政治弄人

就地喝一聲

鄰里使神經

親人黑了面

摯友鬧不停

自從戰中爆發之後、黃色絲帶代表支持有公民提名嘅普選和支持戰中行動、而藍絲帶代表支持有篩選嘅普選和支持警方執法。就係咁、這場政治爭鬥就越演越激烈、不少好朋友、好同事都因為各執一詞鬧得面紅耳赤、甚至一家人裡面都分成兩派、亦聽聞有對父女在吃飯期間拗到火紅火綠、結果連飯碗都掟埋。咁、你話嘞、係咪豈有此理呢？

唔知到各位街坊對正治呢家嘢嘅理解如何？但在下就覺得政治有如宗教一樣、每一家都有不同理念、每一家都擁有自己嘅信徒。因此人們必須要學懂怎樣去尊重別人嘅政治信仰然後至有偈傾、亦只有懂得互相尊重才能夠和平共處。

自從示威區爆發肢體接觸之後、局勢已成水火不相容。有人指控巡捕房勾結容黑幫襲擊戰中示威者、目的是製造清場藉口。但亦有傳聞指是有人收買惡客毆打示威者、並藉此嫁禍反戰中人士、從而激發更多人走出來支持戰中。不過在下對以上講法完全不敢茍同。因為指控巡捕房勾結黑幫實在太過無稽、而指控有人收買惡客毆打示威者亦無憑無據。其實事件只能反映巡出政治爭鬥無所不用其極、亦反映出捕房人手不足、以致甩漏頻頻。然而巡捕房絕不可能放棄正常區域巡邏、而將所有人手都調到示威區。不過總捕頭已經下令所有捕快取消休假、甚至連後備捕快都全體出動、算盡力架喇！如果要再加添人手就只能求助於街坊軍、相信不會有人想咁嘅。係冇？

從上述事件可以見得到人們在情緒高漲嘅時候很容易誤判形勢、從而令到自己去鑽牛角尖。誤解越多、分歧越大、執拗越激烈、對峙亦越更加難以分解矣！紫荊人、你可曾試過撫心自問、到底自己有否尊重過別人嘅政治立場？如果沒有的話、現在是時候好好的去反思一下矣！