溫馨

呢輪太多負面新聞，睇到人都好煩厭----因為呢個陰影，可能跟住十年香港人寧願生舊叉燒、都唔敢生細路啦：唔俾佢讀書唔得、俾佢讀書又驚俾人洗腦，大左容咩易父母俾佢地鬥跨鬥臭呀！

尋日中午去左間粉麵店食碗牛腩麵。粉麵店大家都知係可以搭檯架啦！坐下不久見一位父親帶著女兒搭檯。父親看來很年青，小女孩大概六歲左右。

我平時多數見母親帶著小朋友，很少見父親帶著女兒。不過，每次我見倒母親帶著小朋友上館子時，總是不邊食、一邊鬧！難得見倒昨天那樣溫馨的場面。

兩人坐下。父親問女兒吃什麼？

女兒：「魚旦粉。」

父親：「你食唔食倒一碗呀？」

女兒：「食倒。」嘩！犀利呀。

父親：「咁好吖。」於是柯打一碗魚旦粉、一碗牛腩粉。

侍應：「要唔要油菜？」

父親：「唔要住啦！」

侍應剛行開，女兒：「我好想食菜心。」佢真係分得出咩嘢係菜心架。

父親：「咁好吖。」於是又柯打左碟菜心。

女兒的魚旦粉很快送來，女兒邊吃邊問(似乎有點不安)：「點解你果碗仲未嚟嘅？」

父親(想了想如何答)：「啊！人地要時間整熱啲牛腩架。」

跟著碟菜心又送上。

父親將一小條菜心夾挾給女兒，女兒一放入口便舉起大姆指(示意好食)！

父親那碗牛腩粉仍然未嚟，父親趁女兒進食時，一邊將嫩的菜心挾給女兒，莖較粗的那些，他便咬去粗莖部份才給女兒吃。

女兒：「為什麼你的牛腩粉還未來？」

父親那時也察覺有問題(粉麵店上食物一般都很快)，拿起單一看，才發現寫漏了單，於是即時加番單；不消一分鐘，牛腩粉便送到。

女兒：「我都話冇理由咁耐啦！」哈哈，叻過老豆！

吃了一會，女兒：「何解要俾隻匙羹我？」(佢祇用筷子挾粉食)

父親:。匙羹是给你用來盛著粉來吃，不要用來喝湯，那些湯不能喝！」

女兒:「哦。」示意：明白了。

如果父母與子女能夠如此溝通，那便天下太平了。