陸羽仁
陸羽仁
陸羽仁

息低難跌

2014/09/01 09:28:01 網誌分類: 經濟
01 Sep

    美國勞工節假期前,美股交投清淡。上個星期,美股可以講係一潭死水,周初的四天,交投量係全年最少的四天,除了今日係暑期最後一個長假期,好多交易員同投資者放了假之外,市場也憂慮放假期間中東及烏克蘭的緊張局勢會升溫,所以都無心戀戰。

     美國上週五出爐的經濟數據,仍然係利好的居多, 8月芝加哥採購經理人指數(PMI) 由上月的52.6攀升至64.3,生産、新訂單以及其他數據都有攀升,遠超過市場預期的57.5;而密芝根消費者信心指數終值由79.2向上調高至82.5,亦高過市場預期的上調至80。

     不過,同期的個人消費者支出就由上月的增長0.4%縮減至下降0.1%,差過預期的增長0.1%。由於消費者開支數據疲弱,巴克萊將美國第三季度GDP增速預期從2.7%下調至2.2%。高盛亦將將同期的增長預期從3.3%下調為3.1%。

     美股上週五輕微造好。杜指升19點至17098點;標普500指數收市重上2000點大關,漲7點至2003點,再創歷史收市新高;納指漲23點至4580點,維持在14年以來最高。美股仍在一個創高格局。

     總結8月份,美股表現強勁。標普500指數在7月下旬至8月初期間下跌了4%,期間經歷了包括歐洲經濟疲軟、中東戰火重燃及俄烏關係惡化,幸而美國公佈的大多數經濟數據都偏向利好,聯儲局主席耶倫又大派未有咁快加息的定心丸,支撐住美股,在8月第二個星期開始全力反彈,全月倒升3.4%,並且創新高。至上週五為止,標普500指數今年升了8.4%;納指仲勁,全年漲幅9.7%;杜指最弱,升幅只有3.2%。

     美股在8月通常會下跌,但上個月這是14年以來最好的8月,我覺得和美國債價大升,美息低企有關。10年期美債上周五跌至2.34厘的低位,在聯儲明年將加息的前夕,美債利息應該回升,但結果卻反覆插低,令人奇怪,我估受兩大因素影響,第一是烏國僵局令歐盟加大對俄羅斯的制裁,不少俄國資金流入買美債。第二是歐洲經濟唔好,12月開始量化寛鬆的機會大增,歐洲資金也避走歐債轉買美債。美國債息咁低,大大支持了股市向上。

     摩根大通基金全球市場策略師詹姆斯劉(James Liu) 指出,雖然8月底許多交易商已經離場,走勢不能全盤反映投資者對大市的真正睇法。不過,受到了極好的美國消費者信心指數的推動,投資者們可能預計下周公佈的8月就業數據同樣強勁。

     而Natixis全球理財公司首席市場策略師拉夫蒂(David Lafferty)認為,第二季度的企業財報「相當穩固」,受企業盈利增長推動,股市上漲行情將維持到年底,但上漲勢頭將不會如過去幾年那麼強勁,美股只會緩步上漲。

     據美銀美林全球研究部週五發布的報告顯示,截至8月27日的一周,全球股票基金流入資金50億美元,為連續第三周凈流入。資金流入數額不大,但在持續流入,反映投資者對仍睇好股市前景,但比較審慎,估計係對地緣政治局勢充滿戒心。

 陸羽仁

回應 (20)
我要發表
陸羽仁
陸羽仁 2014/09/02 15:39:28 回覆

陸羽仁覆網友

Stocky Balboa:上網輸入fund flows,可以找到大量資料。

姆明:廈門港等咁耐才到家鄉,可先沽一半,其餘等高啲。 唔好信習主席會特別照顧廈門。

animal666
animal666 2014/09/02 05:30:54 回覆

靜候新水
2014年09月02日

  9月份第一個交易日,出現咗好淡爭持,美國預託證券低收,但港股開市無耐就回升,不過升勢亦唔係幾夠力,無力向上突破,結果只係微升收市。有中環茶友問陸羽仁點睇,我就話個市似乎都仲係關注緊歐洲係咪會放水,資金暫時都仲係傾向買嘢多啲。

  歐洲樣衰遲早量寬

  本來,十個牛皮九個淡,個市升咗咁多,都好大可能會調整,要留意嘅只係歐洲經濟睇落都幾差吓,昨晚公佈歐羅區、德國和法國8月製造業採購經理人指數(PMI)終值,均創近一年或以上低位,主要受到新定單表現疲弱等因素所拖累。

  歐洲數據咁差,睇嚟量寬只係遲早嘅事,最近美元轉強,美國債息再下跌,都係反映投資者預見歐洲又印銀紙,歐羅不值錢嘅情況出現,預先走咗出嚟買嘢,假如情況持續,相信大水遲早衝到龍王廟,搞到全球股市上漲。

  不過,聽完陸羽仁咁講,股民都唔好即刻仆入市買嘢喎,因為歐洲做嘢一向唔係咁快,要搞量寬都要車前倒後,係都要搞一輪程序,所以較穩妥方法係低就買吓,靜候有無新水流入,因為買得平,心理壓力就細好多,唔使捱價捱得咁辛苦,贏錢機會自然大咗啲。

  港股昨日升完無力,主要受累官方上月製造業採購經理人指數略差過預期,同時匯豐中國8月份製造業PMI終值向下修訂至50.2,港股低開39點後雖然掉頭回升,最多升149點,但喺數據唔靚影響下,午後港股一度短暫倒跌,尾市回升,僅收24752點,升10點;國企指數收報10958點,跌4點,成交縮減至619億元。

  滬港通在過去一個周末順利完成首輪全網測試,市場憧憬10月份滬港通將如期啟動,加上IPO分流資金逐步回流股市,內地兩市高開後愈升愈有,以近全日高位收市。

  上證指數收報2235點,升18點;深成指報7941點,升99點。雖然內地股市造好,本港上市的A股ETF就無跟足。安碩A50中國(2823) 股價及相關新聞 收報9.23元,無升跌,南方A50(2822) 股價及相關新聞 造9.43元,微升0.1%。

  航空股借勢炒番轉

  香港航空傳遞交上市申請籌39億元,兼且內地航線燃油附加費將下調,內地三大航空股起飛。國航(753) 股價及相關新聞 彈3.75%,收造4.98元,升幅是國企指數成份股最勁;南航(1055) 股價及相關新聞 、東航(670) 股價及相關新聞 都略有進帳。南航上升1.15%,報2.64元;東航亦升0.76%,造2.65元。

  收市後,市建局公佈,信和置業(083) 股價及相關新聞 及華人置業(127) 股價及相關新聞 投得市建局觀塘市中心計劃第二、三發展區項目。局方相信他們憑着在本港的豐富房地產經驗,將會成功發展此項目。

  觀塘市中心計劃總共分階段發展五個發展區。今次招標的第二及第三發展區,提供約1700個住宅單位,住宅總樓面面積約150萬方呎及約36萬方呎包括零售店舖及公共交通設施。

  今次項目規定零售商舖要交回給市建局,競投曾經試過流標,主要係市建局要求中標者興建大型豪宅,唔少財團覺得一下子推出咁多大單位,市場唔係咁容易消化,風險相對大增。面對市場現實,市建局唯有修改標書,增加興建單位彈性,終於順利批出。

  過往信置投地以勇猛見稱,但近年作風略有改變,喺近兩年地價高峰期唔係買咗好多地,喺未投呢個項目之前,公司基本上零負債,手頭仲有幾十億係手,加上今次係同華置合作,中標消息相信屬於中性。

  陸羽仁

 

soho*
soho* 2014/09/01 19:11:59 回覆

港交所:證監會交易徵費11月1日起調低

   港交所公布,代證監會向旗下市場徵收的交易徵費,將於本年11月1日政府之《2014年證券及期貨(徵費)(修訂)令》生效後調低。

根據上述命令,由11月1 日起,買賣證券的交易徵費將由0.003%調低至0.0027%;買賣標準期貨及期權合約的證監會徵費將由每份合約0.6元調低至0.54元;而買賣小型恒生指數期貨、小型H股指數期貨、小型恒生指數期權及股票期貨合約的證監會徵費,將由0.12元調低至0.1元。

子龍 (kaka就是大叔的契哥)
子龍 (kaka就是大叔的契哥) 2014/09/01 18:12:32 回覆

袋鼠兄: 子龍只懂投機. 英文是有限公司. 如大市能破31959, 子龍都打算離場, 重新學習. 試下重返校園呢. 博士就無可能, 最多讀個MBA, 對住女生, 都可以抬起頭做人.

fly兄: 老散可能覺得太難, 做成期權深度不足, 港膠所要想下辦法, 或者攪下Q版期權大返身, 等多點人認識下期權呢.

子龍 (kaka就是大叔的契哥)
子龍 (kaka就是大叔的契哥) 2014/09/01 17:34:55 回覆

袋鼠兄: 你都知子龍是中學生, 睇完唔多明. 子龍都想讀大學, 參加迎新營.... {#icons_dog5}

fly兄: 重點好像買call要事件主導, 不要係又買, 唔係又買; short就好像悶市最好short call, 當收租咁喎.....

animal666
animal666 2014/09/01 17:28:42 回覆

//

買樓只會係一世既Bundle

//

Burden???

SIGH...

 

子龍 (kaka就是大叔的契哥)
子龍 (kaka就是大叔的契哥) 2014/09/01 17:22:27 回覆

袋鼠兄: 老散要發達, 就要做CALL, 大戶就多數做SHORT. 很少聽到大戶輸到破產..... {#iconb_625}

子龍 (kaka就是大叔的契哥)
子龍 (kaka就是大叔的契哥) 2014/09/01 16:55:23 回覆

是呢. 期權最近大家真是少講了, 過去幾年, 子龍好認真去學下期權, 發覺單純期權, 要長期盈利, 真是幾難, 幾時LONG, 幾時SHORT??? 又要分 CALL, PUT. 不過子龍認同期權是可以發達, 當你預期某一事件發生時間準確, 而同時能預期市場的反應. 而你真的辦對了, 威力無窮.... {#iconb_67}

袋鼠兄: 多口問句, 老教授有否提及, 下次金融危機嘅財富大轉移機會, 是否來自--->阿爺??? 謝謝.

子龍 (kaka就是大叔的契哥)
子龍 (kaka就是大叔的契哥) 2014/09/01 16:11:27 回覆

叮噹....全日大市小升10點. 安仔好似返左黎, 鳳凰重生....... {#iconb_25}

子龍 (kaka就是大叔的契哥)
子龍 (kaka就是大叔的契哥) 2014/09/01 15:45:55 回覆

fly兄: 噢...子龍只是將陸sir和各師兄姐的精要, 重覆講一次而矣, 即是抄.... {#iconb_67}

子龍 (kaka就是大叔的契哥)
子龍 (kaka就是大叔的契哥) 2014/09/01 14:36:14 回覆

fly兄: 噢...子龍以為是心理影響了決定. 根據8/2法則, 大部份人都是輸心理, 不是輸能力,輸學識. 所以淡定有錢剩也.

子龍 (kaka就是大叔的契哥)
子龍 (kaka就是大叔的契哥) 2014/09/01 14:05:30 回覆

袋鼠兄: 噢...有時間又可以講下自住樓, 過去幾年, 子龍印象中早期有阿k師姐, 沽樓套現等跌, 唔知買番未; 近期又有位大學教授叫齊全家沽樓等跌, 唔知而家住邊呢. 當然有盈利在手, 咪租下先, 反定都是盈利. 但當等多幾年, 自然會令人心寒呢. 所以如當自住樓是消費, 升跌又有乜所謂呢, 供得起, 無雙台....盡做... {#icono0_2}

子龍 (kaka就是大叔的契哥)
子龍 (kaka就是大叔的契哥) 2014/09/01 12:50:06 回覆

安仔: 鳳凰不及先鋒..... {#iconb_517}

袋鼠兄: 噢...你咁講, 子龍又完全同意呢. 自住樓作用是對抗通脹呢. 但自住樓過度升值, 對已有樓, 或未有樓人士, 都不是好事. 長線投資一定是講求價值低於價格, 但價值會隨時間而變, 隨管理層而變, 隨市場而變, 隨潮流而變. 投資者其實是大冒險家呢.

子龍 (kaka就是大叔的契哥)
子龍 (kaka就是大叔的契哥) 2014/09/01 11:54:23 回覆

kathleen姐: 早晨呀. 恭喜 {#iconb_210}

資產價格過度上升並不是好事. 根據soros的榮枯相生論, 互相反射, 自我推進, 過度上升, 物極必反, 噢....

叮噹.....半日大市未重上248, cooooooooool仍是167, 一定係話緊我.... {#iconb_24}

子龍 (kaka就是大叔的契哥)
子龍 (kaka就是大叔的契哥) 2014/09/01 10:18:32 回覆

fly兄: 噢...牛熊需要的是股感, 紀律呢. 是行情主導事件, 還是事件主導行情呢??? {#icons_dog5}

coooooooool哥不是167了, 是....165.... {#iconb_24}

子龍 (kaka就是大叔的契哥)
子龍 (kaka就是大叔的契哥) 2014/09/01 10:06:59 回覆

fly兄: 噢...一變二, 二變四, 這才是投資..... {#iconb_316}

TC主席大人: 噢..叫得先鋒, 當然有番咁上下.... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/09/01 09:53:23 回覆

唔....精武門認賠, 離場. 又虧了..... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/09/01 09:37:43 回覆

陸sir師兄師姐早晨. {#icono0_2}

 KFC
KFC 2014/09/01 09:31:39 回覆

Good morning.

user

最新回應

幪面馬仔
幪面馬仔 2021/03/08

門門

話時話星期一可能會升,我希望佢跌,俾你走貨。。。

好手痕,想沽期,但現真冇胆及時間。老了老了。

認同你說法,完美圖形如你說,但我有時覺得相差不遠亦不用太執著,但是否過頸線是確認圖形的關鍵。但大户亦用資金說明了,他們真金白銀買下去。

明天八婆可能會升,但我仍然覺得他要跌。

門徒
門徒 2021/03/07

馬爺小門唔認同八婆嗰係頭肩頂,右肩不應高過左肩 {#iconb_62}

子龍 (kaka就是大叔的契哥)

大戶契哥: 祖移動已歸類為收息股. 即是增長前景有限, 但派息穩定的標的. 問題是大市現在約三萬點, 如大市受制資金出逃而下跌, 收息股也會跌. 這是大盤風險呢.

很多時投資重點不在標的本身, 反而重點在投資者的素質. 是固執的投資者, 還是猶豫的投資者主導呢.

{#iconb_62}