joboche1
joboche1
joboche1

以暴易暴何時了?

2014/10/17 08:38:40 網誌分類: 今日隨筆
17 Oct

朋友以whatsapp 一幅導演王晶撐警方嘅相同佢所寫嘅內容, 當中王大導指出有佔中人仕對執行任務嘅警察踢下陰拆祠堂, 用雨遮篤警察對眼, 向警察淋尿等等野蠻行為, 實在令人憤怒. 而王大導更指一批漢奸議員同無良律師未能以事論事, 偏幫佔中人仕, 所以佢話撐硬警方執法! 如果王大導所講嘅喺實情,

 

咁呢班議員同律師未能持平講嘢, 難怪王大導要仗義執言. 講番轉頭, 有人話警察唔應該阻佔中人仕嘅活動, 但喺站喺法律而言佔中阻街, 喺公眾場所造成交通瘀塞, 造成原居民生活受到極大困擾同唔方便, 屬於違法之列. 而家警員受命維持治安同秩序, 喺法律賦予嘅權力, 任何人仕對呢種權力作出任何傷害,

 

等同向司法制度挑戰. 除非執法者有濫用權力同枉法等行為, 就另當別論! 佔中人仕應該要理性一啲, 冷靜一啲, 警察執法喺全球國家都公認嘅合理行動. 每個國家嘅執法人員所持嘅態度都有唔同, 單以香港而言都已經叫做做到好剋制啦. 何況, 真正執法者只著眼行動喺唔喺違法, 有冇聽從勸諭和平散場, 而

 

唔會理到佔中人仕有冇手持武器. 因為精人出口, 笨人出手, 有時要引起騷亂, 唔一定喺攪手一手一腳去做, 單單出吓口術, 就有大把替死鬼自告奮勇造成混亂. 喺群情洶湧時, 唔好剩喺識得嗌佔中人仕無辜, 佔中人仕有亞媽生, 就唔記得警察都有亞媽生. 佢地依法執勤, 唔通就要比你哋拆祠堂, 篤眼, 淋尿喇咩? 

回應 (0)
我要發表
user