歐洲大彈

2014/10/22 09:38:28 網誌分類: 經濟

22 Oct

歐股大反彈，美股亦連彈第四日，美股可以講係三喜臨門，除了歐股大升，提振市場氣氛外，房地產數據靚仔，以及多家美企亦派出好過預期的業績報表，刺激大市。

睇股市恐懼指標VIX指數由一星期前嘅31.06高位，輾轉下滑至昨日收市嘅16.08，就反映出市場的氣氛同投資意欲。

美股杜指昨日大彈215點至16615點，漲幅1.3%；標普500指數漲37點，收報1941點，漲幅2%，納指再受蘋果公司股價大漲推動，大漲103點，收報4419點，漲幅2.4%。

歐元區9月通脹率降至0.3%，國基會（IMF）指有四成機會陷入2008年金融海嘯以來第三次經濟衰退。IMF上星期預計，歐元區2015年經濟增長1.3%，低於7月份預期的1.5%；預計今年只有0.8%。

歐元區領導人急急救亡，歐洲央行已啟動資産購買計劃，首先買入法國擔保債券，繼而買入意大利擔保債券。路透社昨日又報導，歐洲央行現時正在購入資産抵押債券和擔保債券，但這些市場的規模過小。歐央行正在考慮擴大買債規模，在二級市場購買企業債券，以對抗通貨緊縮、重振歐洲經濟的計劃。

受消息影響，歐元兌美元下跌近100基點，不過，有媒體報道「歐央行管委會尚無此決定。」歐元略為反彈，但仍然徘徊在1.26與1.27美元兌一歐元邊緣，最新報1.2711美元。歐央行行長德拉吉表示，歐央行正力爭將資産負債表規模擴大到2012年初水平，意味著全部計劃規模可能至少達7000億歐元。歐央行泵水救市，刺激歐股大幅反彈，其中德國股市升超過1.9%，法國仲勁，大漲2.3%。

美國房地産經紀商協會(NAR) 昨日公布美國9月二手房銷售銷量反彈較上月增長2.4%，至年化銷量517萬幢，創咗1年來新高，亦好過市場平均預期。NAR首席經濟學家表示，「低利率和房價的穩步上漲，推動9月二手房銷售實現健康增長。」不過，比較去年同期仍低1.7%，反映美國二手房市唔係好得。

美企業績繼續推動美股，蘋果公司上日收市公布業績，大屏幕iPhone産品需求強勁，且業績超出市場預期，盈利增長較上季增長13%。摩根士丹利將蘋果公司的股價目標從110美元上調為115美元。蘋果公司股價上日升2.1%，昨日再漲2.7%至102.47美元。

另外，多家杜指成分股公布業績，其中聯合技術公司第三財季每股利潤1.82美元，高過市場預期1美分，營收162億美元，較去增4.8%，亦較預期高；而旅行家集團(Travelers Companies)凈利潤及營收都好過市場預期。美企業績靚仔，推動大市反彈。

昨日提到股神巴菲特治下巴郡嘅IBM上日勁跌超過7%，累到股神一日唔見咗9億美元，衰開有條路，IBM昨日再插3.5%，巴郡再唔見多4.1億美元，而巴郡嘅另一隻重倉股可口可樂，昨日可口可樂發布第三財季業績，凈利潤每股48美分，符合市場預期；但營收119.8億美元，差過市場預期的121.2億美Ð 03;。可口可樂股價昨日跌0.6%，跌得唔算好多，股神持有4億股，昨日蝕咗1.04億美元。

不過，如果全年計，可口可樂今年第一季生意都係唔係幾得，今年股價跌咗2.48美元（5.6%），股神一共唔見咗9.9億美元。如果加埋7000萬股嘅IBM，IBM全年跌咗24.64美元（15%），以及TESCO嘅7.5億虧損，單計呢3隻股票，股神今年就蝕咗接近35億美元！你都咪話唔恐怖！

股神買股都唔係隻隻得，所以揀股唔易呀。

陸羽仁

回應 (81)

我要發表

2014/10/23 08:31:15 回覆

花少少時間爹多兩句。聽過鬼佬笑話，在完美世界，英國人當警察，德國人當工程師，意大利人當情人; 在地獄世界，德國人當警察...

英國警察唔使揸槍，美國警察好「隨便」開槍，簡單點講，同後者槍械氾濫及建國牛仔精神有關吧! 取態不同，無ngau頭之處。

那篇野本來想話，政制同電力基建一樣，唔易改，有改進亦要長時間，但要ngau頭既係，成篇野中間真係唔知佢想講乜。雖然係網誌稿，但佢係職業寫稿、分析報導，唔同我地呢啲一般吹水之輩，呢篇連行貨都稱唔上。

2014/10/23 08:11:04 回覆

奇哥，今日呢篇野癈左啲喎。(雖然之前有一兩篇唔錯，真是同一手筆？）

袋鼠都覺得689本來都係講平衡利益，但就係在最不適當時候，用最唔適當形容; 以此作例，亦唔知有無鬼拍後尾枕、潛意識作緒。

animal666 2014/10/23 06:56:35 回覆

遲來的反彈
2014年10月23日

　　歐美股市連日急升，終於帶動港股有番個似樣嘅反彈！呢次外圍帶動嘅升市，背後唔係話有乜重大利好消息，主要係歐洲央行考慮再落重藥，買債救經濟。由於歐洲大力放水，撞上美國有啲利好經濟數據，於是外圍股市爆升。

　　由於美股連續回升，港股變成大落後，昨日終於見到買盤追吓貨，大市高開212點，雖然一度升幅收窄，午後最多上升372點，恒生指數收報23403點，飆315點；國企指數收報10426點，上升150點，成交金額增加至615億元，大市由成交萎縮跌到低點，跟住炒番上一浸，係幾典型的跌後反彈。

　　不過，內地消息仲係時好時淡，美股又已連升四日，唔知仲有幾多可以升。若然外圍繼續好，唔排除港股會彈多陣，如果外圍個市回頭，咁就要小心再反彈唔到幾多。

　　油價跌中石油頭痕

　　港股彈升係借外圍嘅力，美國科技公司業績理想，所以益到在港上市嘅科技股。好耐無威嘅騰訊(700) 飆升3.4%，造119.3元，為恒指升幅最大功臣，向大市進貢67點，跑贏一眾藍籌股。金山軟件(3888) 、中國軟件國際(354) 、IGG(8002) 都升超過4%。最誇嘅係中信21世紀(241) 後日改名為阿里健康信息技術，全日爆升28.6%，升幅為港股最勁。

　　炒開外圍數據，波羅的海乾貨船綜合指數昨晚急升12%，創逾五年來最大的單日升幅，令一眾航運股受追捧。中海發展(1138) 、中國遠洋(1919) 都升咗6%。全球增長都有放緩陰影，加上通縮威脅消費需求，其實航運業係咪咁樂觀，大戶心知肚明，不過一來炒股有時唔係講理性，航運股咁耐無郁，炒吓就當燒冷灶。

　　再者，油價跌咗咁多，對航運公司營運成本有一定幫助，既然佢哋股價都仲係低殘，悶悶哋就炒番轉，但呢類傳統舊經濟股，睇唔到有好大潛力可以長炒，所以炒得兩日好可能又係鬥快散水格。

　　講開油價跌，受國際油價近期不斷大幅下滑影響，有中石油(857) 高層接受《21世紀經濟報道》訪問時表示，公司擁有大量石油商業儲備，在油價受壓下，需要作大幅撥備減值準備，未來利潤增長預測也因此調低。

　　高層未有透露減值準備的金額，只是表示，在油價下滑的趨勢下，公司會盡可能降低一些高成本上游業務，以觀望未來油價走勢。

　　不過，呢個消息好可能係公司有意放出氣球，等市場消化負面消息，既然講得出口，相信撥備數目會有番咁上下。喺低油價環境下，相信中海油(883) 都一樣頭痕。

　　酒店地爆小冷門

　　政府全力推地，無論住宅同商住地都一樣，上個星期推出的東涌酒店地話咁快就開標，結果有小小冷門，由內房商世茂房地產(813) 及明發(846) 合組而成的公司投得，平均呎價2983元，符合市場預期。

　　呢個項目收到六份標書，發展商包括信置(083) 、世茂房地產及明發、帝盛酒店(2266) 、富豪國際(078) 、德祥地產(199) 及一間不知名財團入標，咁多個財團唔少係專做開酒店，結果由做開內房嘅世茂財團投得，估計其他公司都唔係咁勇。

　　本來，市場一直話對酒店需求殷切，今次大財團無落力出價，唔知同佔中有無關。不過，更大可能係政府咁多地推出，財團或者都想保留實力揀啲最優質項目，又或者競投流轉較快的住宅項目，好過慢慢起酒店收租啦。

　　陸羽仁

2014/10/23 05:35:42 回覆

2014-10-22

Dow Jones Industrial Average (^DJI)

16,461.32 153.49(0.92%) 4:35PM EDT

Prev Close:	16,614.81
Open:	16,615.26

Day's Range:	16,459.85 -16,653.89
52wk Range:	15,340.70 -17,350.60

Dow Jones Industrial Average (^DJI)

包 2014/10/23 00:32:12 回覆

政制同電制有乜分别？

..
v

你屋企個電制，如果壞左，可即刻叫人更換。本來唔著既電燈，即刻大放光明。

但政制係整個發電系統，有微妙内外结構。

英國佬的政制，由十三世纪發展到依家，班PK 绅士揸住，玩來得心應手。好似一輛操縱完美既超级警車，裡面有齊各种工具，要去邊就邊，法律話改就改。乞食犯法，糞街又話犯法。警察可以唔駛狽槍，但係管到你無得郁。呢一招，連美國佬都學唔倒。乜野咁旬？唔駛槍都可以殺人？美國佬ngau 哂頭。

佢地話呢D 就係民主，只要打開大閘，就可以得到，而且同英國一樣咁好。

係囉，好容易價乍，學生仔，你返屋企，開定閘，我就會將完美既民主政制送上。

更換政制，簡單過更換電制。只要你開定閘。。。。

後生仔返到屋企，嘈佢老豆老母開閘，話寧願坐監渦。

之你估呢個後生仔，係真蠢定係假蠢呢he?

http://www.leechardasks.blogspot.hk/

包 2014/10/23 00:30:13 回覆

//我今天有一個願望, 是REVIEW所人員工的薪金. 在短期內,未到的人, 盡快加至$14001, 好等她們不被人睇小. 有返人權.

呢D言論, 真是分化老闆同小員工. //

呢度係cy表達得唔好者。

佢係想講，社會要均衡。

2014/10/23 00:15:23 回覆

新執法者

上周大學校友聚會，一眾中環人訴說現時每天如何靈活變通、調校上下班交通模式，以示對雨傘運動參與者的最大「包容」，一位龍頭核數師樓的女合夥人，道出運動之初的個人與同事的辛酸，雖未稱得上慘痛，但逾說下去、語氣仍然憤憤不平。
皆因在運動展開之初、國慶、重陽節的公眾假期，在從金鐘統一中心，沿港鐵站出口上天橋過中信大廈辦公室經過向辦公大樓天橋之際，竟被疑似把守大廈出口、不知何許人的疑似示威人士攔途截查證件，否則拒絕放行。
平時長時間工作，假期無休，是指定動作，橫看豎看對方又不是大廈保安，卻在執行保安員之職，質問其為查證件，對方竟又支支吾吾，平時走在街上，無端端有個不是紀律部隊的人物走過來查身份證明文件，基於個人私隱，你也不會貿然就範吧！
況且對方根本連自己是誰也說不清楚，只說奉命行事，換過來要你提供身份證明，你也不會「傻更更」拿出來吧！
堂堂專業人士，返上樓上辦公室開工，都要問准一件不知何方神聖的老幾、更被對方「兜口兜面」查證件始放行，唔嬲唔發火就假，如今同一座大廈，有人視禁令如無物，還瞎扯到說甚麼「大是大非、法律排第二」。如果真的有一天法律要排第二，香港必將被迫降格，只因屆時我們已淪為人治；反觀阿爺，卻在宣揚依法治國。

胡孟青

2014/10/22 23:57:39 回覆

價值觀? 法治便是。

沒有法治，無法無天，還談民主？

2014/10/22 23:50:02 回覆

政治演員，大也好，細也好，年紀大，看得多，便知是甚麽一囘事。

大家無需為了演員台前套戯，跟10年20年朋友不相往來。

2014/10/22 23:46:47 回覆

某教授話，‘佔中“失控便撤離，現在呢？

又話將來會去自首。已經失信一次，仲信吾信好呢？

2014/10/22 23:34:29 回覆

係呀~YY太做老細, 人人爭住做

2014/10/22 22:31:07 回覆

yytai,

我成班同學朋友識咗2X年,1X歲到而家, 通過佔中件事, 先發覺有人食好住好,太平

盛世時扮晒高姿態,一有小小交通唔方便阻住佢地,就原形畢露, 心地可以去到好涼

薄,語言可以好惡毒, 有d朋友頂唔順佢地, 無眼睇自動退出Whatsapp。其實觀

點、理念唔同唔緊要, 價值觀不同就好難再繼續做朋友.

您真係心地好好的好老細. ${#icono0_45}$

2014/10/22 21:02:43 回覆

唉...無奈祖國人口與資源比例全球最低,要做到全民小康都是極不可能的任務,

希望一孩政策的人民犧牲沒有白費啦~希望有一天中國人能人人活得有尊嚴

2014/10/22 20:55:16 回覆

OH, 原來. 他...要*, DO了個字, 下次用較溫和的字眼. 呢個真是好文明的網, 唔好意思.

2014/10/22 20:53:13 回覆

小貓,

YY生之國度, 他就是為了,做到, 我有飯食,有錢搵,同有得玩.

所以我冇出走, 冇抗議, 同埋堅守家園.

2014/10/22 20:48:21 回覆

YY太:

任何政府,只要能令人民有飯食,有錢搵,有得玩,開心生活。

就是好政府,就是民意支持的政府。

2014/10/22 20:35:20 回覆

小貓,

我何得何能. 唐唐比人搶了做特手, 真是一世行大運. 如果不是今天好頭痛. (不過的信他為人及運氣, 不會出現今天之局面).

我是一個感性,直女人, 有飯食,有錢搵,有得玩,就會開心.

2014/10/22 20:31:00 回覆

我本人, 支持每人有自己之立場, 藍色好, 黃色好, 綠色好. 粉紅色好. 只要有理據, 您有自由去發表.

但"朋友"之中, 發現有些花生友. 今天上WHATSAPP 說佔中論的什麼什麼可笑, 明天評論反佔中的如何如何失禮, 一時說警察咁咁, 學生物物.

我非常之慶, 您生於香港,在香港搵食, 現在我們之家出現危難, 家吵屋閉,今天為香港各人擔心,禱告, 希望學生, 警察, 市民都可以平安回家. 心痛失眠. 您他*的, 像看戲, 發表您冇內容之個人空洞感受, 說三道四, 毫冇建設性, 比8婆, 更8婆.

忍受了好幾天, 頂他不順, 在GROUP 同他說, 如果"您找不到有內容的野講, "SHUT UP." 或"去睇台慶劇."

竟然, 他答您一句"SORRY, 香港是福地,大家會好" 有病, 好在呢D人佔好少數. 而家個GROUP回復平和. 花生友, 過了主.

2014/10/22 20:20:11 回覆

HAHA~

建議YY太去選特首~

一定大多數民意支持~ ${#iconb_230}$

2014/10/22 20:14:38 回覆

我今天有一個願望, 是REVIEW所人員工的薪金. 在短期內,未到的人, 盡快加至$14001, 好等她們不被人睇小. 有返人權.

呢D言論, 真是分化老闆同小員工.

2014/10/22 20:09:52 回覆

October

您說BK 部分人,我都有見, 好多是語冇論次之人, 什麼都批評一餐. 跟住比一些人指証, 要求論証, 就發癲, 唔單止,不像讀過書的人, 根本不是人話. 不過都有好多是正正常常的.

我估是有好多收錢扮出POSTS之ACCOUNTS, 當然都有一些是水平好低之人.

陸SIR呢處, 人之質素就好好多.

2014/10/22 20:03:16 回覆

講起嚟，呢度無乜五毛黨出沒，是否貓主席神威，唔准借五毛，只准借五舊？ ${#icons_cat4}$

2014/10/22 19:56:36 回覆

///另外，雖然BK以保守嘅小康中產為主，應該傾向反佔中，但都好難講，出聲嘅人，代表社群中嘅多數定少數。///

成版睇落來, BK果班C9(唔知會唔會搵人扮), 道理講不出半分,只懂得用惡毒語言咒駡,嘲諷佔中, 連人地學聯領袖皮膚出暗倉都攞來嘲笑, 睇佢地德行唔似有受過教育. 小康中産? NO WAY 啦.唔知一班咩人.

2014/10/22 18:50:10 回覆

將軍，袋鼠要略作更正，應該講，學生會談表現好過議員，BK藍帶中堅，『佢哋唔去睇好嘅地方，而係去挑剔其他地方』，係要踏到學生一文不值；整個社會要贏到盡嘅人唔少。

另外，雖然BK以保守嘅小康中產為主，應該傾向反佔中，但都好難講，出聲嘅人，代表社群中嘅多數定少數。

袋鼠唔想誤導，但有時寫嘢快而有遺漏。平時唔會咁補充，但而家氣氛差，同埋呢排插得人多，都要插吓自己。

子龍 (kaka就是大叔的契哥) 2014/10/22 18:43:53 回覆

將市民的褔祉, 當成個人, 團體政治本錢, 又係要插>>> ${#iconb_627}$

2014/10/22 18:32:19 回覆

向好幾個月前,我話呢場佔領一定會攪,原因就係攪左,組織者才有領導的聲望。

現在佔領實際上已失控,我指的是這些所謂佔領領袖,沒有統領佔領群眾的能力。若在此刻這些領袖決定離場,只會暴露自己根本什麼都不是的事實(因為沒多少人會聽他的號召離場)。

所以聰明的人,會順應佔領群眾的"民意",當作自己的決定,以製造"群眾是聽我領導來行動"的幻覺~

這種領頭羊的幻覺維持越久,對他們的政治本錢就有利,天天上電視幾十次,報紙天天出名,這份免費廣告價值甚高。知名度就是號召力,號召力就是資產,對日後參選議會或當某些大組織的顧問,都是長遠利益。

2014/10/22 18:29:30 回覆

同香港關係唔大，但當年比尼克遜更早訪華 (當其時為反對黨領袖身份)，之後和中國建交的前袋鼠國首相Gough Whitlam，昨日逝世。

雖然身處滯脹年代，經濟一塌糊塗，但有其他不少經濟及民生改革，例如大幅削減關稅、全民醫療保險、免費大學課程、女性同工同酬、各種反歧視(包括癈除白澳政策)，等等，都是在一個不足三年嘅短命政府，立下基礎。

也許只要政客有抱負去實踐，短期也許全民受苦 (估計減關稅令全國損失十三萬個製造業職位)，被選下台後卻為長期打好基礎。

子龍 (kaka就是大叔的契哥) 2014/10/22 18:11:40 回覆

其實只要學生哥有愛心, 子龍都支持, 但佔中三子又話要市民集體自首, 愈來愈過份, 學生哥表現好, 都要插>>>> ${#iconb_627}$

2014/10/22 18:02:09 回覆

林鄭副眼鏡，越睇越似禮服幪面俠個眼罩！ ${#icons_cat2}$

2014/10/22 17:54:06 回覆

大師，唔係有乜咁大鑊整蠱，錫安教又關袋鼠乜事嘅？ ${#icons_boy10}$

獸人，知道咁多P，莫非你入咗教參與？！ ${#icons_dog10}$

奇哥，政府機構機制，例如憲法權利、平機會之類，資訊普及，人文質素，普及教育，都係將真正民主落實，免於淪為大多數人向少數人施以暴政。而家講理論，實行時未必咁理想，現實無完美。

（袋鼠假設緊）唔好用這些理論評佔中的是與非，聽得入耳有相有量 (例如學生開會，對政府嘅態度，真係將啲議員比低咗；但剩係呢樣嘢，中堅藍帶為主嘅ＢＫ社群都要踏到一文不值；整個社會要贏到盡嘅人唔少)，一早無攪多事。

2014/10/22 17:35:02 回覆

袋鼠今日好攰，但就係撩起咗條笑根。唔好意思…

不論佔中旺角嘅前線金毛，定係反佔中嘅的士大佬，或者呢排多咗乘搭地鐵。而家流行潮語，正正就係…

高登仔支持佔中為主，應該無乜機會有高登仔於估中運動去將地鐵廣告改圖

2014/10/22 17:23:03 回覆

小貓兄，k-i兄，

香港水真係好深，最大鑊係北京本身都分裂，在下之前參與過一d遊行示威，見到港英旗既旗手無論點睇都同愛港力班人冇分別，仲有青關會，家教會，周蓉，私煙，靜心，一d表面佔中既中堅，雙黃一陳，點睇佢地都係想搞流血衝突，旺角13點突然有人妖搶鐵馬引警察出手，本來平靜對峙，又突然有人搵把遮隔住鐵馬篤警察一野，又有警察無故故增援并向安靜等待既示威者舉紅旗，周圍都係鬼，而且仲係唔同種類既鬼，真係好難捉摸，水很深啊

子龍 (kaka就是大叔的契哥) 2014/10/22 16:37:33 回覆

奇哥: 噢..子龍只是中學生, 唔明班大哥哥,大姐姐是否過份.....

問題是最慘那些小市民, 因為他們表現出色, 而信以為真, 這就是子龍擔心的地方呢. 市民的褔祉才是最重要的, 沒有了仁愛之心, 民主只是空想.

包 2014/10/22 16:21:11 回覆

子龍兄：提一樣既不符合國際標準，又不合符基本法，又要政府應承，唔應承就霸住馬路，係咪太過份了？

2014/10/22 16:19:19 回覆

TO:子龍

收期權金的都是外國勢力 ${#icons_dog10}$

而且...現在就是女工佔領左間廠的馬路...

TO:依家兄

其實...我覺得唔可以睇少中共的情報收集與特務能力,

很有可能泛民,佔領發起人當中都有您所說的"種",隨時越大聲,越出名的越有可能...隨時成個劇本一切盡在掌握都唔定。

在國家與政治層面的管理,其實好難做到人人都咁開心,美國英國都日日示威衝突架啦~統治者最優先考慮的,是如何平衡到各方利益,大家都捱到落去,唔出大亂。間中都要好似佔領咁樣發洩一下,洩洪放水,減下壓,咁樣國家先穩定。

子龍 (kaka就是大叔的契哥) 2014/10/22 16:15:05 回覆

奇哥: 但學生哥唔明, 成日講公民提名就是民主, 只是曲解了民主. 將公民提名當成是真理, 信仰. 問你怕未..... ${#icons_dog5}$

p.s. 子龍只是中學生, 而並不是大學生. 我很醜, 但我很溫柔.......

2014/10/22 16:13:56 回覆

香港最需要嘅係愛與和平嘅正義力量… ${#iconb_250}$

美少女戰士及禮服幪面俠幾時先至出場？ ${#iconb_222}$

包 2014/10/22 16:07:09 回覆

子龍兄：同意你所講。

這樣亦係避免多數人對少數人的暴政的對沖方法之一。

包 2014/10/22 16:05:09 回覆

動物兄、依家兄：香港的水很深的。

包 2014/10/22 16:04:21 回覆

只有八個是有「公民提名」的成分。這八個國家是：幾內亞比紹、馬裡、加納、贊比亞、安哥拉、塔吉克，及曾經經歷過軍權獨裁政府的南韓與智利。這些國家大都是一等一的窮國，政變頻繁、貪污嚴重、走私販毒聞名於世，港人大多連它們的地理位置也不知，真的要以它們為師，把「公民提名」視為義之所在嗎?

http://info.wenweipo.com/index.php?action-viewnews-itemid-70376

公民提名，符唔符合國際標準？

子龍 (kaka就是大叔的契哥) 2014/10/22 16:01:31 回覆

動物兄: 噢....意義一樣, 即是制度向某一單位傾斜, 而不是公平原則呢.

Handsome.....子龍一定無得做...... ${#icons_dog5}$

2014/10/22 16:00:53 回覆

k-i兄，

可以，在下琴日已經提左個方法，北京揀幾個比香港人睇，香港人可以揀其中一個或者話全部都唔惦，咁北京就再揀幾個比香港人睇，直到得為止

不過政治現實係，北京要睇長線，北京一早係香港部署好培養某人黎做特首，咁先可以最有效率咁執行北京比佢既任務，由於要確保呢個人必須當選，所以冇可能比香港有真普選

所以在下指出，北京重點栽培人材做特首(大陸叫“種官”)，其實係長遠策略，本身冇問題，問題係咁樣種法如果目標人物出左意外死左，或者天怒人怨得太勁連任唔到，豈不是打亂北京既精心部署？(貪憎上場就係最好例子，相信北京從來冇諗過比呢隻龜做特首)

北京應該種多幾個，令呢幾個人互相有d競爭，咁佢地就要做d好野掙取民意(當然都會做衰野打擊對方)，咁或者可以從民生方面回應下香港人卑微既訴求

animal666 2014/10/22 15:54:41 回覆

全廠最多就是女工, 如果任由一人一票, 一定是女工頭做廠長???

Really... i don't think so... maybe the handsome & young male...

SIGH...

子龍 (kaka就是大叔的契哥) 2014/10/22 15:50:37 回覆

fly兄: 呢樣我明, 情況就好像一間製衣廠選廠長. 全廠最多就是女工, 如果任由一人一票, 一定是女工頭做廠長. 但一間廠有宣傳部, 有採購部, 有銷售部, 有人事部, 有會計部, 有行政部, 有總務部, 公平原則要平衡各部份, 即是每部門都有機會做, 而並不是向某一部門傾斜呢.

animal666 2014/10/22 15:47:14 回覆

好的香港特首 should be a smart leader...

SingTao Boss is very smart...

SIGH...

包 2014/10/22 15:43:40 回覆

點樣先係好的香港特首?

就係阿爺信得過，又受香港市民歡迎。

呢一點，有無可能達到？

2014/10/22 15:33:50 回覆

${#iconb_227}$

“You have to take care of all the sectors in Hong Kong as much as you can,” he said, “and if it’s entirely a numbers game and numeric representation, then obviously you would be talking to half of the people in Hong Kong who earn less than $1,800 a month.”

“Then you would end up with that kind of politics and policies,” he continued.

2014/10/22 15:27:32 回覆

${#iconb_268}$

bro animal: please put it your pocket first ${#iconb_271}$

香港人本性唔係想要咩民主, 以前跟本唔知咩係民主. 大部份上街既人都未必清楚咩係民主, 只係呢兩年見到689集團仆X得咁緊要, 想換左佢又換唔到, 想投訴又無人理, 仲要大支野面皮厚過鉆板, 吹佢唔漲底下, 唯有萌芽出一人一票選特首. 你共產黨派件好好睇睇既人落黎, 廢既唔緊要, 你唔好搞事, 當睇你唔到, 繼續炒樓炒股, 係全民就業情況下, 雖則樓價係高左少少, 但都未至於要訓街反你, 你強國又點, 管理個少少香港都管唔掂, 真係比英國佬笑Q死, 共產黨管治真係無乜人材.

將軍:

animal666 2014/10/22 15:25:01 回覆

I ultimately realise why the government recruitment of civil servants require basic law test...

There are so many guys not understand the basic law well...

SIGH...

子龍 (kaka就是大叔的契哥) 2014/10/22 15:22:14 回覆

依家兄: 睇唔明, 限定1200, 每名委員只可以提名1人, 但又要過半數才能成為候選人, 但又要2至3人. 呢條代數計唔掂... ${#iconb_24}$

小貓兄: 咁即係正苦做左short, 有期權金收??? 但點睇時間愈長, 有點累鬥累, 全港市民輸晒, 外國勢力嬴晒...... ${#iconb_67}$

瀏覽更多回應正在載入...

歐洲大彈

網誌分類

最新網誌

最新回應

月曆