佔中行動唔理人死活

人嘅欲望喺無止境嘅! 好容易得一想二! 當第一次要求得順風順水到手, 冇幾耐就會提出第二樣要求, 從此變成無底深潭, 成為大食一族, 餵極都唔飽. 最弊嘅一件事就喺提出要求嘅人, 多數唔會理會被要求個一方得定唔得, 可唔可以承受得起, 同願唔願意做. 只要稍有表示唔際, 就會打壓; 就會聲討, 就會精神虐待.

根據而家佔中一族嘅表態嚟講, 全喺一面倒咁將精神壓力壓到其他無辜者身上, 從而間接入政府嘅數, 威脅恐嚇無所不用其極. 政府一日唔讓步妥協, 一日就虐待班無辜市民; 一日就虐待班打工一族. 先撇開經濟損失唔在講, 單以一班大中小學生而言, 全部比仇恨呢兩個字蒙閉理智, 打倒呢個推倒嗰個, 種種負面思想

行為深入各位未來接班人個潛意識入面. 到將來長大成人之後, 只知道一唔啱自己心意就可以發老脾. 可以想像得到未來一百年嘅香港, 全部都喺打打殺殺嘅生活. 仔女唔妥父母可以打殺, 配偶唔妥配偶可以打殺; 朋友唔妥朋友可以打殺; 員工唔妥老闆可以打殺; 暴民唔妥政府可以打殺, 種子種於今時今日嘅佔中

行動! 當人類當對方透明時候, 就會有老死不相往來, 得罪我就冇運行嘅恐怖歲月. 從佔中呢件事, 可以得出結論就喺所有參予者唔喺比人利用一腔熱血, 本身只喺識得伸手要求, 永冇反省自己有咩嘢資格要求; 而要求嘅事合唔合理! 或者喺合個人道理? 合部份人道理? 抑或合全港市民道理? 佔中睇怕滿口歪理!