佔中_正邪辨3

如果, 上述喺佔中發起人嘅初衷本意, 筆者不得不承認的確達到咗目的. 最可憐嘅喺未來一班主人翁, 身心靈受到呢種恐怖同暴力嘅思想洗腦. 仲可以美其名點樣高尚, 到最後用民脂民膏民血嚟包裝自己包藏禍心嘅原始獸性. 筆者向來討厭政治, 更加討厭佔中發起人呢類偽君子, 自己死就好啦, 仲要拉埋咁多人墊你屍底?

文天祥大人講過: 讀聖賢書, 所學何事? 不外仁義呢兩個字! 佔中出發點佔咗一個仁字, 但喺成個過程又佔咗不義呢兩個字! 以為民請命, 嘉許一個仁字亦不為過; 但喺草菅人命, 評以不義亦十分適合. 姑勿論佔中所持嘅喺咩嘢天大理由, 攪到民不聊生, 擾亂原有節奏, 不理無辜死活, 仍然一意孤行, 難為佢哋成日自吹自擂.

想當日八九民運, 使要呼籲上街咩? 點解當年可以幾百萬人自發性上街? 而今時今日佔中得唔到當年嘅效果同支持? 原因好簡單! 開明頭腦嘅人會冷靜分析, 睇清楚佔中到底葫蘆賣邊啲藥! 大部份人有家有室, 維持一家人溫飽勝過政治活動攪對抗嚟得重要! 佔中發起人所持理據未必全面, 甚至可以話喺私心活動利用群眾!

成日都講觀眾眼中喺雪亮嘅, 只要有冷靜時刻, 就會留意到發起人本身有問題! 至於當局者迷, 自然將發起人所講嘅當成天籟之音, 而聽唔出無賴之音啦. 因為發起人明知羊群心理效應, 一定得到某程度上支持, 所以先至將所讀過嘅幾本政治書入面嘅條文例子賣弄, 聽到個個都覺得似層層, 未有深入理解研究就支持佔中.