一枝公
2007/10/16 20:58:26 網誌分類: 寫作
今天老伴和大女去街街,冇我份,個仔又話放學後要開會,老伴叫我夜晚個餐,自己攪掂......
一枝公,費事煑,自己一個人,出街食。
順手拿了一份頭條日報,想起來,攞左頭條咁耐,今次還是頭一次將這份報章由頭睇到尾,哈哈,原來咁多嘢睇。
以前同老伴外膳,總係聽到好似廣告話齋,呢D唔好,果D唔好......好!今次叫乜都好;偶爾看到頭條報導什麼反式脂肪,斃,叫左添。
看見田少同曾特都話收番所講嘅嘢,真係想問一問伙記收番碟干炒牛河得唔得!梗係唔得啦,一出聲被人掟出馬路有知,好,哽左佢。
一枝公,原來可以自得其樂,畢竟他日,總有這一日,我都會孤身走我路啦!
生不憂,老不怕,病不懼,死不歎.....這是老鼠回應莉老師四格人生寫過的。
趁老伴未番,以德報怨,洗左洗衣機D衫。
快哉!!!!
偷得浮生半人閒啊...正
秋天進補 雪蛤膏
http://www.hkheadline.com/blog/reply_blog.asp?f=B7Y317UVCC62227&id=66358
那時候 MV
http://www.hkheadline.com/blog/reply_blog.asp?f=B7Y317UVCC62227&id=65148
http://www.hkheadline.com/blog/reply_blog.asp?f=B7Y317UVCC62227&id=56548
我也常常一個人呆在家裡啦! 幸好有這兒給我散散悶啊!
今日仲攪笑, 我住的屋苑要做外牆大維修, 今早我開水洗隻碗來吃早餐, 怎料一開水喉, 外面個維修就叫我唔好用水啊! 連係屋企都要失去自由啊!