潔癖媽媽
我都算係怪獸家長 項目係嚴重潔癖
掂仔仔前要梘液洗手 tempo抹手
仔仔擺嚮梳化時要加隔尿墊當床單 佢去街後換走 沖涼後用新墊
仔仔嚮大床墊上玩 坐嚮度陪佢既大人既褲要乾淨 如果曾坐梳化或椅子要換褲
晾仔仔衫前用梘液洗手
仔仔飲奶粉或食糊後飲水抹口 用熟水抹手 先俾佢食手
只可在乾淨既墊或床上食手
玩具用熟水加乾淨毛巾抹先玩
揹帶出街後要洗
食糊仔要加兩條口水肩同一件防水衫 安全帶加防咬墊 每次清洗所有野。。。而只有
結果好多野洗好多野晾 做唔切
當然係用洗衣機同乾埋衣先既
不過近日大廈維修, 好嘈, 好似塌樓咁
日日九點開始就係咁, 嘈到五點
我蓋住仔仔對耳仔, 佢又唔肯, 佢又哭
唯有返外家住一個星期...
住左五日啦, 有好多突如其來既情況, 但你地睇落去可能覺得我太過保護個仔:
(1) 出完去直接放梳化, 仔仔沖完涼都係會放梳化會放牀; 仔仔坐完車仔都放牀; 而由於物資短缺而且大家叫我唔使咁潔癖, 否則怕第日仔仔冇抗菌能力, 我著既褲出完去又坐梳化, 之後雖然會換左先坐牀, 但又會坐返梳化...我覺得有問題係梳化已有細菌, 但呢幾日仔仔都冇事, 所以我接受左
(2) 爸爸俾仔仔玩雜誌紙, 而雜誌係報販唔知有冇放落地, 所以我成日覺得報紙雜誌污糟, 而之後佢爭d掂到張報紙, 報紙既油墨太易走落隻手度, 而且難洗, bb又唔可以用洗手液, 只可抹手, 總之有時仔仔又掂到d其他野, 屋企人話唔使再抹, 我有時接受, 有時都堅持要抹, 毛巾成日用晒又要成日洗晾, 而呢間屋唔用洗衣機洗b衫, 我對手又鞋左...而上次呀媽帶仔仔接我姪女放學, 嚮公園試過亦腳嚮長凳上面, 我覺得好難洗佢腳同腳趾, 於是又緊張起來, 因為仔仔食腳趾了
(3) 玩具就帶左布書仔同牙膠, 不過布書仔玩完每次要洗, 牙膠就未拎過出黎因為都要熱水洗, 依家成日洗個學習杯俾佢, 但只識玩, 未識飲, 玩左兩日佢有少少厭
睡覺方面, 佢由嚮旺角12點先睡, 終於變到10點睡覺, 但中途醒幾次飲夜奶, 因為慣左12點幾1點先飲好多, 只要飲少左, 昨晚就醒幾次補返, 今朝又係, 依家又睡
咁我同燒餅講完電話, 我都去睡了... 星期二先可以見燒餅...