域 流亦詩
域 流亦詩
域 流亦詩

不可為而為之

2014/10/06 19:46:29 網誌分類: 時事
06 Oct

你知我又知

來者盡皆痴

未見當頭棒

只見未來輸

 

戰中搞到今日形勢急轉下滑、議價能力亦越來越薄弱、主要原因係反對戰中嘅人數越來越多。雖然有大批忠實擁躉支持、但出來踩場嘅人也不少。剛剛還有搵食車司機以慢駛宣示抗議生計受阻、社會撕裂已經去到臨界點、管治當局遲早都會使用武力清場。然而、在這個時候有人見到部份示威者撤退、惶恐就此玩完、於是聯群結隊跑出來呼籲政府跟示威者妥協。不過阿爺嘅態度已經很清楚係絕不妥協、所以縣府亦無可能向示威者誠諾些甚麼。咁即係話、距離「要求不果、流血收場」越來越近矣!

 

其實在示威尚未展開之前、已經有大群政客、學者等人不斷發放「不可為而為之」這訊息、以示其爭取真普選嘅決心。問題係、以嗰班人嘅修為、冇理由睇唔出咁做係死路一條。既然明知到不可為、點解唔肯分階段續步爭取、而偏要堅持一步登天?如果要引起社會對真普選嘅關注嘅話、目標早已達成。但係那群政客、學者卻輪流呼籲政府跟示威者妥協、咁做等同封死學生哥嘅退路。目前嘅氣氛實在令人擔心、因為整件事嘅態勢與「南天門重六世事件」越來越相似。

 

在下早就講過、呢件事係在錯誤嘅空間發生、一開始就注定失敗。由其是阿爺目前嘅成就有若如日中天、根本不擔心會受外國勢力制裁。再者、在回歸後紫荊人雖然在政治和民生方面階未能獲得較理想嘅進展、但總算是平平穩穩。在下大膽講句、今次示威人士必定白犧牲、原因是盡失天時、地利、人和。遺憾的是學生哥肩負着政治重擔、勢成騎虎難下、在他們的要求尚未取得任何成果之前便撤退的話、確實難以向市民交代。

 

其實人們之所以吵來吵去、無非要求朝廷不要阻攔飯民人閘參選縣首、只要有關方面能夠答應一切就可以平息。奈何阿爺最擔憂嘅就係、紫荊人選出一個翻盅亂講嘅人物出來篤眼篤鼻、而紫荊人之中亦有不少人對阿爺擺上台嘅人深感不滿。由此可見、矛盾是來自阿爺與紫荊人之間的互不信任。所謂不可為而為之、大概就是不惜一切代價、甚至寧願步「南天門六世事件」後塵、都要利用學生哥嘅赤子之心去迫使阿爺改變主意。究竟係有人看不到阿爺嘅底線、抑或係就算輸咗對自己都冇傷肝呢、吓?

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!