香港人漂流記

無線剛播完嘅節目，內容係訪問多位移居外地人士的經歷(當中大部份是成功的例子)，其中較為人熟悉的是大家都以為佢係泰國人、實情唔係泰國人嘅胡慧沖；以及最後一集嘅周海媚。

其中有幾集都係以移居台灣而又成功嘅例子----這些人很多是因為唔喜歡香港節奏太快的生活、有些是因為一次旅行而喜歡左另一個地方、有些是異地情緣...如果因為娶左或者嫁左當地人士而移居嘅，通常會較容易落地生根：豈碼有枝盲公竹帶住！

我都唔係集集睇，其他台有選擇咪唔睇囉！不過幸好有睇最尾果集。呢集主要講一對夫婦，原本響香港做生意，因為金融風暴生意失敗而移民美國，而女方又因為一次做義工經驗而改變了夫婦其後的人生路----兩夫婦選擇移居內地南寧，服務當地腦癱、孤兒....等弱勢社群，一切由零開始，多年辛勞終於成立了慈善基金，在當地建孤兒院，閒時走入山區，探訪有需要人士。

這對夫婦所做的一切，真是非一般人所能！難得的是太太有此心，而佢先生亦全力支持，初時自己一個人做工支撐成頭家，間中亦要從自己人工度拎錢甚至賣樓出糧予慈善服務的員工。兩夫婦年紀不大，難得的是他們在外地的屋企人及子女都支持佢地嘅義舉。

直至現在，該機構才真正得到各界人士的支持。兩人的義舉，可敬可佩！

http://mytv.tvb.com/lifestyle/asidrift/188357(觀看期有限)

反而臨尾訪問周海媚果少少片段，可以講係anti-climax(反高潮)---一邊訪問、一邊傻笑！佢嘅故事與事實不乎----片段講佢因為響北京識左現任男友，二話不說便搬上北京住，順便在當地拍劇；佢而表示不會在當地落腳！那便完全冇代表性，因為在內地拍劇的藝員多不勝數----劉嘉玲、偉仔一對代表性高得多！

有好幾集我都聽倒受訪人士表示，因為唔喜歡香港生活節奏太快而移民嘅，我嘅心諗：如果唔係咁，佢地去到外地又點會成功呢-----港人、猶其是係五十至七十後，都係打拚出嚟嘅！祇要有呢種唔怕捱同拚搏精神，去到邊都唔駛驚啦！