貼錢賣仔
昨日左右美股走勢的主要係美企業績。阿爺召開四中全會,亞洲投資者憧憬中國有刺激經濟措施出台,加上上周五美股造好,亞洲股市幾近全線上揚。日本股市升1.9%,韓國漲1.6%,內地A股升0.7%,恆指比較弱雞,微升47點或0.2%。
但去到歐洲唔係幾得。有消息指歐洲央行已啟動資産購買計劃,首先買入法國擔保債券。不過,可能係上周五升得太勁,歐股昨日不升反跌1.2%,其中德國跌1.5%,法國跌1.1%。
歐股唔掂,打擊美國市場氣氛,加上IBM第三季業績唔得,而且公布預計2015年將無法達成預期利潤,股價暴跌8.4%!拖累拖杜指開市即插120點。有賴其他美企,尤其係蘋果公司派出靚仔財務報告,撐住大市,美股跌幅得以逐步收窄,杜指收復所有失地,由跌轉升,收市倒升19點至16400點。得蘋果公司股價大升2.1%幫助,標普500指數收市升17點至1904點,納指更大升58點至4316點,升幅1.4%。蘋果在標普500指數升幅榜排第二,在納指升幅榜排第一。
IBM公布第3季財報,認真唔掂,持續經營業務經調整後每股盈利3.68美元,少過去年同期9.8%,計入停業部門損失後每股盈利只有2美分。營收亦減少4%至224億美元,已經連續十季下跌。IBM執行長羅梅娣在聲明中話,客戶購買情況在9月顯著下降,特別係硬體部門和新興市場表現最差,估計係客戶逐漸將資料和軟體轉存至雲端運算網路,對伺服器和大型主機需求續漸減少,影響公司整體表現。呢個係市場結構性轉變,所以IBM表示,預計2015年將無法達成預期的目標利潤。
與此同時,IBM宣布倒貼15億美元,把半導體製造部門送俾格羅方德公司(Globalfoundries),半導體製造事業佔IBM整體營收雖然唔夠2%,但部門去年虧損7億美元,今年上半年已經虧損4億美元,有資料顯示最多曾經試過一年蝕15億美元,所以決定壯士斷腕。IBM為了脫手半導體部門,已經在第三季財報中撥備47億美元作為虧損費用。格羅方德攞到IBM紐約及佛蒙特州的製造設施,並且留住原有員工。貼錢送出部門,因為自己搞掂要俾員工遣散費加一大堆善後工作,成本可能更高。貼錢送走公司,都可以話係併購新典範。
IBM股價大跌,股神巴菲特嘅巴郡(Berkshire Hathaway)亦都中招。原來股神手上有7000萬股IBM,昨日股價跌12.95美元,唔見咗9億美元。巴菲特月初時至承認過買錯咗英國零售企業特易購(TESCO)股票,令到巴郡損失7.5億美元,估唔到買IBM仲大劑,蝕得仲勁。不過,正如股神經常講嘅,要到潮水退咗之後,先至見到邊個條泳褲被水沖走,今次到佢無著褲。
蘋果公司昨日收市後公布業績,第四財季營收為421.23億美元,高過去年同期12%;凈利潤為84.67億美元,亦有13%增長。盈利同營收都高過市場預期。蘋果公司股價昨日漲2.1%至99,76美元,公布業績後再升1.5%至101.25美元,重上100美元大關。
美股走勢本來有利本地的科技股、手機股,但本地市場仍弱,小心炒作短癮。
陸羽仁
吾識炒:恆大和SPI用12億入股國藏股權559, 折讓87%, 恆大和SPI所獲配發的股份佔擴大後的91%, 咁等如恆大之後係大股東。559的原來大股東賣盤俾恆大玩,轉搞太陽能, 即係俾人揸飛博搞大,或者傾好埋退場安排。
陸sir早晨
我想問下國藏股權的問題, 恆大和SPI用12億入股559, 折讓87%, 恆大和SPI所獲配發的股份佔擴大後的91%, 咁變相等唔等如恆大之後係大股東? 等如559的原來大股東賣盤唔做? 國藏主席仲會係主席咩? 佢仲話搞太陽能, 到時都未必係佢話事啦, 佢有咩好處呢? 唔係好明wor, 定係我搞錯呢? 謝謝!
咁同3800之前收購451, 是否所謂的逆向收購呢?
另外想問多句關於2369, 我見佢反彈得咁勁, 應該減持, 不過我最平果注都係$1.8, 應唔應該以免1.62(10%)先止蝕呢?
謝謝陸sir
忙到爆炸,冇乜時間上黎吹水
琴日對話學生既表現,先唔理佢地講既野岩唔岩,但臨場表現遠勝果d 50歲上晒位既所謂議員(諗起財委會個主席),如果政府同議會入面既人都有d種能耐,起碼講野同思維有邏輯,香港就唔會搞成咁啦
在下其實都提過好幾次,長線睇2,30年,香港必然會變成一個普通大陸城市,白髮魔女既直轄市論其實好有遠見,呢樣野係一定會發生,冇人可以阻止,就好似九龍城塞要拆一樣,而香港既舊有所謂“核心價值”,包括言論,新聞自由,講道理,廉潔政府,什至司法獨立,最終都必然會同大陸既制度接軌,留意在下話“接軌”,唔代表所有野會冇晒,大陸都進步緊,只係最後香港都會跟大陸果套而已
佔中唔散,係多方面原因搞出黎,包括民生,樓價,向上流動性,太多大陸人侵佔資源,政府分配利益不公,施政者態度傲慢,警察執法有個別事件不能服眾,外國勢力煽動資助,古怪不知名勢力混入人群搞事沬黑,暴力團體搞亂檔……多到數唔晒
在下之前已經寫過,佔中必敗,但在下仍然支持佔中,支持學生掙取必定掙取唔到既野,因為放長線睇,香港將來一定會變直轄市,中國好香港就好,中國唔好香港亦難有運行,好彩既話香港可以做新加坡,冇咁好彩可能就做羅俄羅斯,總之今日香港有既言論,新聞自由等“自由既空氣”肯定會比依家少,到時在下都老左,起碼可以同人講,幾十年前在下都曾經掙取過,at least i tried
錫安教會 3P 4P ???
SIGH...
又是晴朗的一天呢. 學生哥表現唔錯, 但子龍更加擔心, 因為很明顯將自以為真普選當成真理, 信仰. 有不同政見的, 已經聽唔入耳. 已然進入極端主義呢. 正苦呢??? 表現出誠意, 去聽取民意, 以務實態度去處理問題, 只是有2位人兄一言不發, 令人失望呢.
子龍很驚訝, 689這次講出真話, 阿爺表現出大智慧, 一早以平衡各方利益為依歸作為選特首的考慮, 如以人數作考慮, 明顯會出現傾斜, 沒有了廣泛代表性的作用呢.
希望正苦不好急於清場, 不好製造人民英雄, 烈士. 只要以民制民, 佔中必敗.
各位早晨~~
達摩兄,影片既A/C係錫安教會,係有唔少教會視為異端既教會,早幾年就係飲雙氧水事件...
大局似危實安 應趁低吸納
【明報專訊】在這個市况不好的時間,最需要做的不是買股票,而是分析大局,因為必須要把局勢看清了之後,才能夠決定未來的投資方向。
在分析政治市時,最重要的要點,並非政治本身,而是外國勢力會不會介入,因為在現代的政治世界,人民的政治運動,如果沒有外國勢力的幫助,是難以成就大事。
香港現在的情况,是外國早就宣布了不干涉中國的內政,前提是中國和香港不會出動暴力鎮壓,所以,現時的局勢,是似危實安,最惡劣的情况已經過去了,當然了,佔領運動也許一時半刻完結不了,但是,也不會發生不可逆料的惡化。這叫做﹕小病好不了,大病死不了。
滬港通料可刺激港股升市半年
下一個利好消息,是滬港通,相信在政治局勢穩定了之後,便會推出。這個好消息,相信會刺激港股,有超過半年的升市。
所以,在現階段,我的策略是逐步買進股票,重新建立投資組合。因為我堅決認為,在股市低迷的時候,去進入市場,是賺大錢的不二法門。當然了,這種做法的大前提,是必須要很有耐性,能夠等待它的上升,而且手上也有充裕的現金,才可以做到。
[周顯 投資二三事]
https://www.youtube.com/watch?v=qyqKDomSeUk
大家快睇片 噢!
陸蛇 笨仁:
快將這段片 post上 巴士的報 呢噢!
食品股 唔易玩
2014年10月22日
大市觀望四中全會同佔中發展,股民炒作半新股,藍籌股就個別發展。受到母公司旗下頂新製油前董事長被台北地檢署依詐欺、偽造文書、違反「食品安全衞生管理法」等罪遭起訴,康師傅(322) 跌咗2.4%,成為表現最差藍籌。台灣黑心油事件爆發不斷,慢慢發展為抵制頂新的社會運動,事態點樣發展仲未有定局,事件都反映咗食品股嘅食品安全風險,絕不能掉以輕心。
台灣黑心油事件風波不斷,最新又被發現用咗餿水油嚟提煉食油,由於頂新再度出事,搞到朝野震怒,民間仲發起抵制佢哋嘅其他食品,風波有擴大之勢,搞到同佢有關的康師傅跌完又跌,以佢今年高位24元計,𠵱家已經失去四分一市值,等如唔見咗近三百億市值,都咪話唔犀利。
康師傅連番插
本來只係食油出事,損失只係有限,康師傅跌得咁緊要,似乎有啲過份。今次佢搞到咁大件事,成因肯定好複雜,內裏肯定有行業陃習難改嘅因素,同時管理層應對不擅,亦唔排除有人乘機落井下石,插多兩刀。
以康師傅咁大間企業,平時應該打通晒任督二脈,練習神功防止被人攻擊,點解今次搞到好似無人護航,任人當社會運動咁搞呢?
嚴格而言,康師傅主要市場係內地,受衝擊比較間接。不過,要留意嘅係佢雖然跌咗落嚟,市盈率仍然有34倍,加上內地有通縮陰影,所以喺事件發展未明朗前,想低撈者要小心。
過去,食品股被視為係民生生意,無論經濟好壞,大家都要食飯瞓覺,令呢類股份享有較高估值。不過,近年好多事件顯示,食品安全好易變成社會事件,甚至政治化,對公司生意可以造成相當嚴重同長遠嘅影響,甚至美式跨國巨企都走唔甩,被呢類風波影響,所以呢類公司仲值唔值以往咁高估值,係另一個值得思考嘅問題。
內地第三季GDP按年增長7.3%,叫做好過市場預期,卻是自2009年首季以來最慢,令港股全日好淡拉鋸,全日最終微升,險守兩萬三大關,國企指數則要倒跌收市。恒生指數收報23088點,升18點;國企指數收報10275點,跌19點,成交縮至525億元。
內地公佈《國務院關於加快發展體育產業促進體育消費的若干意見》,把全民健身上升為國家戰略,力爭到2025年,體育產業總規模超過5萬億元人民幣,加上美國Reebok獲高價收購。體育用品股大致向上。李寧(2331) 揚1.5%,造4.06元;361度(1361) 更升咗5.2%。
半新股傳火棒
呢兩日無新股掛牌,炒家目標覷準半新股落手,上周五以介紹形式上市的民生珠寶(1466) ,收報1.13元,勁升43%,升幅是港股最勁;細細粒嘅股仔強泰環保(1395) 抽升25%,造1.4元;三和建築(3822) 都炒上9%,造1.57元;中廣核美亞(1811) 再升11.9%,報2.54元,創上市新高;上咗市較耐嘅都市麗人(2298) 升6.5%。不過,有人歡喜有人愁,配售上市炒爆嘅創業股壹照明(8222) 就大力跌落地,再插14.9%,唔知幾時先至止到瀉。
呢啲半新股炒到色香味俱全,一招就係炒供求,佢哋好多都係市值好細嘅公司,而且上市時超額倍數多,無乜蟹貨之餘,股民容易食過翻尋味,所以都唔使點講基本因素,總之信者得利,大家玩吓音樂椅傳吓火棒,呢個其實亦都係藍籌同實力股份無得玩,市底唔係咁好嘅另一種表現!
陸羽仁
2014-10-21
Dow Jones Industrial Average (^DJI)
16,614.81 215.14(1.31%) 4:34PM EDT
民主是否神聖?
英國在十三世纪己有民主基礎,識得用大憲章限制帝王權力。發展到十九世纪,政制己十分成熟。國家在政客手上,操縱自如。结果,就發生了鴉片戰爭。民主政制,在一群貪得無厭的绅士手上,只係戰爭工具。
而英國人亦從未反省。统治香港,更從未使用民主方法。
數日前偶然聽到商台十八樓C座節目。盛讚舊日的「皇家」警察。令人懷疑,到底堂堂一個電台,有無偏頗。
八國聯軍,亦代表西方民主勢力。八個現代化大國,企圖利用科技優勢,瓜分中國。點解民主國家,又可以咁卑鄙?
而呢個係一個問題。有專欄作家謂反民主人士腦殘。但民主既實質,要有健全腦袋才能看見。咁重大既歷史事實都看之不見,真係好可憐。
本來,民主是外在架構,但呢D道理,無法打進傳媒勢力,大多數人全無印象。想唔到既係,佢地連鴉片戰爭都有意忘記了。
http://www.leechardasks.blogspot.hk/
鼠:民主係唔係只係指少數服務多數?
如何防止少數人的權益被多數人吞左?
鼠鼠: 謝謝回應~
大師: 有無上街抗命噢....
袋鼠兄, 我同事第一時間告訢我689唔比14000收入以下的人投票.
我問邊個話比佢知, 我聽到的不是這樣喎, 佢話朋友whatapp佢的,
我問他有沒有自己去查証是否如此, 他就O晒嘴. 噢! 現在的年青人
呢個時侯整呢句野, 比人入晒位, 不過佢現在講咩都比人話唔啱
但呢個時候整句咁既野...只會比人大做文章,真係唔明點會咁樣講
看紐約時報解讀成『政治有可能被貧窮階層掌控』(unacceptable to allow his successors to be chosen in open elections, in part because doing so would risk giving poorer residents a dominant voice in politics.),其實689只不過係想利用香港不少中產反對福利制度,去爭取中產民意來支持政改及改善個人聲望?
“You have to take care of all the sectors in Hong Kong as much as you can,” he said, “and if it’s entirely a numbers game and numeric representation, then obviously you would be talking to half of the people in Hong Kong who earn less than $1,800 a month.”
“Then you would end up with that kind of politics and policies,” he continued.
草兄~讚X2
政府無論在制度上嘅解釋,與及實際情況嘅分析,其實講得好清楚。
而且除了另外再寫報告 (雖然真係多數無乜用),提到未來還可再啟動政改,與及暗示在選委會動腦筋 (雖然有功能組別又係路障… 這方法有網友有提過),可惜學生唔收貨。
起碼會談氣氛OK,繼續捱落去…
全民公投才能解決佔中. 這才是民主.
草兄,讚 (袋鼠可以慳口水) 無線衛星台有得睇直播
不計訴求是否合情合理, 真心講, 學聯五子表現是高質素的.
如果可跟衝防線, 粗言辱警的癈青劃清界線就好了.
他們的表現比只懂拉布, 掟蕉的議員, 吹水學者, 三恥 .... 好多了.
他們懂講, 希望也能懂聽 .......
誠心希望他們跟著走正確聰明的路.
奇哥,大家用詞比較理論化,就理論一點解釋。
破壞係一種失衡,不是一個平衡狀態,是過渡不同平衡點之間嘅一個過程。
要作現況實用解釋,一來要長篇大論,二來袋鼠未夠熟悉香港政治的料子。
子龍兄、鼠:現時所謂的制衡或平衡,係破壞式的,破壞亦可導致毀滅,咁樣有咩意義?
袋鼠兄: 為左香港市民的褔祉, 子龍就送689四個字--->知難而退.
奇哥: 香港需要一個平衡. 能夠平衡各方利益的特首呢.
將軍,最緊要全香港人都過到今晚… 都係同一句,後生仔來日方長,只要唔好有乜爆大鑊,樂觀一點,佢哋回家後有時間冷靜,經一事長一智,日後也許對香港政治有正面回饋。
奇哥,一定唔會,好大機會23條立法,呢度好多人過去數星期,都會犯上文字獄… 尤其是個個都係暢所欲言嘅
香港建制派獨大時,會唔會令香港變得更好?
動物兄: 騎騎....有點兒擦鞋....
袋鼠兄: 武力從來不是解決問題的方法. 要解決問題, 只能攻心為上, 攻城為下. 但子龍不喜歡689, 當然唔會教佢點對策.
子龍對學生哥的智慧有所保留, 加上佔中三子的反智. 不好太高估他們的IQ呢. 頑皮的學生, 最喜愛破壞, 當然是破壞佢認為大人會著緊的東西呢. 簡單...
將軍,另外,學生哥,或許都可以『以戰養戰』,但此戰不同彼戰,政府要養的是街頭戰,學生要養的是輿論戰。
PS 當然可以在白票上面,集體寫上同一句不滿字句,但依然係有益咗建制派。
突然想到,而家眼前大多數泛民派人物,開始淪為因為有建制對頭人才可以在議會生存下去、唯一可以被當選的理由… 大檸樂…
草哥,經廣州行路落香港囉! (倒過來回程,行路上廣州? )
不過又唔係咁想上大陸,响澳門坐船啦
將軍,其實如果政府當日再升級行動,搞不好一有大規模死傷,日日有死傷者父母上電視,無人再理阻住做生意嘅新聞,難說不會真的變成完完全全嘅反政府運動 (雖然學生初期在口號上都正有此意,但形勢唔對時都急急撤回,始終未有這種升級條件),可以更難收科。
講不合作運動,啲人又係一知半解,對政制不滿嘅不合作,係投白票甚至乾趣不投票(問題係除了益咗建制派,解讀易被騎劫,要有依家兄、二哥所講嘅none of above),而唔係走去同啲自己都有信心、十分滿意嘅機構去進行不合作,這樣有有點兒搬石頭掟自己隻腳。
No need to mention la...
星島老板 is very smart la...
SIGH...
There are many 機塲 in MK...
Let's go...
Fire...
SIGH...
袋鼠兄: 子龍以為在弱方, 即是學生哥才要以戰養戰. 作為正苦, 子龍以為用這招是下策. 子龍佩服星島老板那一句, 如果係我一早清場. 豪氣, 這才是領導.
不合作運動基本上是頑皮細路哥的強項, 你愈關心, 佢愈反斗. 最后破壞了香港的核心價值, 對於學生哥來說, 沒有什麼影響, 因為在家仍然有父母,苦了的只是老百姓而矣....
鼠,
MK 街頭己經plan左佔領機塲啦. (唔係做假, 有片架, 但又可以話收左五舊)
你要返來搵飯食就留意嗱.
獸人把打,你真係enterprising兼entrepreneurial
將軍,你講嘅嘢有可能發生。問題係這種行動,一來繼續讓政府以戰養戰,另一方面,亦會衝擊香港引以為榮,維持香港核心價值的架構。
同老教授食晏,講開資本主義及民主制度,同樣需要有大政府及各種昂貴架構 (凱恩斯舊派,袋鼠就是信了,擇日作文),當中包括需要獨立於政治嘅公務員團隊,尤其是紀律部隊;(前段係老教授提及,下一段係袋鼠推論) 肯定全香港人都同意香港警察有別於大陸公安;然而有一些示威者對警察咒罵,以為好過癮,其實係對政治不滿嘅反智回應,同時係衝擊緊香港核心價值。
Bro.袋鼠...
排隊自首??? No way...
How about police developing an 佔中自首 app for them to input all personal particulars and witness statement etc.etc.
SIGH...
假如留有案底, 就不能在體制內有所做爲。希望年青人能聽到袋鼠的肺腑之言!
袋鼠兄: 子龍以為佔中三子留有后著, 將不合作運動, 由阻街, 去到阻礙法院運作, 阻礙議會運作, 阻礙公共衛生,將香港變成神憎鬼厭地方. 最后變成一座--->死城. 但城裡的學生哥仍很高興, 因為香港因佢地而改變.
奉勸一句,早日撤離;後生仔,亦唔好理蠢人口號 (就算佢係戰友),走去排隊… 總之不要再進行有機會留有案底嘅行徑,日後還有合適行動可做;也許要花多點時間,也許場面不及金鍾集會那麼感動,但最終是爭取結果,而不是過程中嘅激素上升。
後生仔來日方長,那些鬧你哋嘅反智阿怕,一定比你哋先行一步,唔使急於反智回應;假如你留有案底,只會益咗愛字頭嘅同輩,長期輸在起跑線,讓佢哋有更多影響力,如何在長時間以理性去為香港爭取更好呢?
保存自己實力,才不會辜負支持你們的人,包括另一些婆婆伯伯。
講番自首,警察備察,都未必一定要落案、起訴,反正除了發起人,及當場被捕之外,其他人都未必有足夠証據起訴 (聽聞間唔中有傻人走去警署,走去為一些懸案自首,警察睇情況唔對辦,備完案就放人),而且唔知香港有無進行過集體起訴嘅經驗。
雖然大律師公會提醒,公民抗命不是抗辯理由,但戴耀廷話法官判刑會考慮,又唔可以話佢錯… 直接認罪已沒有抗辯,而抗辯和判刑係兩回事。不過在判刑考慮,戴耀廷似乎沒有提到,法官判刑還有很多其考慮,例如公眾及第三者所承受損失、對執法及司法衡擊、而加多一項藐視法庭,仲未計過往紀錄及個人因素。(袋鼠只看新聞簡報,不在現場聽整個言論) 所以就咁睇,戴耀廷有誤導之嫌。
排隊自首,只不過真係嘗試挑戰世界紀錄,為個運動做勢;在執行方面,除了加重警察文件壓力,一旦起訴亦會花費不少司法資源。
如果真係夠多人在旺角警署門前排隊,示威者多數唔接受派籌等侯 ,到時又可能花一、兩個星期清條龍,又係阻街吧!
伯仁:
你係買 熊仔 噢?
貓咪:咁你快d令個市跌返一千八百點啦
愛心達摩:守住二萬三千點,究竟守唔守得住?
伯仁:
你買左 牛仔 未 呢噢?
KFC, 我是沽空之王, 不是多頭之王!
ki,
奇仁:
大巿好似跌唔落 噢!
袋鼠兄,
Agreed.
旺角現在已經變得不那麽純粹了。 雖然民意和道理是兩回事,但有奶便是娘!佔
中阻了民生,自然失了民意,這是意料之中。 但是, 學生也應尊重下民意, 放棄旺
角, 只佔金鐘, 將對民生影嚮縮至最小。
你説的梁小姐+黃(之鋒)嗎? 梁小姐其實幾真性情, 好過CY, 黃有女友,幾靚女添~
將軍,同你那四個字,以戰養戰,同一道理
而家真正重要係找到大家落台階個位。之後自唔自首,已經無關痛癢。
袋鼠兄: 噢...民意真的逆轉, 師兄神算. . 對於佔中三子提及的市民集體自首, 師兄又點睇呢???
TCL .............不過我無買
重生兄: 左手狗生滋, 右手八公, 天下我有....