佔中_正邪辨1

發起人有大學教授資格, 唔通唔知自古至今, 自中至外呢一切乜乜活動物物遊行等示威都永冇和平過? 發起人擺明車馬比參加者踩陷阱; 發起人仲事先聲明佔中喺觸犯刑事案例, 一旦入罪, 將會留有終身案底! 佢都幾十歲啦, 留唔留案底幾咁閒? 可憐一班大學生冒住留終身案底去支持佔中, 而佔中本身充滿咗罪惡感.

之不過, 發起人願意自己身陷法網, 又願意將未來接班人扼殺到渣都冇得剩; 一批大中小學生同頭腦唔得冷靜嘅家長願意趕住犯罪, 發起人自然正中下懷啦, 死十個就當五雙. 何況自己一早作出聲明喺犯法行為, 又會有人蠢得咁交關聽自己支笛受自己擺佈! 香港未來百年史入面, 縱然唔算流芳百世, 可以遺臭萬年都好.

講番轉頭, 凡喺擾民害民嘅事, 無論官民邊一方面, 所持嘅理由有幾咁充份同冠冕堂皇, 只要未見其利, 先見其害嘅都唔值得支持. 佔中之所以發起, 舉辦方指責因為港府點點點點; 當佔中進行所引嚟嘅擾民害民, 卻冇一個合理交待之餘, 仲要堅持活動嚟逼港府就範. 呢種虐民手法跟暴政有咩嘢分別? 跟暴君有咩嘢唔同?

筆者認為官方不必再勸佔中見好就收, 因為對方絕唔會就範妥協. 筆者更認為佔中唔好強加罪名比港府, 因為港府受命於中央喺天公地道. 至於官民對政策所持嘅睇法喺唔喺一致, 呢個喺擾民害民嘅題外話. 而家佔中恃住死豬唔怕滾水淥, 所以打正牌頭虐待一班無辜者, 將呢班無辜人仕作為同港府攤牌時擺上枱嘅籌碼.