的士司機大笑話(2)

而一切....就由這個人上車開始.......

乘客：司機唔該旺角

（頂，又係黃絲帶，有無咁猛呀....）

我：嗯

(為免令我變得激動，忍唔住去車佢去佔領飛䳘山，所以我決定只當這個男人是一件貨物，決心跟佢零溝通）

我們雙方一直無言..直至去到坪石村附近

乘客：司機，你知唔知咩係真普選呀？

（我頂，我唔惹你，你唔係自己過黎惹我下化）

我簡單一句：嗯

我心裏不停催眠自己：（佢係一件貨....佢係一件貨...）

乘客：咁你支唔支持佔中呀？

我差不多已經忍無可忍，忍得面上青筋湧現，咬牙切齒，但身為一個專業既的士司機，我仍然面帶笑容地簡單回一句..好讓他知難而退..

我：唔好意思，我反對佔中的...

乘客一臉驚訝：點解要反對佔中呢？

我反問：點解要支持佔中呢？

乘客：下！！？？

(我從來沒諗過，有人反對佔中對佢黎講係一件咁令人驚訝既事)

乘客：司機，我問你，如果將來你個仔問你點解唔幫佢爭取民主，你會唔會覺得慚愧呢？

我：如果有一日你個仔會問你呢個問題，我諗你應該要做既係盡快帶佢去睇醫生！

（基本上我覺得佢都應該要去睇一睇醫生！）

乘客：嗯？

我：大佬..老實講句，我只有問過我老豆點解唔係李嘉誠，從來無問過點解佢唔係吾爾開希...咁你又有無問過你老豆點解唔幫你爭取民主呀.....？

乘客一臉無耐..而我亦慢慢地嘗試控制一下快將失控既情緒

乘客：你真係覺得呢個政府無問題咩？成條街幾間金鋪，幾間藥房，你真係咁都接受得到？

我：你覺得有咩問題呢？波鞋街夠成條街都賣波鞋啦，又唔見你接受唔到...高登夠全陪舖都賣電腦啦，又唔見你地嘈....

乘客：......

我：買波鞋去波鞋街，買電腦去高登，買金器去彌敦道...我真係唔覺得有咩問題喎..

我：正等如你電腦壞左，或者想買電腦，會諗起高登一樣，好正常...

乘客：唔明

（好明顯，這個乘客理解能力有d問題，所以我就用比較簡短，易明既說話同佢溝通）

我：我意思係話，只有腦殘（換電腦）同無腦（買電腦）既先會去高登，你仲明唔明呀？

其實我都唔知佢明唔明，因為基本上我都唔明我自己講緊乜，總之之後我地再無任何對話..

本來一切都相安無事，直至去到阿皆老街某一段...突然背後有一把淒厲既哭泣聲劃破這一切寧靜......

「鳴....鳴.....」

待續