joboche1
joboche1
joboche1

劉偉遠勝佔中學生1

2014/10/21 09:08:49 網誌分類: 今日隨筆
21 Oct

從劉偉件事, 令到筆者更加確立當人有真正理想嘅時候, 絕對默默耕耘, 從零開始去搵自己要嘅嘢. 與此同時, 絕不會向身邊作無謂要求, 絕不會埋怨人哋冇幫自己, 絕不會日呻夜呻日嘈夜嘈! 當人有真正理想嘅時候, 只會自我要求; 絕不搖尾乞憐; 絕不求人施捨; 絕不逼人就範, 只知道憑有幾多實力就做幾多嘅事.

 

從劉偉嘅一句話: 冇人規定鋼琴喺要用手彈奏, 就知道生活生活, 人嘅一[生]而[活]潑, 隨住身邊客觀環境嘅變化, 用身上僅有嘅資源嚟令自己過得開心活得精彩. 換句話講, 當人唔能夠[活]潑過日子, 已經同自己過唔去. 亦由於呢種過唔去, 所以遷怒人哋. 唔記得自己乜都冇付出過, 就不斷對人諸多要求苛索, 單方面

 

嘅無知帶動自身嘅愚蠢行為! 基於咁嘅情形底下, 比別有用心嘅人講一講推一推, 就做咗人咃嘅馬前卒, 行就行先. 死就死先, 有咩嘢後果從冇稔深一層. 劉偉個答案講出咗一個真理, 唔一定要用手彈鋼琴, 亦即喺話要求人哋都可以有好多好嘅方法, 唔一定非要暴力不可. 佔中事件, 從一開始已經預咗警方有咩嘢措施,

 

如果行動真喺堅持以和平形式進行, 就唔會比人挑撥吓就失控. 從劉偉殘而不廢嘅表態, 對全港學生不殘而廢嘅表態, 簡直喺一個天一個地! 據筆者認為除咗大自然一切喺上天所賜之外, 冇一樣嘢喺我哋一手創造, 亦冇一樣嘢喺非我莫屬! 劉偉冇向當局伸手要求; 佔中學生向港府伸手要求, 兩者之間邊個殘廢, 由網友自評.

回應 (0)
我要發表
user