邊個有權犧牲別人?

太極真理在於平衡為最終目的! 而太極圖中嘅黑白只佔圈線嘅一半, 即喺180度, 冇多冇少. 白嘅一面有一半即喺90度代表春天,  另一半90度代表夏天! 黑嗰一面有一半即喺90度代表秋天, 剩低嘅90度代表冬天! 冬天之後, 重回春天, 咁樣生生不息, 先至可以比山河萬物生存嘅共融環境! 假使呢個真理

失衡, 成年春天, 萬物就冇糧食收成以至到齊齊餓死! 同樣地成年秋天, 人人忙於收割以免浪費, 即喺冇得休養生息咁做死! 所以話, 宇宙都講究和諧平衡同妥協! 點解人類自稱喺萬物之靈, 卻做出愚蠢不堪自掘墳墓嘅事? 人人都識得要求, 但喺唔想付出; 人人都講平等, 但喺下下都炮轟; 人人都做伸手牌,

但喺永冇做支援; 人人都捍衛自身利益, 但喺剝削其他人! 呢啲叫失衡; 呢啲叫霸道; 呢啲叫殺其他人比自己生存! 最滑稽嘅有父母大大聲聲講簽紙比仔女佔中係好應份, 但未有稔到一班簽咗紙嘅父母同意埋犧牲人哋一家幸福, 嚟造就自己仔女成為佔中英雄! 筆者想問呢班懵到上心口嘅父母憑咩嘢可以有權

去犧牲無辜者一家人嚟支持佔中. 呢班簽咗名嘅父母可以犧牲自己一切, 犧牲仔女一生嚟參加佔中, 絕對冇問題. 但喺, 未得其他無辜者同意之下犧牲佢哋嘅一切, 你哋算喺老幾? 你哋邊有資格? 咁嘅霸道行為, 仲好意思瘋狂叫囂. 調留轉頭, 有人未得你哋同意下犧牲你哋一切得唔得先? 唔得嘅, 就好反省啦!