老少平安

送上一味「老少平安」，祝受小眾影響嘅大眾人士，老少平安；香港盡早回復正常----點會正常吖！俾班反港亂中嘅人攪到千瘡百孔，有排醫！香港政府：治亂世，用重典；教而不善嘅，唔需要強忍啦！

材料：

豆腐一磚略沖隔乾水份

未調味鯪魚肉四兩

芫茜1棵切碎

蛋白一隻

小蝦米1湯匙浸軟切碎

一. 鯪魚肉下鹽一茶匙，一茶匙生粉、胡椒粉及麻油拌至起膠。

二. 豆腐用叉壓爛，加入魚肉內拌勻。

三. 加入蛋白及莞茜碎，蝦米碎再拌勻，放蒸碟上壓平，大火蒸十分鐘，食時洒上麻油。

註：

一. 呢味餸何解叫做「老少平安」？因為又稔、又滑、又冇骨：細路仔N老人家食得好安全，唔會哽親。

二. 佢嘅主要材料得三樣：豆腐、魚肉同蛋白。蝦米同莞茜係我自己鍾意落啫，唔鍾意絕對有權唔落！不過，世界上唔係樣樣嘢都可以隨個人喜好去做架---特別係一啲損人又唔利己嘅嘢，做左會招天衍架！