加國槍擊
美股連彈四日之後,昨日朝早繼續向好,但加拿大國會大樓發生槍擊事件,嚇怕投資者,急急趁機沽貨食糊袋住先。加拿大股市跌1.6%,美股亦由升轉跌,杜指跌153點至16461點,跌幅0.9%;標普500指數挫14點,收報1927點,跌幅0.7%;納指跌37點或0.8%,收4383點。
加拿大首都渥太華包括國會山在內的三個地點昨日發生槍擊案,至少開咗30槍,一名站崗士兵被殺,兇徒亦遭擊斃。有傳事件可能同恐怖主義活動有關,事實上,加拿大上周已發生過類似嘅槍擊事件。人心惶惶,自然影響股市。不過,美股回軟,更關乎呢幾日大市升得咁多,有投資者趁機獲利回吐,另外油價不斷下滑,令市場擔心全球經濟增長放援。股市恐懼指標VIX指數跳升11%至17.87。
美國能源資訊署(EIA) 昨日發布的數據顯示,最近一周,美國原油庫存增加710萬桶,增幅遠遠高過市場預期的270萬桶。而且係庫存連續第二周增幅遠超預期。紐約原油昨日再挫2美元至每桶80.5美元,接近2009年6月初低位。
摩根大通研究美國多元化製造商的分析師Stephen Tusa日前在一份報告中表示,「油價已經成為多元化製造商行業的最大實際風險和局部短期風險。」總體而言,石油和天然氣代表著這些企業業務的約11%,而且對其中一些企業來說石油和天然氣是更加是主要產業,例如通用電氣的石油和天然氣部門營收,佔了工業業務營收比例約17%。當然,對於煉油廠等「下游」企業,油價下跌的影響,又會低過從事勘探嘅「上游」企業。另外,油價大跌,能源股更直接受壓。能源股和多元化製造股下插,就拖低美股。
過去一周。美股市場從恐慌中大幅反彈,從VIX指數由上周最高嘅超過30點,跌至昨日的16點,都可以睇到投資者情緒急劇轉變。標普500指數亦收復了關鍵嘅200天移動均線(1907點),而在3月及7月造出雙頂後拖累大市向下的羅素2000隻小型股指,在過去幾日由低位反彈6.4%。
有著名分析員指出,隨著美企公佈嘅業績應該唔錯,例如昨日派成績表嘅波音公司、陶氏化學、Yahoo、生物技術公司Biogen等,盈利及營收都好過市場預期。伊波拉病毒未有明顯阻礙大市反彈,以及歐洲央行今個星期開始泵水買債救市。再加上此前兩個星期因大市轉弱而中斷了併購交易計劃的企業,開始恢復購活動,例如據報導,BGC Partners宣有正計劃提用6.75億美元敵意收購GFI Group,戴姆勒公司(Dailmer)稱已經售出了電動汽車生産商特斯拉汽車公司(Tesla Motors)4%的股份等等,上述都係利好大市嘅因素。因此估計昨日的跌市,只係短暫回調,加拿大槍擊的心理影響好快退去,大市仍會反覆上彈。但又提醒大家又唔好期望短期向上仍會好大上升空間,因為大市整體估值已經唔平。
陸羽仁
陸羽仁覆網友
Bdroom:你問我點解未開名時少講政治,唔係開唔開名的問題,係陸羽仁寫的是財經專欄的問題,政治多爭拗,一人有一個意見,最好和而不同,若政治不影響財經時,在財經專欄最好唔講。相信你記得可能兩個月前有一個星期一,我在陸羽仁專欄特意寫了一篇講佔中,係話佔中有兩三成機會搞大(時間唔太記得清),可能變黑天鵝,叫大家小心這風險,那時股市應近25000點。這不是一個叫人佔唔佔中的政見,這只是一個政治影響股市的分析。
Tracy: 你問「現結婚租樓,陸sir之前認為置安心貴,請問怎看年底推出既居屋? 如自住又是否可以? 感覺樓市好像日日破頂迫人買樓咁,愈追愈遠,然後一大堆因素合理化左佢,價錢同年頭比細樓都有差500k,兩年前講緊1-2m,好像已錯失了很多。」
樓市升,租金又升,租樓的確難捱,我話樓貴叫人等吓,等住自住的確無乜耐性。買居屋好過買一般樓,因為有七折,你自住唔賣唔租俾人,唔使補地價,即係等如政府津貼咗你三成住屋租金。若然真係好想樓自住(仲係長住),居屋已經係最好。但乜事都要諗down side,唔買的 down side係捱貴租,買的down side是好可能買貴,自己抉擇啦。
MUsE:你問「手持4.8既碧桂園,下跌已深,應持有還是$14樓下換緊萬科比較好?」長跑萬科跑贏碧桂園,但佢下跌得深好多,彈的時候亦會彈得急啲,建議等幾個月等內房股反彈時,先等碧桂園彈高沽出,候萬科回落時才買,唔好而家換馬。
陸 sir,
我記得你以往未開名時會刻意話只講經濟財經、唔講政治,現在「巴士的點評」卻係專講政治,而且原來陸sir以前更係讀政治的政治記者添。既然係咁,點解以前要刻意避談呢? 係有苦衷?
謝
Bdroom
終結者,最少值得一個創意獎噢!
股仔有地雷
2014年10月24日
唔知係咪陰謀理論,呢排個市喺兩萬三千點徘徊,有人話個市一跌,就好似有力量維持秩序,將佢推番高啲,個市反彈,支持力量就消失。另一邊廂,又有人猛傳話外資累積淡倉,準備趁佔中有見血就食胡。喺傳聞滿天飛之下,投資者自然唔敢大力買貨,所以成交唔係咁多。往年暑假過後,成交通常會回升,今年仲有滬港通概念,無諗過交投仲靜成咁,真係人算不如天算。
悶局之中,最近匯豐中國公佈製造業PMI創三個月高位,本來呢個係好消息,但撞正上日美股連升多日後調整,內地股市回吐,港股又無運行,全日回吐70點,恒生指數收報23333點,國企指數收報10438點,升11點,成交僅多於五百億元。
大股乏善足陳,中移動(941) 早前宣佈最近一季純利繼續倒退,昨日公佈季度業績的聯通(762) ,放榜前沽壓重,全日收造10.92元,挫3.5%,收市後公佈首三季多賺26%;至於中移動沽壓持續,全日跌3.2%,報88.1元,聯通與中移動是藍籌首兩位表現最曳股份。
輪到炒鐵路股
發改委昨日批出8個新基建投資項目,總投資額達1500億元人民幣,受消息沖喜,基建股普遍向上。中鐵(390) 是升幅最大國指成份股,全日漲2.3%,造4.37元;中交建(1800) 、中鐵建(1186) 都逆市造好。除咗鐵路基建股,高鐵設備股南車(1766) 、北車(6199) 都飆高,不過,由於呢個板塊累積升幅有番咁上下,短期要留意可能有回吐。
近排市場興炒股仔,但高回報總係有高風險,尤其股仔行事未必按牌理出牌,好容易變成散戶陷阱。
中策集團(235) 失驚無神就公佈,擬按2供1基準供股,籌集約1.78億元,每股供股股份認購價為0.08元,較之前收市價0.199元,大幅折讓近60%。公司話,準備將所得款項中40%至50%用於發展放債業務,約30%至40%用於發展金屬及電子產品貿易,仲話正成立新部門專注個人貸款市場。
受供股消息打擊,股價一度急插兩成,收市好番啲,報0.175元,跌咗12%,呢啲就係炒股仔的風險。
睇番資料,中策呢兩年股價無乜點大波動,大多數時間喺0.1至0.2元間波動,雖然今年曾經試過急炒上0.3元,但為時相當短暫,喺咁嘅情況下宣佈供股,確係有啲出人意表。中策主席係前恒生銀行高層柯清輝,佢退休後不經不覺加入股壇已有多年,中策喺佢管理下,主要業務相當簡單,主要係做吓投資放債同電子產品業務。上半年公司宣佈轉虧為盈,但無派中期息,今次集資大部份資金係用來做放債業務。
中策股東要焗跟
本來,中策股價同淨值差唔多,若然公司賣盤,小股東就可以收到殼價,但𠵱家管理層決定供股,而且仲係大幅折讓,睇嚟小股東無癮之餘,有銀者唯有二仔底焗住繼續跟落去。
中策抽水搞大財務生意,同樣做放貸生意的靄華押業(1319) 中期純利按年升143.8%,主席兼行政總裁陳啟豪表示,中期整體淨息差由26.2%收窄至22.8%,主要因按揭業務比重日漸增加,按揭的淨息差較典當業務為低,期內兩者淨息差分別為16.1%及43.8%,預期情況會持續,未來淨息差會繼續收窄。雖然息差無咁好賺,但因為按揭市場大,陳啟豪表示未來繼續專注典當及按揭業務,有信心未來可以維持高增長,認為公司仍有很大發展空間。
陸羽仁
2014-10-23
Dow Jones Industrial Average (^DJI)
16,677.90 216.58(1.32%) 4:32PM EDT
也許用有本事、了解現實世界的哲學家來主導教育,會有幫助。
佔中有乜好處?
v
或者依家嚟講佔中既好處,係為時尚早。因為事件尚未充份開展,好處雖然多到講唔哂,好似一隻未成型既怪獸,如果佢半途夭咗,你就永遠唔會知道,隻怪獸怪成點樣,又怪在何處,或者來自何處。
我地呢代見過六四既人,本來係叫做和平仔,因為未見過两次大戰,見識好少。但想唔到,呢代人又會見過六四同佔中,見識大增。
如果想知佔中有乜好處,不如查吓,六四有乜好處。
六四既好處係,你會在幾年之後見到,六四班學生,所提出既民主之路,完全不通。
佢地流亡美國,軀體肥肥白白,思想同樣空白。佢地交哂白卷,淨識照抄美式民主,思想境界之低,使人完全失望。
唔通咁都算係好處?
如果當年六四有相反结果,俾班假民主上場,鄧小平失勢,中國可能慘過蘇聯分裂,窮過印度,衰過埃及或者利比利亞。
六四既好處係,提供左一個重新摸索既機會俾中國,帶來新既繁榮。雖然中國基礎仍然薄弱,但畢竟係一個可能起飛既平台。
佔中係咪想拆左個平台呢?
或者班學生仔冇咁想過,又或者冇咁卑鄙。但係佢地覺得民主神聖,神聖到有D傻仔寧願犧牲。
而佔中既好處係,你會肯定知道,先前既教育己經徹底失敗,否則吾會有今日班傻仔,亦冇咁既局面。
到底教育失敗在何處?真係要徹查。唔係走過場係咁意,要真心研究,到底中國人既崇洋思想,來自那裡。
自從美國人大捧胡適以來,崇洋思想未停過。胡適並無學術貢献,但佢提出全盤西化,全世界三十五間大學,包括香港大學,送左三十五個榮譽學位俾佢。你話呢D學位係唔係有人想推中國走美國之路呢?
但亦好難怪。因為中國人自己,仍在摸索。
中國人既路係好難行既。唔難就唔係路。
而中國人除左經濟建設之外,尚需要更艱苦既思想建設。
而思想建設唔能夠檢現成貪方便。抬個孔老二出來好容易,在全國大學擺放孔子像,只係舉手之勞。但要真心尋覓中國之路,使青年人有智慧愛心與誠實,是另一回事。
佔中有乜好處?
放長雙眼,呢一代人都會有幸睇到。
http://www.leechardasks.blogspot.hk/
真的不服不行.....
https://www.youtube.com/watch?v=iEQ2rj-7DDE#t=21
LUK SIR
現結婚租樓,陸sir之前認為置安心貴,請問怎看年底推出既居屋? 如自住又是否可以? 感覺樓市好像日日破頂迫人買樓咁,愈追愈遠,然後一大堆因素合理化左佢,價錢同年頭比細樓都有差500k,兩年前講緊1-2m,好像已錯失了很多。
孽天必勝法: (超過50字 )
「民主原意,乃讓人民生活有其地,社會向榮,人皆有賺,
惜政客貪婪,耗盡心思,巧取佔領,樂土成煉獄,血雨腥風,殺戳不息,
無數人荒廢學業輸前途,政客則喪良知人格,
余於鐘旺數十載,未嘗見一真正鸁者,
智者應知佔領乃一永無贏家之戰場,
取勝唯一法……「及早離去」四字而矣!」
陸sir
手持4.8既碧桂園,下跌已深,應持有還是$14樓下換緊萬科比較好?謝謝。
有報導話金鐘有呼吸區,免費提供香煙。小弟見到,守住障礙物的那些人(無賴,爛仔?),不停煲煙。
袋鼠兄,小弟係港島。基本上,部分銅,然後灣仔,金鐘,過了金鐘,都有影響。
“袋鼠老豆從來都頂唔順啲議會、街頭衝突派系“。小弟極之同意。
經過佔領區,小弟感受到的,看到的是,暴民的各種暴行,恕小弟直言。
咁又唔怪得你不滿。金鍾定旺角? 晚安。
袋鼠兄,失陪了。晚安。
袋鼠兄,多謝提醒。小弟多數坐國泰,同你一樣,支持番香港嘛。
袋鼠兄,你那麽有耐性,小弟佩服。
很多人,不同層面,一早已經勸他們,但他們不聼。再勸説,又有何用?目的達不到,是不會撤退的。不管大多數人的反對,他們仍堅持己見。
小弟日日都要經佔領區,慘不忍睹,也希望他們自動撤退。早日還我社會秩序。
見eagleeye提及旅行,醒起要幫朋友傳壞話 (壞話得嚟係事實)。
佢上網訂機票接錯,要改票,被jetstar屈水,雖然係朋友佢唔小心,但改票費貴得太離譜,要鬧。講緊係幾個月後嘅機位,唔影響航機安排,改位亦係即刻致電改,但一張單都要以人頭計改票錢,而唔係以一單計。此外以人頭價計改票,亦貴過國泰五成。母公司飛天袋鼠都已經經營不善好多年。朋友嘅十幾個內地朋友搭完架機,都會將全套事實傳番去,佢等執啦!
來澳搭國泰,支持番香港啦。內陸轉機有好有壞,但唔係只得jetstar,大把其他揀。
袋鼠兄,袋鼠國好好住,哈哈。得閑都想去行下。
袋鼠緊係住袋鼠國啦!
而家其實講民主好與壞,各持己見,無乜意思,只係繼續僵持 (尤其是各有論據),解決眼前危機為重,大家冷靜後,才是再辯的時侯。
eagleeye兄,謝謝包涵! 最緊要大家係真心想香港好。
基本上,袋鼠有袋,都係袋住先。唔同意學生做法,但既然已經發生咗,始終在精神上支持 (當係職業原因啦)。而家最重要係找到佢哋聽得入耳嘅勸籲 (唔係講啲訴求,政治現實無可能,而係可以打動佢哋改為理性爭取),希望佢哋存身而退。
早兩日刪咗留言,不過再寫番啦。
袋鼠老豆從來都頂唔順啲議會、街頭衝突派系,但學聯同政府會談那晚,都講一句,放過啲學生啦! 袋鼠補多句,搞不好,香港就會失去一個世代嘅人。
袋鼠兄,多謝你對傳媒意見的補充。少些害群之馬,社會會安寧些。
袋鼠兄,你應該也是住民主國?
袋鼠兄,你好,大家意見不同,看法不同,無問題。
利申:小弟也住過民主國,有投票權,一人一票選總統。但小弟選擇係香港,袋住先,或原地踏步,都無問題。
eagleeye,袋鼠國有一個每星期15分鍾時事節目,叫media watch,專門批評傳媒不專業行為 (有時包括佢自己個電視台),當中有不少係有關於網絡渠道取材嘅新聞,未經事實查証便進行報導,經常奶嘢。
你講嘅新聞﹐當然抵鬧,不過起碼有發表更正聲名。有時梅鐸系報紙係死不認錯。
再談,中位數收入萬四 (梁振英提供),平均數三萬八左右 (per capita GDP計),即係香港高收入人士,真係相對非常超高收入,才可以扯高個平均數咁多。
不如說689只是說出了一些佔中者嘅怨氣而已。
袋鼠兄,對,吸引眼球便成。
台《生果報》報道,題爲「沒公德心,101又見陸童桌邊尿尿」,並配圖。
圖中媽媽致電媒體,她是台灣人,並非内地客,男童也不是當眾尿尿,是因打翻玻璃杯的水弄濕男童的褲子,當時是幫小孩更換褲子。
大前研一說過,日本充斥著低俗傳媒。香港跟台灣,看來更上一層樓呢.
題目最緊要吸引眼球,是不是事實不重要。
PS 奇哥,689係接受訪問,一時三刻,鬼佬記者唔會即刻估到佢係講入息中位數 (雖然by definition,過半數,又真係定義上嘅中位數 - 袋鼠都係呢一刻想起),而且始終最後一句最殺食,講緊傾斜福利政策,即係貧窮收入係萬四蚊?
辦公室嘅車路士秘書,只係聽袋鼠在香港返嚟,兩句未夠已經豎起兩隻手指公。
(趕住開工,等下次約食晏先至講詳情,及有保留地方啦…)
打大學工嘅人,生活上就算可以好多唔同 (經驗、年齡、收入),或多或少,點都係同啲學生嘅理念相近。
要勸學生撤退,最好50字以內,純香港方言,才有機會被轉傳?
奇哥,而且袋鼠講咗,無謂長篇大論,要字頭吸引眼球。
可能由於整個運動,與及相隨嘅反運動,都是以社交網絡推行。
字要精、要簡、要快,理由就讓讀者腦內補完。因此而演變為口號當真理。
袋鼠都開始cut字數。
奇哥,粱振英形象極差,佢而家任何一句說話,都會完全被負面解讀。
那些英文報紙,首段引言略為負面,有點誘導讀者,但起碼內文如實引述原始講話,點都係權威大報嘛。
草哥、eagle、sun,雖然意見不同 (但又唔可以話完全唔同意),都醒你地一個形容詞,索性叫『黃禍』,更加煽情…
出街只聽不說,唔好著剩色衫,唔去高危區域,就自然出入平安。
非常同意Sun兄。
Brother Animal, Brother Sun has answered your question about which stock to pick. "先沽為敬"
好同意牆頭草所講,恐黃(絲帶)!
呢班侵佔路面大軍面對反對聲音, 輕則話你自私/只顧揾錢/唔覺醒/水平低, 重則粗口謾罵語言暴力網絡暴力, 我好少聽到藍軍要unfriend黃軍, 但黃軍unfriend藍軍就時有所聞
我真係好同意Eagleye及小貓等嘅講法!
所謂嘅"真"普選啱唔啱, 我唔討論, 因為呢個係立場問題, 任由大家講足一世都係各自立場照舊。而佔中係方法問題, 我只想講方法唔可行。而家好多人只諗自己(兩制)唔諗大陸(一國)係一定要喺制度上封死選出一個唔受控特首嘅可能,大家無論幾咁唔接受特首要聽話, 但現實係冇計。"佔中"等於攬住唔想自殺嘅6成幾嘅香港人一齊殺死(癱瘓)香港嚟迫中央,中央做事方式已有歷史為證, 咁樣係迫佢唔到嘅。大家可能認為越多人支持越就越有機,呢個思維又係錯晒!因為咁樣即係鼓勵
以後只要有部份人唔鐘意就可再出呢招, 最大鑊係向全國十幾億人示範咗"激烈對抗就掂", 所以越激就越唔退讓得!
有人堅持話要"明知不可為而為之", 但咁樣點解會成功?
1) "中央戲劇性讓步"?基於以上原因,唔可能讓!
2) "中央被推番,另一班人上台,政策大變"?如果係咁,就係革命啦,但就憑香港大亂就得?又係唔可能!
3) "香港人令中央好放心,畀你任選都係選到中央接受嘅人,所以唔怕任你選"? 咁除非香港睇文匯嘅人仲多過睇生果啦,咁即係又唔可能
咁點至可能得?我相信中央政治唔改革就冇可能囉,咁做乜要用破壞法治嘅"方法"嚟搞?做乜要以侵害其他人嘅人權嚟搞?以破壞核心價值嚟爭取另一啲嘢, 好荒謬!立場唔同各自表述冇問題, 但我表達我立場(真普選)時要犧牲其他冇話肯認同我嘅人嘅人權(塞路), 就已經冇資格企喺道德高地啦。
又如果以為好多人塞路政府就冇乎,呢個諗法又係錯。因為可以強力鎮壓,即係前所未有,勁流血果隻,如果咁樣激發更多人出嚟?戒嚴,宵禁,橡膠子彈,全球都係咁做,美國都係咁。唔使出軍隊㗎,警察做就得。如果一開波就咁做,警察都唔肯啦,但當越來越多人辱警,越來越多人為所欲為,以致越來越多被
強迫犧牲嘅人憤怒,就唔同咁講。我估而家政府就係等緊雙方都好憤怒嘅時刻。
講咁多,其實我唔係想講政治,而係想話由於我信咁樣走落去,一定去到要強力鎮壓呢一步,股市一定要跌,我先沽為敬。
要撤走前,記得清走地上垃圾及“藝術品”,清走貼係路牌紅綠燈商場天橋及所有地方的字條標語。洗清地上的塗鴉。
男子漢大丈夫,講過會自首的那些人,要履行,自動投案,呢D係做人最基本的態度。(雖然講過運動失控會撤,但而家反口,仍相信你們講得出做得到。)
"恐黃"
講得好。
大家真係小句.
黃絲帶佔領軍可以起到你底架.
警隊都幫你唔到. 我出街都袋住條黃帶傍身.
由恐共變成恐黃, 真係估唔到 !
鼠:你覺唔覺得傳媒的報導有意地為增加銷量,而有意誤導?
而家好多港人自講,就算唔係反智講話,但係資訊太多,理論太長更難搵人聽。
學聯唔接受下台階,唔知有無其他circuit breaker. 想打場風又無。出面仲慶恰恰,又有各種暴力危機陰影,包括解放軍出動,社會好難有進步既對話、討論。
Brother Animal,
No idea which stock to pick.
As Little Cat says, HK people will lose no matter what.
"事情的終局強如事情的起頭"
若最終能爭取到"公民提名""真普選",佔領者就是正確。
若最終無法取得承諾的回報,這就是佔領者欺騙與强逼市民陪賭的劣行了。
而且還要强逼不支持的市民共同分擔佔領不斷升級的代價,流血收場的風險。
這流無辜者血汗的心態本身,很難說上是道德或公義的。
其實我覺得大家沒必要在原則上再爭辯了。
民主再大,沒有法律和建制支持,也是空談。
(現在佔領運動就是要推翻法律和建制)
論法治,把數十萬人全抓了也合法,但這樣香港就亂了,
論情理,讓香港真普選就可以了,但這樣中國就亂了,
中國亂了,威脅就小了,所以外國介入是很合理的。
現在明顯就是以亂搏亂,
中央在大亂與小亂的取捨下,只能選擇為害較小一方,
別說38%的民意支持佔領了,
相較國土的完整,犧牲700萬人的利益,甚至性命,
以整體的角度看,這都是必需的。
但現在不是對錯的問題,是利害問題。
要中央遷就香港人利益,而冒國家分裂風險,
這場佔領運動成功值搏率之低可想而知。
無論結果如何,是誰幕後操盤,是誰能得益,這次民運受損的一定是香港人。
網上有人談港奸,内容如下 (出處,明報網上留言)
香港人應該學聰明點,每樣事物都要從不同角度看,從他人的位置來衡量,才不會被奸人誤導。就最近的熱門話題來說,明理者應該體會到(甲)香港不是,亦沒有條件是獨立國,主權在中央,所以特首是它任命的(乙)因此如果容許公民提名,除了可能選出只懂嘩眾取寵但不才的人外,尚可能是叛國者(丙)假如選出此類人後,北京不肯任命,再選便會費時失事(丁)因此先由提名委員會建議有才能而北京不會反對者給港人一人一票選舉,才是香港之福。
日治時代,我們稱那些幫日寇欺壓中國百姓的華人為漢奸,現在香港有數批人破壞香港,危害及欺騙港人。他們之中,有些是爭取政治本錢,嘩眾取竉以便被選,有些被人收買,有些盲從附和,無以名之,暫時通稱他們為”港奸”吧。以下是他們的十大錯誤:
(1) 不理後果──有些身為高級知識份子的港奸,連最基本的道理也不懂。中央政府是從來未有向群眾屈服的紀錄,無論那班港奸弄到香港如何亂,連政府也無奈,也不會直接禍害到中央政府,所以它不會被嚇倒。但香港就慘了,經濟及聲譽俱傷,後果自負的那些滋事者也將被控兼職位不保。
(2) 灌輸錯誤思想──(甲)有一批港奸打著”公民抗命”旗號,以反對中央政府的管治。年青人如果思想單純,便誤以為不滿的時候,可以抗父母的命,校長老師的命,警察的命;監犯可以抗懲教員的命,僱員可不聽上級指示。這種誤導,較當年紅衛兵的損害更深遠(乙)人大所定的政改框架根本與大陸的選舉制度不同,但硬說是違反一國兩制(丙)提名委員會是由大陸人組成,但實際上是由香港不同的功能組別裡物色出來的,保證是港人。
(3) 普選謊言──第十章已介紹過,世界上并無普選的國際標準。可見得有港奸是存心欺騙港人, 旨在製造反對中央政府說明的普選框架,并製造一個錯名詞”假普選”。最容易受騙的是滿腔熱血的年青人, 使他們替這班騙子出頭搗亂香港。
(4) 不顧他人──政府是為我們服務的,但一批港奸一直不與政府合作,新政策固然難以推行,連累到原來的服務也受到阻滯,受害者當然是廣大市民。
(5) 對人不對事──梁振英是經過當年既定的辦法選出來的,除了領導香港政府運作外,亦是中央政府與香港之間橋樑。如果他有做錯,便提出來讓他研究,而非像那些港奸,沒有理由地叫他下台,或唱衰他是大話精。(註:一切政治家在必須時要說不同的話,美國總統是很顯著的例子)連林鄭月娥及曾俊華這些好官也人身攻擊,影響到年青人對長官也不敬。
(6) 不顧香港死活──港奸為了私人利益,不惜搗亂香港,令投資者及旅客卻步,影響香港經濟,最終是市民的生計出問題。罪魁禍首之中,有些是直接或間接受外國資助者,有些是月薪八萬以上的議員,他們當然不愁生計啦!
(7) 寃枉警方──香港警察是全世界數一數二最克制的了,但要維持秩序時,有時需要以寡敵眾,滋事者又不聽勸告,就不能不出手執法。可是,有些人未見過台灣及美國警察的手法,便聽那些港奸胡說,寃枉警方使用暴力鎮壓。
(8) 訛稱沒自由──香港已是非常自由了,大部份為表達意見而守法的遊行都可以進行,報紙亂寫也沒有被禁制。可惜有些人濫用或誤解自由,明知是執法者列明是禁區也硬闖,甚至進行刑事毀壞,這些人或是被港奸利用或慫恿,但也應該替別人著想一下。
(9) 屈特首──香港政府幾乎是事事都咨詢有關市民,然後研究怎樣調整計劃。奈何它要顧及全港利益,或無其他方法可行,所以肯定有些人的要求不能滿足。可是,那些港奸斷章取義,硬說特首不聽從民意。
(10) 抺黑共產黨──為了與中央政府劃清界線,港奸完全不提目前中國絕大部份人有溫飽,很多人富起來,都市昇平,救災效率高,國勢日強等,而盡力抺黑共產黨,要點如下:
(甲) 舊事重提──九0年之前,共產黨在管治大國初期,摸索不同政策,加上一人專政,欽點繼任人,所以犯了不少錯誤。不過,現在的管治班底已脫胎換骨,十年一 任,國人可以看到,中國是在不停改善中。可是那些港奸,仍死口咬著國家以往的過錯,不能與時并進,企圖分化大陸與香港。
(乙)以偏概全──香港地細人不多,且有ICAC,也有前政務司涉嫌貪污,村長賄選等罪行。中國有多少官員?有一部份貪污難道當作所有做官的都貪污或欺壓百姓?全世界都有奸商,台灣這樣細的地方也有,中國有超過十三億人,誰人能擔保沒有黑心的商人?
(丙)斷章取義──對於中央政府的發佈,港奸們誇大其中某部份以誤導港人,例如白皮書,法官們明明是法治之一主角,竟否認為香港管治者;”愛國愛港”是所有中國人都應有的態度,但又說被說是影響司法獨立;頒布普選的規則,明明是一人一票從多個功能團體推舉出來的選舉,又說不是真普選。總之,中央政府宣佈什麼,港奸們都拿部份出來批評,掀起風浪,唯恐香港不亂。
(丁)打壓異己──星星之火,可以燎原。中國人多,如果有人動搖政府的管治,很容易引起動盪,甚至內戰,可能傷亡慘重,所以政府要打壓。本人也覺得現時的手法有些太過份,不過習近平已積極改善中,當然,陋習積存已多年,希望未來數年有可見成效。
======================================
聲明
本人身居海外,原來不應多事,但眼見香港人爭執繁多,是因部份人有誤解,希望你們讀後,細心思考,能減低香港的戾氣
"公民提名是理想的民主??? 真是唔識就被你嚇死, 識就被你笑死...."
講得實在太好!!!
草大哥: 廢柴都要拉, 重要出動黃絲帶佔領員, 咁絕........
將軍切勿多言.
此地己是三不管地方.
除了會俾人話你係只懂搵食,吃喝玩樂的癈柴之外.
遲下上門拉你的可能係帶'黃絲帶'的佔領員.
警隊己放棄, 報案去金鍾搵 .... ??
董系此刻發功的玄機
【明報專訊】財經界有財演,政界也有大量政演;近期表現最令人「O嘴」的,應該係英明神武嘅梁特,同埋懂得隱身術嘅劉華。
上回講到,香港突然變成唔用腦,中環一帶即有人問小弟,「係咪睇咗大前研一嘅《低智商社會》呀?」哦,2013年大師級作品,未睇晒,不過佢主要係痛斥日本社會「不思考」、「不負責任」,陷入人云亦云嘅年代。
對話後臉書一面倒讚學生
咁啱撞着最近香港個局面,好容易可以用「唔用腦」、「低智商」去詮釋,而表表者就係政府,筆者唔想用「高官低能」去形容,但奈何詞窮,唯有「用住先」,事關經過一場學聯五子與政府五官對話後,臉書遭洗版,一面倒讚揚學生,佢哋理直氣壯,有節有理,贏晒﹗
齋坐有相影 將來可論功行賞
事實上,大家預咗班官只能打官腔,但最令人費解的是,為何政界劉華可以全場齋坐,不發一言?
作為政制發展局副局長,月薪廿萬的劉江華,從前在立法會能言善辯,是保皇黨大炮手,入到政府後變鵪鶉,既然唔準備發言,點解要坐喺度?筆者有個大膽假設,全因這是領功嘅重要證據;君不見當年打大鱷,曾蔭權、許仕仁同任志剛「三劍俠」的合照深入民心,呢張相仲成為他們其後被中央器重、步步高陞的憑證,雖然部分人士最終下場慘不忍睹,此乃後話,重點係影相嗰刻的光榮。
說回今次政府與學聯的世紀對話,中央是知道林鄭等人難處的,雖然未必可以一蹴而就,但至少已釋出善意,進行破冰,五個參與的官員,日後政改有乜轉機,都叫做有份參與,好過被抽走戲分的梁特。劉華其實係超級醒目,不發一言,不會犯錯,有乜冬瓜豆腐都可以淡化自己角色,但一有功領,又可以話自己有份參與,這是打工仔的最高境界,服﹗
話說指揮中心已非姓張大佬
醒目華甘於做一個無對白的政演,相反,梁特就似乎失控了,連阿爺個劇本都唔跟,仲處處為難上位中的女主角林鄭月娥,今次呢套戲,其實好多撻Q位,𠵱家中環至西環一帶,都傳緊點去處理呢位男主角。話說深圳的指揮中心,導演已非姓張的鷹派大佬,而是一名路過澳門再折返深圳的務實大臣。
梁錦松轉投南豐 部署入閘
路邊消息話,老董撐梁是真的,但此梁不同彼梁,真命天子是梁錦松,而他本人最近亦有所動作,做好打仗的準備,私下約見老朋友請教。另有商界口痕友話,阿松由美資的黑石,轉投本地華資的南豐,完全係為了洗底,部署入閘。
南豐呢類家族式管理,外人點可以插入去大展拳腳?阿松純為泊岸,南豐亦有着數,以低成本參與造王,何樂而不為?
阿松敢於披甲上陣,皆因阿爺已看到梁特不諳金融的禍害,故下屆特首候選人,很大機會也來自財金系。有朋友亦同筆者講,雨傘運動遍地開花之後,董系派出人馬四處搵人擔當中間人斡旋,睇嚟老董都開始同佢兩年幾前出盡奶力力捧的梁特劃清界線。
董系人馬搵人當中間人
另一轉折點是不少前唐營人士加入老董智庫,包括唐英年,而以往支持梁振英的新世界系幕後軍師紀文鳳,以至一位恒隆系公關要員,也加入了董陣助松。
再加上梁特近期異常的表現,包括接受紐約時報訪問指月薪萬四蚊以下的人,不可享平等的選舉權,此等有違他上位之道的說話,除了在各方致力和平解決問題前挑動社會矛盾外,實在看不到有任何有利社會的作用。何鴻燊曾經說過,梁特仇富,如果當選特首,佢會返番澳門;如今梁振英連支持他的基層也得罪埋,寧可自我毀滅,也不成全任何人,如此瘋狂的政演路線,已經相當失控。
[應正亮 廿四味]
港人自大了.....700萬 & 13億.....
公民提名是理想的民主??? 真是唔識就被你嚇死, 識就被你笑死....
攪到民怨四起, 仍不知悔改, 還想要見阿爺??? 表現出色就以為大地在我腳下, 國界掌於手中, 那個再敢多說話???
佔中三子與學聯原來不外如是, 只是利用學生哥的激情, 小市民的同情, 有勇無謀. 子龍太失望了.
http://news.wenweipo.com/2014/10/23/IN1410230020.htm
你想大於一切....