雙仙拜月亭之搶傘

尋日北上，與曲友芳芳隔個月一次嘅唱局。

操左四首，我覺得呢首係唱得比較好嘅一首---因為係第一次操，我自己收貨架啦！如果係第三次操，咁就梗係唔得啦！呢首歌唔算難唱，難便難在演繹啲口白。

尋日四首曲，頭果兩首係較新嘅曲(浪捲飛花、琴緣聚)，以音樂為主(依家啲新曲多是如此，表演音樂多過曲情！好唔好聽?見仁見智啦)；而且曲社子喉果個咪應該有問題，一邊唱、一邊有啲「嗡嗡」聲。唱完芳芳問：「錄出嚟會唔會都係咁呢？」

我：「我地都聽倒，梗係都錄倒啦！」

出嚟果陣，我跟其他兩位曲友講：「子喉個咪有問題！」

曲友答：「係呀！老板娘一路響度調較緊。」啊！回家聽晒啲曲，應該係子喉咪錄得好細聲，老板娘企圖較大聲啲，便出現怪聲！因此，尋日幾首曲，子喉聲都明顯較細聲，好在其後兩首曲「搶傘」和「風雨斷腸花」音樂較靜，問題才不致太明顯。

曲情描述：

兵荒馬亂之中，男角與妹、女角與娘親失散，患難中互助扶持，更一見鍾情，成就美事。

日期：2014年9月13日

地點：鳳凰軒

演唱者：芳芳/Van

https://app.box.com/s/esez896cdahyjg5xm77a