人唔可以唔信天

佔中鬧劇一再延伸! 不期然令筆者稔起已故歌手籮記唱嘅[強人], 歌詞喺咁話噃:

[是與非, 如何分對錯?

恨與哀, 如何解因果?

敵友之間紛爭, 難為彼我!

恨愛海有界線, 同是分不清楚!]

[在世間, 成敗轉眼就過!

弱者, 強人都犧牲多!

莫記此中得失, 不記恨愛相纏,

只記共你當年, 曾經相識過!]

先排, 筆者有發博文指出, 世間任何事都冇絕對嘅啱同錯, 只有接受抑或唔唔接受唧. 既然佔中同反佔中所企嘅立場喺敵對, 自然喺大欖都扯唔埋, 仲邊度仲有偈傾? 佔中霸住人哋舖頭, 日後自然呢班受害者會搵佔中人仕算賬. 所以話呢場戲啲戲肉仲未上演, 真喺好戲在後頭, 全港市民唔怕拭目以待睇吓下集!

由於佔中令到來往交通受阻, 大部份打工仔真喺多得佢哋唔少! 筆者有朋友就好勞氣咁講: 佔中做初一, 反佔中做十五, 搵人發起佔佢老母住嘅大廈, 塞番佢哋個前後欄, 冇得比佢哋出入得咁過癮! 筆者聽完就話成棟大廈唔喺戶戶都撐佔中, 你咁做法對佢哋好唔公道, 呢種喺以暴易暴嘅行為, 古人都講罪不及妻奴,

千祈唔好玩呢家嘢好喎! 無疑佔中人仕嘅所作所為跡近不仁, 無辜者受害者唔可以做埋呢啲不義嘅嘢. 何況, 公道自在人心! 冇嘢可以一手遮天嘅, 秦始皇咁厲害, 都敵唔過上天同佢計數! 佔中所引起嘅一切損失, 定會列入歷史史料, 是非對錯之間, 後世必定有個公平合理嘅答案. 人可以唔信人, 卻唔可以唔信天!