全球衰退壓力
美股又插。投資者面臨美企業績公佈潮,已經顯得非常緊張,撞啱國基會(IMF)下調全球經濟增長預期,又警告股市已經出現「泡沫」跡象。而德國8月工業生產較上月大幅倒退,遠差過市場預期,跌幅更係接近6年最大。投資者即時腳軟,股價大插。
美國股市恐懼指標跳升11%至17.2%嘅近8個月以來新高。美股昨日大幅下跌,走勢亦好肉酸,低開低走,三大指數跌幅都超過1.5%!杜指以全日最低位收市,勁跌273點至16719點;標普500指數跌30點,收報1935點;納指插70點,收報4385點。值得留意嘅係標普500指數跌穿100天移動均線,是短期動能轉弱的信號。
上文提過美元轉強,對業務偏重於海外的美企收益影響甚大,剛好美企開始派第三季度成績表,市場已經緊張兮兮,依家見到國基會大幅下調歐元區、俄羅斯、中東和日本的經濟展望。
國基會又話,受這些經濟疲弱地區拖累,由三個月前預期的全球增長3.4%調低到3.3%,而明年的經濟增長預期亦由4%下跌至3.8%。事實上,國基會今年已經係第三次下調全球經濟成長預期。全世界經濟唔得,跨國企業經營比較困難,即使賺到錢,又俾不斷轉強嘅美元匯價上升侵蝕晒, 美企在雙重打擊之下,好難有運行啦,投資者見形態咁不利,仲唔腳底抹油?
杜指跌得最甘嘅係全球最大重型建築器械生產商Caterpillar,跌約3%。同經濟成長息息相關的景氣類股跌得最多,工業股挫2.4%,金融股及原材料股齊跌1.8%。
國基會認為,歐元區在未來6個月有30%的可能性陷入衰退。不過,又唔認為所有歐洲國家經濟都咁弱,國基會指出歐洲正在經歷「速度不一的復蘇」,唔係所有歐洲國家都唔得,當中特別睇淡德國、法國同意大利的經濟增長,預期英國經濟將繼續強勁增長,維持今年3.2%的增長率及明年2.7%的增長率。至於中國,國基會的預期與三個月前一樣,中國今年經濟增速預期7.4%,與阿爺目標差唔多,明年為7.1%。
相比之下,國基會特別睇好美國經濟前景,大幅調升美國今年的經濟增長預期,從0.5%增至2.2%。有分析指,美股昨日大跌,VIX指數升到17.2,已接近市場認為超賣的水平,加上美國經濟基調仍然唔錯,美股又可以頂得下,估計跌得咁上下,又會彈番上去。
港股反彈浪中,美股一跌未必打得沉,仲可以反覆反彈或横行一段,然後再試底。
陸羽仁
陸sir早晨
我想問下國藏股權的問題, 恆大和SPI用12億入股559, 折讓87%, 恆大和SPI所獲配發的股份佔擴大後的91%, 咁變相等唔等如恆大之後係大股東? 等如559的原來大股東賣盤唔做? 國藏主席仲會係主席咩? 佢仲話搞太陽能, 到時都未必係佢話事啦, 佢有咩好處呢? 唔係好明wor, 定係我搞錯呢? 謝謝!
鬧市碌架床.....應得Noble prize設計大奬....
碌架床, 有意思.......
Noble prize for HK guy, so interesting.....
講起佔中, 想起當年聽聞一位前輩提及香港暴動的傳聞(只是傳聞),他說當年文革如荼之際,香港某派人土以為會中央會收回香港, 便乘機發動反英抗暴作配合,起初港英政府對此稍有顧慮,但後來中央下達命令, 表示不會越過邊界, 港英政府再無顧慮,對暴動大力打撃,才平息了這場暴動。
想起佔中首日, 外媒紛以"雨傘革命"形容,分明是擺香港上檯,佔中人士中居然還有人沾沾自喜,及後美國政府回應相對温和,可見外國雖然可能是幕後黑手,亦只是想以香港拖中國後腿,並不想因此和中國反面,在缺乏美國強有力支持下, 佔中想成功達到他們的目的, 成功機會實在很低。現在佔領人士申明這次運動目的不是搞革命, 不是以推翻政府為目的,可見背後有高人指點,或者是政治智慧有所提高都說不定,但總算是件好事。
單人牀後 驚現碌架牀
陸羽仁覆網友
Fun Manager:你問「現在A股創新高,為甚麽南方A50那些ETF的形態是向下走的?是否代表ETF追蹤了50隻衰股?」
南方A50基金2823的形態也不是完全向下走,只是高位回多少少,原因第一,A50等超大股走勢弱於內地大市,以滬深300指數基金如2827計,走勢就強過2823,即係300隻股的基金強過50隻股的基金。第二是香港個市仲係較弱,令呢啲大陸指數基金溢價收窄。
前主席大人話現在是多頭!
IG market...
超級富豪搞媒體
2014年10月09日
佔中事態發展等緊班學生同政府開會,警方同示威人士乘機唞唞氣,有人索性喺旺角街頭開張牀休息。市場焦點由街頭抗爭轉返去經濟層面,可惜焦點轉移唔等於情況有所改善。美國息口向上,大家有啲驚全球火車頭會受利率向上影響而開慢咗,國基會仲調低全球經濟增長預測。
外圍前景麻麻,本地情況仲「弱雞」,今年黃金周假期,零售業注定開倒車。有行內人講,在十.一黄金周期間,銅鑼灣、旺角旅遊區被人佔領,部份商戶做唔到生意,有蟹店少東激動到衝入人群,搞到被一名女示威者話佢非禮,雖然係咁,但人流唔去佔領區,唔代表無買嘢,佢哋只係去咗尖東、沙田購物,所以佔中的直接影響無想像中咁大。
真正令人擔心嘅係,佔中發生後,多個國家先後對香港發出咗旅遊警告,加上從外國電視所看到放催激煙同堵塞馬路的鏡頭,唔知會唔會影響旅客外遊香港的意欲,加上有消息話國家旅遊局開始停批香港團簽注,未來本港旅遊零售業所受的影響,先會慢慢浮現。
A股托住 港股跌得少
零售業人士唉聲歎氣,其實本地生意難做,唔係10月先開始,唔可以賴晒佔中,𠵱家只不過多番個理由解釋啫。
佔中影響力視乎會否爆大鑊,若然有暴亂同鎮壓,又或者出現持續性野貓式抗爭就好麻煩,呢類影響對香港係比較深遠,短期反而係內地經濟同政策,加上美元美息走勢,更加直接左右港股去向。
撇除本地政治因素,你睇美股近日都一樣有好消息見盡,升勢無以為繼的現象,杜指喺一萬七千點穿梭上落多次,始終無法擺脫阻力,反映資金喺呢個水平十分觀望,單講全球因素,都睇唔到港股可以大升。
不過,如果10月份滬港通真係落實得到,對內地A股帶動會較為有力,之後先輪到港股,因此個市跌到𠵱家,有條件進入反彈運行,喺呢個水平反覆上落,等大家炒吓股仔同冷門股過日辰。昨日就有堆彩票股發威,華彩(1371) 收報0.8元,升咗12.7%;御泰中彩(555) 報0.81元,揚3.85%。
國際貨幣基金組織(IMF)第三次下調全球經濟增長預測,杜指上日急瀉272點。好彩內地股市於國慶長假後紅盤高收,恒生指數急跌逾兩百點後跌勢放緩,最終仍守在250天線(23176點)之上,收報23263點,跌159點;國企指數收報10395點,跌73點,成交金額跌至651億元。
多間大行仍睇淡澳門博彩收入前景,濠賭股彈完再散,金沙(1928) 收報42.15元,挫1.1元或2.54%;銀河娛樂(027) 降1.3元或2.68%,報47.15元。市場傳聞銀河兼嘉華國際(173) 大股東呂志和係洽購亞視股東之一。就算傳言係真,亞視呢壇係蝕大本生意,相信新賭王都唔會用上市公司去收購,咁即係用自己錢嚟捱義氣啦,不過最後成唔成事,仲要睇價錢,因為王征要賣盤傳到開巷,咁耐唔成事都係因為叫價太高啫。
傳新賭王斟亞視
有人話,亞視𠵱家俾王征搞到咁殘,醫番都嘥藥費,新賭王去接火棒,等如係報效國家。澳門的博彩事業等如係印銀紙,呢啲生意去邊度搵,阿爺畀得個牌你,你唔可以當奉旨,有事時自然要出錢出力;再者,亞視如果搞得似樣啲,就算蝕小小,老闆都係電視大亨喎,呢啲界外利益,上市公司唔值得做,但大富豪就無所謂,所以銀河、嘉華甚至香港電視(1137) 走去投資電視業,都係壞消息,但富豪搞電視,就係另一個算盤,你睇新賭王早排上去見習近平坐喺前面,同一排者有李超人、郭糖王到吳老闆,個個超級富豪都揸住傳媒,就已經係明證啦!
陸羽仁
2014-10-08
Dow Jones Industrial Average (^DJI)
16,994.22 274.83(1.64%) 4:29PM EDT
佔中和六四有何不同?
..
v
這裡只能就兩者的內在條件說。至於外在情勢,要讓擁有充足資料的人研究。
內在說來,六四攜帶的,是文革的負能量。文革的意義,其實到今天,仍然無法完全解釋清楚。為甚麼一下子會有這許多人出來,流血互鬥?其中自然是有文化底子上的深因,亦有群體心理上的深因,不是一時三刻說得明白的。唯一知道的是:這種未知的深刻原因,是仍然存在,尚未去除的。右腦傾向的中國文化、封建儒家的傳統影響、西方文化的附會、等等等等,若有人分析出來,也未必能讓觀者即時明白。這是一件歷史和文化的大案,要等到整個中國文化上昇一個層次,就會洞若觀火的。
迷惘和不明白,加重了負能量。六四之前的一段日子,大家在貧窮與苦惱中,忽然有人發起民主運動,一時好像是有了一條出路。文革所聚結的負能量,就在六四之中爆發了。
也是要很多年之後,才有人看到,這條美式民主之路,也是完全不通的。六四之後,出走不少人,寄居美國。他們做了些甚麼呢?有人提出方案,卻是完全照抄美國的政治體制,使人失望。
-----
佔中所聚結的,是另一種形式的負能量。
而這一種負能量,是建築在六四負能量之上的。
六四之後,民生有所改善,但一種demoralization 的力量,卻忽然加強。
傳媒有三大任務。
第一是煽情加色情:使一般人失去抽象思維的能力,專注物質享受,自私自利。
第二是極力批評政府。目的只在於倒台,而不是建設。
第三是全力挖掘負面的中國新聞,減少報導正面的中國新聞,妖魔化中國。
唯一的幸運只是,二零一四年的經濟,比一九八九的經濟好了不少。民生問題有了改善,大家有了較為平和的思考環境。所以,佔中雖然爆發,但不至於完全不可收拾。
以上只是就內在條件略說。至於外在原因,要另外研究。
http://www.leechardasks.blogspot.hk/
佔中人士,有無經過一人一票投出來,代表市民和政府傾?
依家兄
GOOD OBSERVATION! 還有一點係雨傘運動人士深知一打即失光環, 熱血人會抽水也收斂得快. 相反反佔中人士亦知此點, 所以抽水後會繼續講"唔妥打我" "夠薑隻揪"呢類. 故媒體所見反佔中人士比較易動粗, 也很正常呢.
飛仔
同意你所列的CY 二功績. 可惜相比其過認真蚊同牛比. 今日我見社長SPIN 7M單野都SPIN 得好辛苦...
soho 兄
看你幾次分享文章或影片, 似乎你的收料源頭很有點問題. 上次PS圖不論, 今次袁詠儀, 剛剛先話陪仔示威, 聽條聲帶冇真人相, 開口第二句就出事, "生活在香港五十年"......
有任何野分享, 其實最好GOOGLE 簡單核實一下. 那些李純恩文章, 沈祖堯文章等, 一查就知.
小貓兄
"所謂的民主,什麼發電視牌的公平,都太肉體的低層次了,何不追求"種族清洗""統治世界"這些沒有必要的高層次理想?"
神級推論, 邏輯經典. 欲辯忘言.
小貓愛情觀: 我在你的link看到這個youtube,
香港街巷心理戰 Part 1, 2 , 3 & 4http://www.youtube.com/watch?v=wA96XeyRhFs
嗯,大廳呢到好熱鬧啵!我又加把口先。
大家究竟知唔知咩叫民主?就票選就叫民主?新加坡民唔民主先?印度民唔民主先?印度選到個女總統wo!非洲個面又民唔民主?點解民主一定要用英式民主美式民主?點解唔用新加坡式民主,台灣式民主?
選舉要宣傳,要錢架,無錢選咩鬼?全世界所謂民主都係政治分贓,你比著數我,我味唔攻擊你囉!你想選呀?得,我支持你,你比咩著數我?
美國民主吧?奧巴馬想推出政策都要顧及利益集團利益,幾時講到民主?人民當家話事?發夢就有。
我係執政黨,行政資源係晒我到!你反我,我就將你資源用到最後。呢個就係新加坡式民主。你地想要咩民主?
香港回歸左係事實,人係要面對現實。要怪就怪當年班講民主回歸既民主派,佢地話要香港回歸中共。
香港無政黨法,無執政黨,特首又唔可以有政黨背景,你話叫我點支持你選?比民主選舉你好未?唔洗錢宣傳呀?無政黨支持邊個選到?
台灣人選總統,出黎個d都係有7成人支持呀!香港政壇咁多年來有邊個有7成人支持呀?香港選民有幾多出黎投票?6成都無呀!你點樣代表全香港?
民智未開,制度有問題,點講民主?返屋企訓覺啦!
革命要流血架!命就得一條,你去定我去?人大決定左,你推翻左又點?收回左又點?味又係推翻比人大決定。唔通叫人大收返再變做即刻比你普選呀?
唔好意思, 小弟今日講野可能過激, 或者實在聽得太多反對政府及689無恥的聲音. 希望大家幫個忙, 講講近兩年香港政府的德政, 689有何功績. 來平衡一下小弟或盲目支持雙普選/反689/佔中人士的偏激的犯法行為, 純粹乞教, 並無其他目的
我先講, 1. 樓宇用實用面積計價, 2. 防止發水樓. 除消雙非.
依家兄: 你既陳述好中肯, 無抺黑, 無語言偽術, 無斷章取義, 無上綱上線, 絕對信相你有到過示威現場.
見到大家有d講佔中者其實都好暴力,只係反對者用暴力既人較多,其實,如果各位真係有落場參與,就會明白係咩一回事
在下參與過幾次呢d大型示威,亦曾經企係最前線,在下或者可以分享下,其實,不論佔中定反佔中,佢地內部都分好幾種人,以佔中派為例,佢地當中有學生,溫文派,主張淨坐,亦有暴力派,首推熱血x民,調x農務蘭花系,亦有傳統民主派,帶頭者係民陣,民主黨,佢地既信念同表達方法唔同,有人主張衝擊,有人主張唱兩,分組討論,但由於佢地基本上都係反政府,所以會企埋一齊,當中仲有d疑似間諜混入去用暴力搞事,以在下所睇,呢班人當中有真心為香港掙取較好未來,維護自由民主,亦有d派係係收錢反政府,搞事,其實佢地內部分期都好大,例如撤定唔撤,搬唔搬之類,如果大家見到熱血公x推人,就覺得“d學生都保打人嫁啦,人打佢唔得,佢打人又得”,咁就只係事實既一部份啦
至於反佔中亦一樣,有好幾派,愛x力當然帶頭,又有自由行遊客,亦有比人阻住搵食既街坊老闆,不過以在下現場觀察,反佔中派之所以用暴力比較多,係因為佢地大部份係有組織,例如愛x力既人一黎就成隊一齊黎,係有頭目指揮,佢地總人數較少,但有組織既比例較多,例如反佔中有500人,當中100人有組織性會打人,佔中派有1000人,當中得50人會出手,咁兩幫人打起上黎,咪好似反佔中打人多d囉,而由於佔中派大部份人都係唔會出手,所以就形成反佔中打佔中既局面,後來因為反佔中既人打得太狼,欺人太甚,有d本來唔會打交既佔中者都出黎推埋一份,亂七八糟,不過以在下所見到,的確係反佔中果d黑幫打人先,而且真係打得好狼,而警察又真係放生,所以先激到d人咁嬲,仲出埋非禮,如果係外國,一早打到佢飛起,香港班示威者好高質嫁啦
在下只係陳述一下在下見到既野,佔中既事,等到民意歸邊,政府有民意支持佢清場,再搵個少d人既時候落手,遂個搬走,就自然落幕,在下頭先先行完,得個小貓幾隻,相信解放軍便衣已經向北京匯報,北京大可處之泰然,至於外國勢力,要對付都唔係靠清場啦,清左d學生就能夠消滅外國勢力?要同外國勢力玩,就另外搵第二d野慢慢同佢玩啦,呢度係香港,始終都係中國既主場,除左股市,其他都係阿爺話事啦
The Ashares etf is trading at larger discount now...
Market price lower than NAV...
SIGH...
陸Sir,各位網友,想問A股ETF問題,現在A股創新高,為甚麽南方A50那些ETF的形態是向下走的?是否代表ETF追蹤了50隻衰股?
不知道為何,電視和短片傳播的,都集中在反對者暴力一面==> 因為傳媒大多是佔中派, 不夠中肯, 有偏袒成份, 但近日眼見情況惡化, 言論已較中肯
示威者非常聰明, 成班爛仔一邊舉高雙手, 一邊爆粗口, 簡直係語言暴力, 粗口多到得人驚, 字字句句都係粗口, 聽完真係要洗耳
只要名義上有純潔的學生做擋箭牌, 有議員撐腰, 打正爭取真普選旗號, 就等同手握免死金牌, 示威者篤住警察不斷問候佢老母, 問候佢全家, 詛咒警察, 都係無罪, 真係爽! 愈鬧愈過癮, 鬧得好痛快, 怪不得賴死瞓街唔肯撤退, 散左會, 優惠期過後, 以後鬧警察打警察就要拉上差館咖喇!
學生大人, 為了你們高層次的理想, 已將香港變成煉獄
TO:一草一木
如果您在旺角觀看得夠長時間,會發現佔領者和反佔領者雙方都有人很暴力,差別只是反對者人數更多,也更願意講道理說服對方。
但不知道為何,電視和短片傳播的,都集中在反對者暴力一面。
請有時間看一下這短片,雖然剪輯過,但只要您在旺角站過幾日,會看到情況真是如此,佔領者站在一起,舉起手漫罵別人,如果您在現場,您會明白為何常常能拍到反對者打佔領者的場面,而不是相反。
http://youtu.be/jXLdQJ_a2hQ
鼠兄:
鼠兄點名,不能不浦頭。
小民對學聯沒有意見,鼠兄所指應另有高人。
就佔中而言,小民基本上是支持學生的,雖然不認同衝擊政總。每個人都要吃飯,這麽想要吃飯,可以選擇皇家飯或小欖飯,都是免費的。立法局尊貴的議員的命比幼稚園生和小學生還有重要。難聽一點來說,他們都已經比學生還要早入木。還有警察氓合作,非禮變非法集會......
這樣醜陋的環境,學生相對比較可愛,怎能不支持?
IG market...
恒生指數期貨(十月)夜市...
TO:袋鼠
我之所以用殺人放火這麼極端(變態)的例子,是因為想有這種價值觀的人,能認清自己提出的結論"民生只係基本要求,但民主係更高層次追求。即係話,大家層次唔同,講多無謂。"不能成立。
而且人類歷史裡,普遍存在他這種"高層次追求"而屠殺人民的例子,
納粹如此,法西斯如此,史太林如此,國民黨如此,共產黨如此,日本,英國,美國都是如此。
要把自己的行為正當化,那市民憑什麼批評警方用催淚煙,驅散人數十倍於他們的人衝擊防線?
知道痛苦,清楚犧牲,在認真取捨考慮後,仍然決定追求的,這才是理想。
不懂別人犧牲,只以為自己的理想比別人高尚,漠視別人的犧牲和需求,這只是單純的自私。這種人的價值觀能接受民主的集體負責制嗎?即使香港有了真普選,他們能接受選舉的結果是多數人支持"低層次的民生選擇"嗎?
您說得對,民主的目標最終也是為了民生的改善,以民主的追求,事實上是為了追求"低層次"的生存環境,希望這些自以為高層次的大學生,別理解錯了。
P.S.
如果香港的大學生都有袋鼠您這種客觀實務的態度,那香港的未來就無可限量了。
原來由中環地鐵行去灣仔地鐵只需要20分鐘多d, 平時搭地鐵計埋上落站都要10幾分鐘,原來行路只係多10分鐘而已
岩岩專登去上環,穿過佔中區一直行到灣仔地鐵,發現幾樣野
封鎖區比實際佔領區大10幾20倍,封鎖區由置地廣場開始,一直封到灣仔中環中心,示威人仕就得政總出面,由紅十字會到解放軍總部出面條橋既橋頂左右,唔知係政府係靠害定示威者別吋土不讓啦,不過咁封法對交通影響肯定遠超“實際需要”
佔中區超級好行(對唔住,在下超級反思歪亦支持學生,無意睇唔起示威當景點),但條路又空曠又冇人,空氣好,秋風送爽,真係正到無論,如果有辦法解決塞車(海邊繞道?),佔中區以後搵d日子改做行人區都幾好(在下見到有人放狗,仲有成隊人出黎跑步……)
行一次佔中區,感覺重拾以前安靜,美麗既香港,香港回歸後咁多問題,其實一句講晒-太逼啦
一草一木兄,印象中你對學聯有見解,有無睇法?
小貓,無限上綱,燥少一點啦。(以下袋鼠中文未必夠用,希望用詞無影響) 這只是心理學,看推動人類行為,由肉感層次到思想層次。講嘅只係分類及層次,實質用在現實環境,就係食飽咗先至可以講理想。在理論上你沒有理解錯。
所以條友以此圖回應『民主可唔可以當飯食』,佢就係要講,兩者追求緊唔同層次嘅嘢。
只不過你講到殺人放火,係達致目的嘅手段,outside the scope,這個理論不作考慮。
但袋鼠都想過,在制度只會不斷將財富集中 (寫過好多次,另外請看Thomas Piketty),也許佔中及反佔中兩方,想法層次不同,而且短期有衝突 (尤其是因為佔中所採用手段),可是長期利益也許是一致的,都係希望大家繼續有飯開。
PS 其實有些受佔中影響嘅人,他們也有不少應該是身處moslow金字塔頂,但追求其他理想,是但因為價值觀、還是直接受阻街影響,因而反佔中。
=------------------------------------------------------------------------
草哥,政府同學聯傾計就是了。如果上星期四無將學聯當係代表對話,沒有上星期四岑敖暉努力大呼,防止龍和道被封,根本就連星期五都渡過唔到。(但政府總部還是上唔到班,才有星期六的緊張氣氛)
等到相量出一個大家都可以接受嘅妥協,到時啲示威者都唔肯走先至算。唯有希望岑敖暉到時說話,會比上星期四更有壓場能力。
今日真多口, 因塞車無人煮飯開飯.
小貓,
這是典型年青人的模式, 包括小兒, 拿住書本上一些理論, 一知半解無限放大.
就如睇過幾本投資書, 就覺有料去炒, 死未.
這三角是我幾十年前大一, management 101學的, 估唔到沿用至今在不用領域.
-----------------------------------------------------------
如果以上的邏輯是成立的話,那麼殺人犯為了自我的理想實現,就可以合理地屠殺別人,而為生存而反抗的人,都是低層次的可恥。
如果以上的邏輯是成立的話,那麼為了國家統一,强大這一理想目標,明天去殺光燒光佔中者,也是很高層次的了?
如果以上的邏輯是成立的話,那麼我不是住旺角的,沒有利益衝突,那我為了正義的原則,就可以去反對佔中者,甚至削奪佔中者的生存權利嗎?
如果以上的邏輯是成立的話,那麼佔中者爭取所謂的民主,什麼發電視牌的公平,都太肉體的低層次了,何不追求"種族清洗""統治世界"這些沒有必要的高層次理想?
我想說,這個人類需求金字塔,
是指越底層的需要,越必須優先獲得滿足,
人在滿足了"生存"之後,才能產生對"安全感"的追求,
有了"安全感"的保障,人才能產生"家庭和社交"的需要
有了"家庭和社交"的滿足,才會需要"別人的尊重和愛",
滿足了"尊重和愛"的人,才會想到要實現自我的"目標和理想"。
為了實現自我的目標和理想,而犧牲別人生存的需要,這種心態和群體在人類歷史中一直存在,這些就是不理人民死活,只顧本身享受和藝術的貴族。
希望香港的大學生,不會都是這種只顧自己,不顧別人死活的自私之徒吧。
P.S.
還有.請不要把低層次的邏輯和想法,胡亂套用在佔領運動這種治政鬥爭中,許多支持佔領的人是真的有理想的,但無奈戰爭就是有傷亡,他們也同樣感受到反對者的犧牲和痛苦,不像這位大學生般自大無情
謝謝你的見解!^_^ 只希望香港人可以安居樂業!
鼠,
(看來已經由學聯主導), 真係'看來', 陸sir都講過這是無領袖的運動. 剛剛陳主教都叫徹, 但好似唔知叫誰徹.
學聯去代表講數, 但就算佢講得惦叫徹 (very unlikely), 老旺的高質素佔領員都未必領命啦.
飛哥,
sorry, 真係非常'歪理'. happy birthday.
六師弟: 衣家好多人話, 你搞民主姐, 點解要犠牲我既利益, 返唔到工, 做唔到生意, 關我鬼事, 對我好唔公平.
答案其實真係要犠牲部份人. 可能你會話, 你講野咁無良??? 但現實的確係咁. 如果民主政制係社會發展進步的一部份, 過程的確要一定有人犠牲或放棄一時之利益. 正如鋪路各類基建一樣. 水務處要係你鋪頭門口鋪水管修路, 你唔會阻止或投訴點解要阻住我做生意, 要求賠償, 因為你明白鋪水管係好正常既事.
其實我沒有政治取態,只想聽下D人如何睇佔中呢個爭取民主既方式既見解;我覺得犠牲他人達到理想,好似對被犠牲的人唔係咁公平,因為口講支持好易,如果自己要作出犠牲時佢地又會唔會支持呢?
好多時爭辯唔一定淨係得黑同白.中間仲有灰.仲有唔同情度GE灰色.
支持佔中點解一定要辭職.或者捐身家支持.先叫犠牲.你可以係捐物資.或者身體力.人地都係犠牲左時間同金錢.係咪我捐夠一百萬先叫支持先
如果689要求有人陪佢辭職才肯下台, 相信有很多港人出來陪佢辭職呢.
榮休主教忿怒了。越來越亂,唉!
有人認為佔中是為了爭取民主,而打爛其他人既飯碗是無可避免的,為了民主要作出犠牲,但支持佔中的人又會唔會辭左份工犠牲自己既利益走去佔中呢?
草哥,答番你話,有關animal farm係推番極權之後、再由更極權統治的循環。這的確是那一個故事的發展方向。一般書評將這本書形容蘇聯早期歷史故事化,對制度運作和個別人物具體展露。
如果用animal farm,袋鼠有一個睇法,就係故事中,在牆上的鐵律,不斷被加上字目,尤如基本法,有點像被釋法。袋鼠取態係,爭取有權在牆上塗鴉者,鬆手一點。
-------------------------------------------------------------------------------
很幸運地,週六晚之後局勢緩和,政治觀點可以有排拗,但最好先係,政府和示威者 (看來已經由學聯主導),先互相找到大家都可接受嘅落台階 - 不一定有甚麼可行協議,但係總之就係大家都可以和平落台嘅氣氛,否則拖拖拉拉只會讓情況再有惡化機會。
x nnnnnnnnnnnnnn
小KI: 法律原意係保障人民, 如果被當權者利用, 只保護政府/霸權, 損害人民利益, 呢o的就係惡法, 講多無謂....一個字"反".
大是大非前, 原則性問題前, 一定支持一人一票雙普選, 反政府. 至於用咩方法手段則有保留, 就如我支持佔中, 但唔太讚成繼續佔MK, 佔CWB.
法律只係維持社會繁榮穩定好低層次既手段, 唔好講到一犯法就係衰人. 在法律之上還有道德, 公義呢.
如果係剝削壓榨他人得來的不義之財, 唔洗思考都答到你, 支持.
或者你去了解一下立法會由咩人組成, 點樣組成.....
港視無牌 , 明顯係因為係人治問題.尤其係一個男子.
你話自由社會.可能而家仲係.不過係不斷收窄緊
攻府政策係咪為香港好...我有懷疑...我覺得政府傾向係i為中國好
我係非常支持本港的實業家為本港出力架。
政府想提高聲望,想市民覺得政府係為香港好,可以從呢方面著想。
草哥,唔使錢嘞!尤其是後生仔係『低頭族』為主,去用兩分鍾發言俾條link就得
https://archive.org/details/AnimalFarm_771
http://gutenberg.net.au/ebooks01/0100011.txt
啲物資站唔肯收書架
對於,港視無牌,我都非常不明白。
我係非常支持王維基有牌攪電視。
呢樣係政府的問題,無法令市民明白,為何王維基無牌。
牆頭草, 現在是多頭噢!
Animal Farm 係一個巡環的比喻故事,
當一個極權被推翻後, 上位的會用更極權方法統治.
中學書, 我以為好多人睇過 ? 有錢我會去金鐘一人派一本.
已經上埋AFR,新鮮出爐,應該好堅,兼唔會亂作故仔。
UGL paid HK chief millions in secret fees
PUBLISHED: 0 hour 4 MINUTES AGO | up date: 0 hour 3 MINUTES AGO
不過單睇內文推斷,似乎係美國私募基金,盡職審查時刮出嚟。主要係無公報利益,唔知係咪咁大件事,留待下回分解。
奇哥: 不如你講下689主政下, 交出邊套好戲??? 市民曾拍爛手掌, 等網友唔好咁偏向呢. 謝謝.