以暴易暴何時了?_1

任何事都唔可以一竹篙打一船人! 有好多嘢面對爭議性時, 都應該盡量保持剋制. 例如父母同仔女之間, 有好多問題嘅睇法或者會各走極端. 今日堅持自己幾啱都好, 可能若干年後會意識到喺錯都未定, 只不過到知錯時有冇膽量公開認錯, 又或者喺自己想講對唔住時, 對方已經瓜咗老襯. 所謂世事無絕對, 都不外

提醒我哋堅持己見之同時, 都要客觀咁承認對方個睇法未必錯得晒, 由於自己嘅立場同對方唔同, 所以冇可能有共識. 反之, 人人都堅持自己啱, 卻狂踩人哋錯時, 就會形成咗對立之餘, 彼此冇彎轉之下拼個你死我活. 就整體嚟講, 會發展成各走極端, 甚至會因意見不合大打出手, 令到無補於事底下, 事件更趨惡劣.

立場之不同, 或持相反見地意向, 就好比太極圈入面一黑一白! 話雖如此, 黑當中有一點白, 而白當中有一點黑, 就證明咗天地間好多事物唔喺淨得黑就黑白就白, 今日嘅黑, 喺將來有可能喺白; 同樣地今日嘅白, 喺將來有可能喺黑! 冇必要否定對方觀點, 更冇必要肯定自己觀點! 唔好忘記一黑一白冇離開圓圈範圍.

意思好明顯, 各持己見, 所以各走極端! 各走極端, 先至令事情惡化! 無論喺黑可以打壓倒白, 又或者白可以打壓倒黑, 呢種以暴易暴嘅行為作風就已經偏離正軌. 先唔好拉到個人修養層面去講, 單以政治議題就冇可能取得雙贏結局. 筆者一再強調政治唔喺易玩, 仲要識得顧全大局, 以民生為利益下作出妥協同遷就.