摺埋「港台」啦！

剛剛播緊嘅一集「城市論壇」，真係睇到眼火爆！

謝志峰(及很多港台時事節目主持人)親「飯民」就一向都知，但係今日呢一集，佢完全唔似係一個主持人，越睇越似係其中一位親「飯民」嘉賓，幫埋個「廢青」駁斥其他幫市民大眾發聲嘅嘉賓---多次企圖唔俾周梁淑怡講落去(因為講嘅嘢唔啱佢聽，佢亦唔想市民大眾聽倒正義之聲)、亦刻意「強奸」施永青所講「大部份平時唔出聲嘅沉默大多數都唔贊同「佔中」行動」嘅意思！

著黑衫，擺明車馬幫邊一邊！

唔駛講都知道你地係brother啦！

鄭國漢校長將會出任政府與「學聯」會議主持人。當受訪時，鄭講得好：「我祇係一個主持人，無論我過往講過任何言論，我響呢個會議度，祇要不偏不倚(持平)便可！」這是作為一個主持人嘅基本條件。當然，佢係咪做得倒，遲啲至知！

港台很多時事節目主持人，很多時利用大氣電波幫「飯民」發聲。如果港台係商辦嘅，佢講咩嘢我地理唔倒，惟一可以做倒嘅係罷買或者罷睇！港台職員係公務員，用納稅人錢出糧俾佢地，我當然唔認為港台要好似「文」咩、「大」咩報咁淨係幫政府發聲，我要求好低，我祇要求佢地如實報導，唔好加插個人感情落去咋！

今日真係要讚吓周梁同施永青！周梁話之你謝志峰唔俾佢講，佢都堅持講埋佢；施永青今日真係講出左市民大眾嘅心聲！雖然我一向唔係咁鍾意呢個人。