗啦…

子龍 (kaka就是大叔的契哥) 2014/09/01 16:11:27 回覆

叮噹....全日大市小升10點. 安仔好似返左黎, 鳳凰重生....... ${#iconb_25}$

子龍 (kaka就是大叔的契哥) 2014/09/01 15:45:55 回覆

fly兄: 噢...子龍只是將陸sir和各師兄姐的精要, 重覆講一次而矣, 即是抄.... ${#iconb_67}$

2014/09/01 15:29:58 回覆

環遊世界遊唔到一世喎

2014/09/01 15:14:42 回覆

淡友發力？

2014/09/01 15:05:53 回覆

將軍: 將軍所言甚是 ${#iconb_69}$

2014/09/01 15:04:15 回覆

唔想聽到香港樓，辛辛苦苦儲到個錢，倒頭黎完全追唔上而家果種發癲既升幅。

把心一橫，將D錢拎去遊世界都好過做樓奴，反正而家買樓只會係一世既Bundle，遊下世界，起碼心靈會富足D。

子龍 (kaka就是大叔的契哥) 2014/09/01 14:36:14 回覆

fly兄: 噢...子龍以為是心理影響了決定. 根據8/2法則, 大部份人都是輸心理, 不是輸能力,輸學識. 所以淡定有錢剩也.

2014/09/01 14:22:39 回覆

將軍: 小飛敢斷言, 如果有專家叫你沽自住樓又或者佢都係租緊樓住, 佢既財技或理財知識好打有限, 佢寫既野基本上可以不理(起碼係樓市方面) ${#iconb_316}$

2014/09/01 14:20:41 回覆

供得起, 無雙台....盡做...(︿ｰ^)ノ

子龍 (kaka就是大叔的契哥) 2014/09/01 14:05:30 回覆

袋鼠兄: 噢...有時間又可以講下自住樓, 過去幾年, 子龍印象中早期有阿k師姐, 沽樓套現等跌, 唔知買番未; 近期又有位大學教授叫齊全家沽樓等跌, 唔知而家住邊呢. 當然有盈利在手, 咪租下先, 反定都是盈利. 但當等多幾年, 自然會令人心寒呢. 所以如當自住樓是消費, 升跌又有乜所謂呢, 供得起, 無雙台....盡做... ${#icono0_2}$