我和我的女友

我而家嘅女朋友叫做"小蛋" , 同佢一齊好耐囉 , 連我自己都無諗過可以同一個女仔一齊咁耐 , 可能因為佢真係太好 , 細心又體貼 !

其實我同佢嘅工作都好辛苦 , 所以晚飯都會出街食 , 有日小蛋早過我少少返屋企 , 咁我就約佢喺附近嘅餐廳見 , 佢竟然話好攰 , 叫我返嚟先 , 再同佢一齊出門口 , 我當時其實有D嬲 , 因為我自己都攰得好緊要 , 但係要返屋企再出街食飯 , 一來一回都幾辛苦 , 點解要咁喎 ?

返到去一開門 , 我就感到非常內疚 , 因為我聞到一股薯仔蕃茄湯嘅香味 , 小蛋見我一入屋就即刻推咗我入房 , 叫我快D換衫同洗手 , 我攪掂出返去飯廳 , 已經見到三餸一湯 , 仲要係我最鍾意嘅黑椒牛仔骨 , 乳香雞翼 , 同白灼生菜 , 當然仲有我最最最 , 最鍾意飲嘅薯仔蕃茄湯啦 ! 雖然我無講出口 , 但係內心嗰種感動真係難以形容 ......

另外 , 我呢兩日post咗一篇故事上blog , 其實係改編自我以前對一個女孩暗戀嘅故事 , 有D真有D係假 , 如果俾我以前嗰個暗戀對象睇到 , 唔知佢仲會唔會記得我係邊個呢 ?