國家法律vs地方法律

睇到報紙刊登內地大粒佬嚟咗香港同所有官員開會, 席間解釋下一任特首選舉辦法同提名人選及人數! 站喺宗主國嘅中央政府喺無可厚非, 不過, 依而家香港人嘅反對情緒同聲音日高一日, 相信中央想一面倒推行所思所想, 睇怕會有好多阻滯! 何況, 香港居民慣咗英國統治時遺留嘅情意結喺可以理解嘅!

就好似一般家庭嘅小朋友由外傭湊大, 一旦合約完成後送返本國, 長大咗嘅小朋友會唔捨得, 甚至喺十分依戀, 實在喺對咗咁耐而存有感情. 同樣道理, 香港人對英國信賴, 一方面喺奶媽立場, 對自己有養育之恩; 一方面喺英國比香港人嘅印象點都喺好過宗主國; 最後一方面喺香港人怕失去言論自由核心價值!

咁嘅氛圍底下, 有咩嘢辦法唔嘈到拆天? 中央睇落嚟, 就指出有某啲議員玩嘢, 甚至喺受到外國勢力支持同蠱惑下玩嘢, 目的在於令香港變相獨立, 而事實上卻間中受外國勢力支配咁話. 至於所講所憂所慮有冇實質證據就不得而知, 對於國家憲法授權之下行使對香港管治權, 喺歷史遺留落嚟嘅原則性事實.

無可否認, 香港喺中國領土; 中國有絕對管治權, 其他超級大國除咗枱底玩嘢外, 對中國嘅內政事務亦冇資格說三道四. 不過, 中央想香港人俯首臣服, 乖乖哋做順民, 就要比某程度上嘅著數同保證至得. 如果唔喺, 好難會有好菓子食! 雖然地方法律唔能夠淩駕國家法律, 一旦玩嘢, 中央政府相信會好頭痛!