joboche1
joboche1
joboche1

佔中_正邪辨4

2014/10/26 10:02:17 網誌分類: 齋_TALK_廣東話
26 Oct

過去歷史教訓, 不論喺咩嘢皇朝興起, 或者喺咩嘢黨派執政, 一開始頭威頭勢咁銳意革除前弊, 開創新嘅一頁以孚民望以應民心! 去到最後又點? 又唔喺日漸腐敗, 又唔喺貪風四起, 又唔喺怨聲載道! 一幕幕歷史重演, 都喺彰顯一個千古不變嘅真理, 就喺用得其人! 處於高位, 不以民生為念, 自然掛住自己吃喝玩樂啦.

 

理得民間有冇工做; 有冇收入; 有冇屋住; 有冇書讀等等一連串問題! 對於一時嘅政見不合, 在位者互相暗算對方, 官民者不斷互相傾軋! 雙方面離心離德, 又彼此責難, 遇事未能冷靜拋開成見, 只知為咗目前而堅持立場, 眼光從未放在未來一百年二百年之上. 咁樣攪法, 自然大纜都扯唔埋, 就算有幾好合作機遇都喺假.

 

筆者一向強調政治喺一場妥協遊戲, 絕對唔可以有任何個人私利存在. 否則, 雙方為咗自己利益著眼同盤算, 即喺將民眾所望拋諸腦後永沉大海. 時間一耐, 所有負面嘅後遺症自然表露晒出嚟, 到時官方想民間共渡時艱, 不外喺妄想. 民間想官方比個合理交待, 不外痴人說夢. 講一句難聽嘅話, 官民推卸責任, 齊齊等死.

 

真正做到為民請命嘅第一個條件就喺先要拋開成見! 從冇可能嘅談判當中搵出可行門路同方法, 斷唔會因為冇可能呢三個字就扼殺繼續談判磋商呢個模式. 更加唔會用高壓政策逼使任何一方面低頭妥協. 當然, 彼此能夠以民生為大前提而又能解決問題, 邊個低頭又有乜所謂? 最重要嘅喺達到利民, 其他都可以商量.

回應 (0)
我要發表
user