你有英文名嗎？

我所講嘅英文名，當然唔係用你個中文名翻譯成英語果個，係Peter, Mary...果種。

四五十年代，香港人唔興有英文名，除左響高級名校讀書嘅人(即係有錢人啦)！我剛升上中一，學校有理冇理幫所有同學改左個英文名(除非你本身經已有英文名)。以前，你聽人地個英文名，都可以想得倒佢係邊一個年代嘅人。

我地果個年代，男士好多都叫Peter, David, John, Michael...；女士則是Mary, Vicky, Eva...到了六十後，啲英文名開始古靈精怪：Rabbit, Candy, Money,...至於八十後，更加唔知佢地果啲英文名出自何經何典！

咁啱有一段短時期，我響人事登記處做柜位工作。即係咩嘢呀？幫果啲夠十八歲嘅人士做身份證囉！

由於當時大多數人出世時父母都冇幫佢地改英文名(果陣時啲父母，有幾多識英文吖)，不過，佢地響攞成人身份證嘅時候，有權加個英文名落身份證度。所以，我地處理佢地嘅申請表時，一定會問佢有冇用開英文名，佢地很多都會答有；例如：「我叫Michael。」

我好自然會問：「點串呀？」我當然識串啦！但係個名係佢嘅，佢嘅串法未必等如我諗一樣喎！好簡單啫，淨係姓「陳」個「陳」字，就可以串成Chan, Chen 甚至係Tan (響星架坡，姓陳真係咁串架！福建人都有咁串)。

很多時答案係：「.....唔識喎！」

我：「咁你學咩嘢人改英文名？返去串熟佢第日至加響身份證啦！」

除左英文串法之外，英語讀音亦經常被外國人指是「港式英語」。

報載：

「港式英文」常被人詬病，近日有人在網上熱議港人英語發音不準，連自己和別人的英文名也讀錯，例如將Joyce說成「Joy匙」。有英語導師指，港人常讀不準帶震音的「X」和「Z」，極普遍的Catherine更是最易讀錯的名字。

不少港人習慣以英文名互相稱呼，但常見的名字亦未必人人讀得準確。有網民形容見過很多人連自己英文名都讀錯，例如Joyce、Iris讀成「Joy匙」、「Iri匙」；亦有人將Janet讀成「鄭叻」！

職業英語培訓中心Prime English學術總監Wennita Fong表示，港人最常犯的毛病，包括讀不到震音，例如Xavier與Zoe的X和Z都有震音。另外，有多種發音方式的組合亦容易混淆，例如以「Ch」開首的英文名，像Charles（tʃ，發音如charge）、Chris（k，發音如kill），「Ch」的發音在當中均有不同。

星座作英文名 未必人人識讀

至於常見的英文名如Catherine，她指不少人會犯雙重錯誤，將第一和第三個音節重讀，變成「'cat-'fin」或「'cat-'frin」。正確讀法只能將重音擺在首個音節，即「'cath-rin」。而名字中的「th」亦是港人常見發音不準的組合，需將舌頭擺在上下牙齒中間、稍向上頂才發音。

Wennita又說，近年多了以行星及星座為英文名，假如命名為Uranus（天王星）、Pisces（雙魚座）等，因音節較多，且不常用，未必人人識讀。

不懂宜虛心請教對方如何發音

遇到難讀的英文名有時也很尷尬，她指曾有學員與美國工作夥伴見面，對方卡片寫上Amy Elizabeth Vaughan，學員因不懂讀其姓氏，故直稱她為Amy，但對方覺得首次見面便直呼其名不太客氣。故Wennita建議，如事先知道會面人士名單，可先翻查讀音；如當場才收到卡片，不妨直接向對方請教。

曾出書及在網台教英文的立法會議員毛孟靜說，把英文名讀成「Joy匙」、「Iri匙」，就像港式英文般，已成為本土文化特色一部分，她認為問題不大，最重要是面對外國人時懂得「轉台」，以正確英語溝通，否則便很突兀。

改名避免 標奇立異

改名「出位」未必是好事。毛孟靜指，曾聽聞有人改名為「Peepee Chan」，因「pee pee」有小便之意，事主在大學面試時，被外籍面試官多番求證其名，但他似是沒察覺其英文名別有含義，令場面尷尬。

近年甚至有人將常見的英文名稍作改動，以為可與眾不同。但Wennita認為不值得鼓勵，她舉例，有人將Mandy改成Mandi，將Phoebe改成Fibe，其實會顯得不夠尊重。「改名不是為譁眾取寵、突出自己，選擇易讀、易記的名字可能更好。」她建議，若英文程度欠佳，應避免選用「X、Z、V、Ch和Th」字頭發音的英文名，即使自己讀得正確，亦要有心理準備包容別人常常讀錯。