豉椒炒魷

果幾隻「妖精」成日叫人「豉椒炒魷」，今日整左碟，先請佢地食！

材料：

鮮魷仔半斤

青、紅、黃椒各半隻切角

蒜茸兩粒

豆豉一湯匙略沖

調味料：魚露1湯匙、蠔油一湯匙、糖1/2茶匙、生粉一茶匙、水2湯匙

一. 鮮魷洗淨去衣，下少許胡椒粉略醃飛水---滾水一落便撈起。

二. 三色椒走油(唔走油，便炒熟)。

三. 燒油爆蒜茸、豆豉，下三色椒及鮮魷爆炒，灒酒。

四. 下調味料炒勻上碟。

註：

一. 捨得嘅咪買大隻鮮魷囉！不過幾貴，我早前買左一隻都四十蚊；今日買魷魚仔半斤係十八蚊。大隻果啲最好做多重手續，同佢界花！

二. 三色椒走油一定較炒熟好食！我今日開左油鑊炸魚腐，所以順便走埋油。