佔中陰謀論2

中國五千年以嚟, 經歷過幾多次風風雨雨同鎗林彈雨, 到今時今日仲喺存在於地球之上, 喺多得中國傳統文化倫常之道嘅維繫. 外國冇一個國家可以比得上中國, 因為外國奉行嘅喺即時打針止痛嘅方法, 有咩嘢唔合當權人心意嘅就一刀切咗殺之而後快! 大家有眼睇嘅喺美國包裝得好靚嘅民主國家, 人人都信以為真.

事實上, 國際有任何其他國家有事, 美國就派兵鎮壓! 好聽嘅喺主持公道; 唔好聽嘅喺成個過程中上下其手謀取最大利益! 項莊武劍, 志在沛公! 外國勢力暗中支持佔中, 暗中撥款撥人; 暗中獻謀獻策; 並唔喺香港有乜嘢利益, 而喺香港背後嘅中國市場同埋咁多年未開發嘅天然資源, 呢啲先至喺價值連城商機無限.

用小小錢, 可以得到未來極大好處! 用小小時間, 可以部署新一輪聯軍侵略中國嘅準備, 最難得中國嘅前門 – 香港, 有一批甘心被利用咗都唔知又唔識死字點寫嘅讀書人. 必要時, 透過呢班佔中份子做埋漢奸, 打開中門, 自然可以令到軍備長驅直入. 至於事後留唔留呢班人, 要留幾多先啱? 抑或使唔使殺之滅口?

鑑古知今, 美國呢隻披住人皮嘅豺狼, 對中國虎視耽耽咗好耐. 最可憐美國欠中國唔知幾多億外債, 又搵唔到藉口唔還, 點都要顧住國際一哥形象. 縱然個心想賴賬唔還, 把口始終冇合理理由講唔還. 除非有機會令中國發生內亂, 先至可以混水摸魚. 佔中, 會唔會成為另一個契機? 相信美國點都要冒險試下!