陸羽仁
陸羽仁
陸羽仁

回購式升市

2014/10/07 09:32:54 網誌分類: 經濟
07 Oct

美企第三季業績公佈潮今時收市後展開。美股表現謹慎,先升後回。杜指朝早跟外圍造好,最多升過90點,之後掉頭回落,中午打回原形,下午在上日收市位橫行,收市偏軟。跌幅唔大,但杜指17000點心理關口再度失守,收16992點,小跌18點;標普500指數跌3點,收報1965點;納指表現較弱,收市跌21點至4455點。

 有分析預計,由於第三財季企業盈利數據即將公佈,未來呢個星期,投資者都會有點緊張。投資者主要係希望睇到美企面對美元轉強以,其海外營收狀況如何,以及相關美企管理層的評論。美元早前急升後昨日大幅回吐,但市場都只係睇成為大升後的調整。

 從牌面睇,美元升值急勁,對美國企業營運帶來至少三重打擊。一是帶動海外業務成本升高,二是壓縮美國以外的業務營收(因收入計回美元後縮水),三是國際需求顯露疲軟訊號,而第三點係最令人憂心。美元強,全世界經濟股市以經濟都有壓力。

 美元強對標普500指數成分企業而言,十分不利,因為當中有好多是跨國企業,且有近乎半數的營收來自國際市場。海外市場疲弱,將有部分企業無法達成預期,令人市場失望,股市將面臨一定沽售壓力。

 不過,美銀美林睇法比較樂觀,認為儘管受到原油價格走低和美元強勢走高雙重因素的影響,但美企大規模回購股票,將推動第三財季的每股收益,超過市場預期。美銀美林預計標普500指數公司平均每股收益為30美元,高過預期的29.03美元,每股收益增長在4%。湯森路透的預測仲勁,增長6.4%

 據巴克萊表示,在過去10年,美企用於股票回購的現金流幾乎翻倍,而用於資本投資的錢卻不斷下滑。彭博社和標普道瓊斯指數數據則顯示,標普500成分股公司今年將花費9140億美元,或收益的95%用以股票回購和派息,龐大的股票回購推動股市成就了50年來最為強勁的上漲行情之一。而企業將所有收益都用於股票回購和派息,唔投入到公司業務裡面,公司未來收益步伐放緩,將面臨扼殺牛市的風險。長期來說,並非好事。

 佔中擾攘超過一個星期,路透社昨日發表文章講佔中對香港金融的影響。路透指香港經歷了超過一個期混亂,但金融體系仍然運作正常,未出現重大事故,突顯香港作為國際金融中心的高效與素質。不過,全球媒體對佔中大肆報道,帶俾香港的負面影響,需要更長的時間先至可以消除。

 文章指出,呢次香港金融體系能保證正常運行,主要原因係佔中是「一場投資者早已知曉的風波。」特區政府與有關部門,早在一年前已開始做好準備。金管局今年6月,已組織55間銀行進行過應變預案演習,演習假設中環發生特殊情況,令到在中環設有總部或有重要營運地點的銀行及金管局辦公室不能使用時,模擬如何以後備運作中心營運,繼續運作。而在今年78月間,港元兌美元匯率頻頻觸及強方保證並引發金管局入市投放港幣流動性,其中一個重要原因就是「佔中」的影響。銀行界人士表示,「佔中」發生必將增加流動性的需求,需要提高備付,這是港幣走升的原因之一。

 而我最憂慮嘅係阿爺以後點睇香港。阿爺以前要確保香港繁榮為第一要務,佔中發生之後,可能會將香港政治穩家同國家安全排第一。以後香港問阿爺攞著數,阿爺會多咗考慮,無以前咁順攤啦。

 陸羽仁

回應 (71)
我要發表
陸羽仁
陸羽仁 2014/10/08 10:47:18 回覆

陸羽仁覆網友

 chanwm2002:你問「我是抽中白居二的《幸運》兒,限期購買是今年年底。想問究竟應該買樓嗎?唔買就要繼續租樓住,買咗又驚樓市突然向下,接咗火棒。。所以一直舉棋不定。」

你的問題好難答,論樓價,港島二手居屋好貴,近萬一呎過萬一呎都有,以長線投資計,資產有泡沫,唔係幾制得過。

但唔買你要租樓住,若樓市再唔跌三年,租金代價亦高,也怕你媽我無俾到好建議你。自己決定吧。

 三心兩意:我都只係為香港好,內耗最傷的是走不到的低下層,特別係下一代。為香港前途而憂。

2014/10/08 10:31:09 回覆

草兄: "徹底破壞了才可重生"... 當然文革好似都有類似既情況, 不過破左之後, 好似無野生返出黎喎, 結果依家好似又要係廢虛裡面汁返啲舊野返黎用喎... 例如儒學... {#iconb_625}

2014/10/08 10:18:42 回覆

各位沒有理想只想吃飯的順民.

講極你都唔明:

民主, 自由, 法治, 這些甚麼核心價值, 是要徹底破壞了才可重生架, 你地忍下啦.

要問, 只要信. 

不做順民做暴民  ... 不做順民做暴民 ... 不做順民做暴民

sorry, 又多口了.  還是回去重讀 'Animal Farm'

2014/10/08 10:08:58 回覆

多謝陸老師的意見!

2014/10/08 09:47:14 回覆

組員...末呢...等沽空三子指示... {#iconb_263}

2014/10/08 09:43:28 回覆

組長: 你入返市啦?  {#iconb_626}

2014/10/08 09:38:04 回覆

陸老師早晨,

看完老師的巴士點評,很心痛很心寒。可以請大大跟那些拉布的議員說之以理,他們所做只會雙輸,受苦是低下層(還未差到可以拿綜緩的人)。這裡中高層人士,及泛民,大不了可以移民,可是低下層不能(包括我)
一直很討厭建制派,現在更討厭派民或拉布者。
這裡的政治環境,不要民主也吧,專制可能更好,習主席派一個人來管好香港,人人有工作,有進途就可以了。



>>訓街免租.唔怕樓價高


友人去看這幾天還在信旺角的人,學生少,沒什麼中老年人,大多數是20多歲的人,因為找不到工作,收入低微,情侶一起佔中,一起睡街,為什麼呢? 看不到明天,被迫上街上。雖然我不贊成他們佔領馬路,但他們的處景也值得同情。
其實不應該全完相信報章上的報道,尤其是有立場的報紙,應該親身到現場了解一下。(其實我也沒資格說人)
昨天在地鐵聽到一個很生氣的年輕女子在談電話,她說見一份工,由早到晚,周一至六,只有四千月一個月,交通費可能己經佔了四之一以上的收入。


為什麼澳門沒人佔街,接受總總中央政策?因為他們賺到錢,安居樂業
若香港人人能安居樂業,誰會佔中?

2014/10/08 09:37:22 回覆

一日訓街......一世訓街.... {#icons_cat5}

一天好友....一世好友.... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/10/08 09:25:33 回覆

主席大人: 沒有了, 什麼也沒有了..... {#iconb_374}

長期訓街也是好主意. 投機者最后難免訓街....... {#iconb_58}

2014/10/08 09:10:18 回覆

子龍, 238 不是阻力大. 大市今日可表演下, 向下阻力, 大不大!

 KFC
KFC 2014/10/08 08:22:57 回覆

佔中.瞓街免租.唔怕樓價高

{#201410080802154736.jpg} 

P.S. matching a photo to soho's response

2014/10/08 08:10:17 回覆

 

2014-10-07

Dow Jones Industrial Average (^DJI)

16,719.39  Down 272.52(1.60%) 4:29PM EDT

Prev Close:16,991.91
Open:16,988.25
Day's Range:16,715.79 -16,988.25
52wk Range:14,719.40 -17,350.60

 

Dow Jones Industrial Average (^DJI)

 

animal666
animal666 2014/10/08 05:14:45 回覆

IG market...

{#icons_dog8} {#icons_cat8}

 

animal666
animal666 2014/10/08 05:11:59 回覆

打新止痕
2014年10月08日

  佔中陷入膠着,個市繼續反彈,而且個別板塊同好多股份都乘機殺上,湧出一陣陣炒味。

  中環茶友聚會,仲係講佔中多過講個市。有茶友問,呢兩日上街人數好似少咗,係咪可以趁「低」吸納呢?

  政治市變得快

  對於呢個問題,若然單講佔中,係有小小政治市成份,政治市從來好難預測,而且變化好快。無錯,從市面影響嚟講,呢兩日的確係改善咗,至少政府總部可以返工,堵路情況只係限於原有地方,本來一度曾影響嘅龍和道都保持暢順,令人感覺好番啲。

  不過,危機係咪就咁過去呢?暫時仲未敢講。首先,堵路人群減少,好可能同回復上班有關,真正情況要再觀察多兩日,特別係周六、周日,睇吓屆時人群會唔會多番;另一個因素係班學生仔同政府開會,結果開成點。

  𠵱家開會都話要籌備幾日,好似好大陣仗,但講真睇嚟睇去真係睇唔到政府可以讓啲咩,咁唔通班學生仔咁順攤自動收工?就算係咁,喺街上班佔中人士又肯唔肯聽先?

  記得數年前有班人效法佔領華爾街,走去霸咗匯豐總行地下,結果上完法庭搵埋執達吏,搞咗成年先清到場,特區政府係咪可以畀咁長時間去處理呢?喺呢啲問題未有答案前,佔中都未肯定會平安落幕喎。

  個市趁佔中靜咗少少反彈吓,唔多唔少係炒吓滬港通概念。本來,滬港通喺今月底通車已經無乜懸念,可惜埋門一腳爆單佔中出嚟,搞到主事諸公至今都唔敢公佈開通日期。雖然係咁,但咁大單嘢如果唔炒吓真係幾可惜,所以政治無事無幹,都會有啲錢出嚟炒炒呢個概念,見到港匯強番啲,估計係一些資金回流炒吓。

  昨日恒指反彈,但爭持仍然明顯,午後推高港股最多升202點,高見23517點,但之後大市回軟,尾市23400點上爭持。恒生指數收報23422點,升107點;國企指數收報10469點,升59點,成交跌到只有686億元,反映好多人都唔敢大手入市。

  轉炒冷門板塊

  個市上落幅度唔大,巨股唔係咁易搵食,故此寧願向冷門啲嘅板塊落手,近排當炒的軍工股繼續標青,習近平作風硬朗,市場諗未來國家安全戰略升級、國防軍費開支增長以及預計四中全會推政策對軍工股有利,相關股份落鑊熱炒。

  中航工業(232) 股價及相關新聞 再飆12.9%,造0.96元;航天控股(031) 股價及相關新聞 揚6.9%,報1.24元;中國航天萬源(1185) 股價及相關新聞 都漲3%。另外,國務院昨推12項重點工程扶持物流業,推動物流股急升。

  市場近日興打新,上個星期跌市掛牌的中廣核美亞(1811) 股價及相關新聞 升咗兩成幾,不少散戶開心晒,由於個市咁波動,大家一擁而上打吓新股,齊齊分攤風險,搵啲嘢搞吓醫手痕。

  跟住招股4隻新股孖展都唔錯,截咗飛嘅三和建築(3822) 股價及相關新聞 傳超購600倍。由盈信(015) 股價及相關新聞 分拆的屋宇設備工程服務商雅駿控股(1462) 股價及相關新聞 之前都已經話爆咗「孖展」。此外,以「開奶茶」等產品聞名的衍生集團(6893) 股價及相關新聞 超購倍數應該都好爆。集資額28億元的內地純晶圓代工廠華虹半導體(1347) 股價及相關新聞 市值較大,反應相信就未必有其他細細粒股仔咁刺激!

  講到升得離譜,合一投資(913) 股價及相關新聞 1送4紅股除淨,股價狂升0.19元或1.46倍,收報0.32元。該公司主要業務為炒嘢,業務三更窮、五窮富,股民上車前最緊要睇真!

  陸羽仁

 

幪面馬仔
幪面馬仔 2014/10/07 23:06:20 回覆
chanwm2002  7/10/2014 9:58:13  網友在此的回應 

sir 您好!

我有一個問題想請教的...

我是抽中白居二的《幸運》兒,限期購買是今年年底。想問究竟應該買樓嗎?唔買就要繼續租樓住,買咗又驚樓市突然向下,咗火棒。。所以一直舉棋不定

因為我想買港島樓,覺得今次白居二機不可失。。

sir你認為呢??想聼吓你嘅意見..thanks

soho*
soho* 2014/10/07 20:51:58 回覆

佔中.瞓街免租.唔怕樓價高

2014/10/07 17:45:39 回覆

今日忙到死...

子龍 (kaka就是大叔的契哥)
子龍 (kaka就是大叔的契哥) 2014/10/07 16:49:38 回覆

重生兄: 未能重上238......救我.... {#iconb_67}

2014/10/07 16:29:47 回覆

話時話...今日只有前主席大人露一露....

沽空三子是否去了千人食蘋果聚會呢... {#iconb_261}

2014/10/07 16:20:34 回覆

組員...都是那些離離合合...供完便完股呢...問世間追為何呢 {#icons_dog5}

將軍...沽空三子話末有定案不能升上238..... {#iconb_272}

子龍 (kaka就是大叔的契哥)
子龍 (kaka就是大叔的契哥) 2014/10/07 16:11:55 回覆

叮噹....全日大市升1舊.

主席大人: 請問大市重上238的機率是多少呢??? 謝謝.... {#icono_85}

2014/10/07 15:49:57 回覆

組長: 狗滋生係咩股黎架, 賣狗肉架? 咁好炒既? {#iconb_625}

子龍 (kaka就是大叔的契哥)
子龍 (kaka就是大叔的契哥) 2014/10/07 15:36:32 回覆

{#icono0_2}

2014/10/07 15:26:22 回覆

狗生滋......一成... {#iconb_65}

生......一倍... {#iconb_67}

2014/10/07 15:17:16 回覆

各位午安!  {#iconb_62}

子龍 (kaka就是大叔的契哥)
子龍 (kaka就是大叔的契哥) 2014/10/07 15:11:43 回覆

buddaau: 真係唔知架. 不過睇開電視, 見動物有人養, 跟住就會缺乏野外求生本能. 唔知人算唔算. 不過都肚滿腸肥, 個腦都無乜用啦....

2014/10/07 14:54:55 回覆

小貓: 其實我都有咁既趨勢... 我從來都唔喜歡民建聯, 或親中央味太重既政黨, 我上次投俾公民湯, 但今次唔會啦, 不過唔係因為佢態度有變,  而係我覺得佢係黨內影響力太細, 無咪用, 其他泛民就唔使講啦, 堅決不選.  好有可能係葉劉嗰邊...  {#icons_dog3}

2014/10/07 14:49:55 回覆

將軍: "言論自由, 新聞自由, 司法獨立"... 唔上街就一定會無晒咩? 會唔會係你諗多左? 不過, 又或者係我諗少左...  {#icons_dog5} {#icons_cat5}

2014/10/07 14:36:57 回覆

buddaau同子龍兄:

兩個都有道理,現實D講,今次中央也沒有必要親自出軍隊,

連警方都未必要親自清場,

中央只要佔領癌症不擴散,好大機會只係由得佢,

由免疫系統自行修復,解鈴還需繫鈴人,

由人民支持自願發起的病變,由人民自己去民主解決。

如果民主覺得可以繼續,那就繼續,如果民主不支持,癌症自然會好返。

供應癌症養份的是人民,受損的也是這些人民,由人民自決最民主。

 

人民在這事之後,支持泛民,還是棄絕這些口号黨,支持實際生活,

會在下一次選舉中公平決定。

 

想深一層,這次文革式佔領越久,對社會破壞越大,

香港民意未來越不會傾向爭取絕對民主,

這對整個國家的管理都越有利,

所以如果我是中央決策者,就樂見梁家傑議員等繼續支持佔領,

而嚴命香港警方不得驅散,等香港市民能看清現實,

對未來推動愛國愛港都百利而無一害。

 

這次的確是"公民覺醒",但不是爭取民主,而是民主的本質"利益的覺醒"

子龍 (kaka就是大叔的契哥)
子龍 (kaka就是大叔的契哥) 2014/10/07 14:33:35 回覆

buddaau: 又多口補多句, 點解香港還未死??? 就是過去大家努力維護港人核心價值, 言論自由, 新聞自由, 司法獨立. 當你地肚滿腸肥, 以為聽話就有飽飯食??食飽就係被人劏之時啦. 哈哈....

2014/10/07 14:31:46 回覆

袋鼠: 對!  {#iconb_246}

2014/10/07 14:29:22 回覆

將軍: 相比於政治衝突, 狗狗易爆上更令我氣憤 {#iconb_227}

依你之前既講法, 我已經由用腦去思想轉到用肚去思想啦... 係唔係好無用呀...  {#icons_dog5} {#icons_cat5}

2014/10/07 14:29:11 回覆

buddy,意見不論異同,亦有氣頂時候,但大家加油呀! {#iconb_246}

2014/10/07 14:27:24 回覆

袋鼠: 所以我一向都話香港不死...  {#iconb_3124}

2014/10/07 14:26:05 回覆

buddy,我倒是同意你講,香港絕對唔差,只係而家好多香港人有好多嘢都辣著咗,其實唔係單單政改嘅問題吧。

剛剛袋鼠財經報,資深政治分析員提及,在每年18萬億國際貿易中,香港份額佔5.2%。舉足輕重。Why Hong Kong matters to us - Tony Walker

香港經濟數據唔會做假 (唔使特登好似中國要俾啲大投行攪個李克強index),過去幾年都有番咁上下增長,並非停滯不前,但係大多數人就係有這種感覺,點解?

 

子龍 (kaka就是大叔的契哥)
子龍 (kaka就是大叔的契哥) 2014/10/07 14:22:56 回覆

buddaau: 騎騎...話明火上加油. 當然要夠激情呢. 醫學上好似話植物人一樣可以生存, 但無野食, 就真係會餓死. 所以醫肚重要過無腦. 等收市再答你的問題呢.

狗生滋..... {#iconb_374}

2014/10/07 14:21:22 回覆

頂! 狗狗易, 無晴晴爆上!  {#iconb_374}

2014/10/07 14:20:12 回覆

將軍: 重有, 當年推倒老董既唔係政治問 題, 而係經濟問題...

2014/10/07 14:19:12 回覆

將軍: 一係醫肚? 一係無腦? 係咁極端既咩? 無平衡點? 咁係你話新加坡係邊種, 菲律賓又係邊種?

2014/10/07 14:16:23 回覆

將軍: 反廿三條得到啲咩? 反國教又得都啲咩? 點可以推論出如果唔反依兩樣野香港就會死左十九幾年?

2014/10/07 14:13:00 回覆

後記: 有樣野就係, 無論五四又係六四都係, 最後都係以鎮壓告終, 只係程度唔同... 香港依次呢?  {#icons_dog3}

子龍 (kaka就是大叔的契哥)
子龍 (kaka就是大叔的契哥) 2014/10/07 14:11:48 回覆

buddaau: 見你咁激, 子龍來個火上加油先.

反23條, 要群眾上街; 反國教, 要群眾上街; 政改, 又要群眾上街, 今次出埋佔中. 群眾唔上街, 死左十九幾年啦. 重有今天大家高談濶論??? 一係要醫肚, 一係要無腦, 二個只能活一個. 點攪呀???

2014/10/07 14:05:29 回覆

內銀小貓來表態一下先。

一齊買四大的朋友們,別追了,現在只宜分段吸納,越買越跌,越跌越買。

風險和變數仍太多,即使佔領解散,都未必大升,

寧可錯過,不要做錯~

賺唔到錢不要緊,風險管理一定要堅持

2014/10/07 14:01:32 回覆

袋鼠: 好明白你既說話, 所謂互惠互利, 同相方既經濟實力有開, 如果香港仍然想保持依種關係, 就要快快起動, 因為呀爺實在走得太快... 剛回歸時同依家已經唔可以同一而語, 我唔敢講香港整經濟差過以前, 但好肯定係十幾年黎呀爺增長左好多, 此消彼長之下, 依雒互惠互行既關係重可以維持幾耐.  

你熟澳洲, 最後依十幾年黎我相信增長不少, 所以同呀爺會有討價還價既實力, 反觀香港, 內鬥不息, 政治問題都未解決, 邊有時間搞經濟, 到你以為已搞掂政治問題, 但係人地已過萬重山.

成日攞新加坡黎比較, 你又知唔知人地犧牲幾多民主,自由而換黎經濟發展. 好似人地要政府開間大學專搞創意工業, 政府話搞就搞.  香港呢, 又要咨詢, 又要依樣, 又要嗰樣, 重有喎, 萬一係其他事情有衝突, 連帶依家方案都唔使過. 點比呀.(我唔係話獨裁就好, 只係話效率上一定唔同)

早排我去過新加坡, 佢俾我既感覺係窮山惡水. 嗰個聖淘沙島根本就係喺個貨櫃碼頭隔離, 識想下, 係葵涌貨櫃碼頭搞個渡假區有咩靚景可言.  但係我咁講唔係睇少新加坡, 我反而非常欣賞佢地,係咁既條件之下竟然努力開拓, 求變, 重可以打造出世界一流既經濟體.

反觀香港, 我覺得客觀環境好過新加坡, 但點解依幾年經濟都停滯不前, 環顧四周, 呀爺既唔講, 新加坡, 韓國係點, 就算係台灣最近都上緊, 我地香港呢? 

或者有人會話經濟成就唔代表一切.  對! 唔代表一切, 但就最直接影響普羅大眾既生活, 係大家追求理想既同時, 係唔係都要想想依香港現在既情況, 藉唔藉得付咁既社會代價.

有人將六四, 甚至五四同今之佔中(頂! 都係忍唔住要講多一次, 見諒), 根本時代環境唔同, 當時既社況已經衰到貼地, 可以話差無可差, 無野好再輸, 所以可以放手一搏, 依家香港呢? 係咁差咩? 需要咩? 藉得咩? 

激死我啦! {#iconb_227}

2014/10/07 13:27:36 回覆

過去香港之所以成功, 其一靠既就係一直置身於衝突之外, 如國共內戰, 越戰, 韓戰, 文革... 好似老美就係咁係兩次世界大戰之後彈起, 前蘇聯都係.  依家香港就將自己且身於衝突之中, 成為棋子, 難搞呀... 

2014/10/07 13:21:55 回覆

唔講香港住,講澳洲先。多年來多謝中國惠顧本國生產嘅鐵沙煤塊,好使支持澳洲就業和賺取外匯。中國點用商品我們管不著,你們是但鍾意修橋築路,還是囤積在上海灘頭,用作炒賣按俾銀行,總之肯定你們就是一定有用。

我們可不能像美國隨便印鈔票付費,中國嘅央行對美元資產情有獨鍾,澳洲沒有美國那麼好命,因此澳洲亦會好好使用外匯,走去買番你哋出產價廉物美嘅中國貨,同時支持你們工廠就業。

大家有工做,大家取得所需物資,大家happy,沒有誰施捨給誰,只有互相利益。

這些說話,澳洲亦好早已向日本說過。

講番香港,如果沒有利用價值,十一年前早已沒有老董腳痛,更無需劃上任何底線,香港早已玉石俱焚!

袋鼠在大多數情況下,唔同意攪對抗,學生們的思慮不足、行為過火了… 然而,他們所擁有的,就是一團火、對未來還有期待,似乎是很多香港人失去了。

袋鼠唔係叫你即刻走去旺角,加入鐵血戰士行列,反之,請你們在言語上,不要妄自菲薄,將互惠關係說成為一種攞著數、施捨行為,踐踏自己在社會上嘅努力、為國為港嘅貢獻!

2014/10/07 13:17:27 回覆

狗生滋, 對手太強了.  其實最靚位係昨日朝早股價同量開始有少少異動o個陣入.而家有d難講呢, $1.6 距低位不過 0.5, 向上搏空間就人言人殊, 跟上巴士要睇位落車呢.

子龍 (kaka就是大叔的契哥)
子龍 (kaka就是大叔的契哥) 2014/10/07 12:28:57 回覆

twohitsix兄: 真是沒有留意. 等子龍睇下先. 今天160上左隻狗生滋.... {#iconb_57}

Gary兄:又要聽話, 又要有國際視野, 又要有飽飯食......做香港人真難....

叮噹....半日大市升1舊. 主席大人要大市升就升, 跌就跌.... {#iconb_316}

2014/10/07 11:51:14 回覆

buddaau

而家阿爺對香港,就好似教個唔聽話既仔咁。你扭計就唔俾飯你食,餓到你死吓死吓,先俾少少o野你食,等你知邊個係主。再者阿爺有咁多個仔,而家2仔唔聽話,仲有好聽話既3456789仔,栽培其他好仔,話知你2仔點死。仲有一個潑o左出去既大仔,要佢返o黎,搵人武力押佢返o黎都仲得,因為大仔既外家而家都要求阿爺。

我只係覺得,大部份既香港人既視野太窄,只係睇眼前,根本已經無o左國際視野啦

2014/10/07 11:50:47 回覆

將軍  有冇留意大劉? 有機會派特別息.

瀏覽更多回應 正在載入...
user

最新回應

soho*
soho* 2023/07/21

20/7/2023 外交部:反對日方排海計劃有理有據
<匯港通訊> 因福島核污染水排海問題,中國強化限制日本食品進口,日本政府表示食品的安全性有科學保障,計劃向中方呼籲要求盡快取消進口限制。

外交部發言人毛寧回應時表示,中國政府秉持以人民為中心的施政理念,必須對人民的健康和海洋環境負責,反對日方的排海計劃有理有據,採取有關措施有理有據。

對於日本政府利用北約峰會、東亞合作系列外長會、東加勒比漁業部長會議等場合,為福島核污染水排海計劃辯解,並釋放不會推遲今夏啟動排海的訊號。

毛寧強調,如果核污染水是安全,就沒有必要排海,如果不安全,就更不應該排海。中方敦促日方正視國際社會和國內民眾的合理關切,停止強推排海計劃,以真誠態度同鄰國充分協商,切實以負責任方式處置核污染水,並接受國際監督。(WL)

soho*
soho* 2023/06/10

有美國撐腰的日本官員卑鄙無恥下流賤格自私, 將核災難輸出全球, 害人精將會受到詛咒

https://youtu.be/zBNGawiSC1o

soho*
soho* 2023/06/10

日本執意傾倒核水

日本福島核廢水排放入海的方案進一步推進,最快7月傾倒入海,在國際間引起極大關注。

日本政府一再強調計劃安全,惟說法無可否認極具爭議性,多國都強烈質疑,在安全疑慮完全釋除前,日方堅持推動計劃無疑非常自私。

本港作為日本農產品最重要市場之一,在此敏感時期,港府作出了周詳果斷的應對,加強日本食品檢測同時,亦已預備好禁制高風險水產,保障食品安全。

若信核廢水安全 日本何不自用?

日本政府在國內外強烈反對聲下,繼續核污水傾倒設施的工程,排放隧道基本竣工,東京電力公司本周開始在隧道注水,按照日方說法,現在距離正式排放只差最後一步,只待國際原子能機構(IAEA)的報告,料廢水最快今年7月排放落海。

事態發展引起區內國家強烈反應,中國駐日本大使館發言人指,將核污水向海洋一排了之不負責任,按國際法和《聯合國海洋法公約》等規定,日方有義務與可能受影響的國家充分協商;馬來西亞、南韓、俄羅斯以及多個太平洋島國也表達憂慮。

日方一再強調倒核廢水入海安全,但按日媒報道,東電5月份在核電站附近海域作檢測,發現有海魚的放射性元素銫含量,超標180倍,日本民眾也強烈反對排放計劃。

環境局長謝展寰曾向日本當局和日本駐港領事表達極度關注,直指日方若對核廢水安全有信心,應在本國尋求作灌溉等用途。

如今日本選擇將廢水排入海,而非注入當地的湖泊、河川,顯然也明白箇中風險,核廢水一旦進入自然環境,後患無窮,而且覆水難收。日方忽視這些合理疑慮,在國際社會未有共識下一意孤行推進計劃,做法非常自私。

香港雖然只有700多萬人口,卻是日本漁農業第二大出口市場,去年出口香港的農林水產品總值2,086億日圓(約117億港元),僅次於中國的2,783億日圓(約156億港元)。

隨著日本排放核廢水計劃推進,料愈來愈多國家或地區作出類似入口限制警告,日本將要承受自私行動的後果。

(轉貼9/6/2023經濟日報)

{#iconb_227}

大戶終結者 ( 等人齊 )

現在係頭條網註冊會去咗下載星島頭條 app。