佔中_正邪辨6

佔中嘅出發點本嚟喺最得部份民心, 點解事隔一個月情形就會急轉直下呢? 無他嘅, 佔中人仕入面有壞份子, 以激情激動作出種種不理無辜者受害嘅行為, 令到本嚟同情嘅變成唔同情; 本嚟支持嘅變成唔支持, 本嚟深信佔中合法嘅質疑違法! 凡此種種, 就喺呢班壞份子擔心佔中人仕經過時間沉澱冷靜之下, 就會發覺

佔中行動有值得商榷地方, 到時可能引起好多人退出佔中, 從而削弱活動嘅號召力. 因此, 想盡種種方法去留住呢班人, 想盡方法唔比佔中人仕有冷靜時間, 所以一味帶頭衝激官方預設示威範圍同所有維持秩序嘅鐵馬. 面對受命而嚟嘅前線警務人員展開咗口同鼻拋式羅生門事件, 從而歪曲事實, 扣住佔中人仕對官方

存在心靈深處嘅不信任態度! 至於佔中範圍從一開始部署佔領多個繁忙地區, 誓要同港府一決高下, 令執法人員疲於奔命; 令救傷人員被阻而延誤救人; 令營商環境蕩然無存; 令來往交通陷於癱瘓; 令民生生活受到踐踏; 令上班一族脫班缺席; 所有情形早在發起人籌劃當中. 以無辜市民福祉; 以無辜受害嘅上班一族工序;

以社會安寧嘅失控失衡嚟制造地方混亂, 比存心攪亂香港嘅狂徒更加猖狂. 茅頭永遠指向港府, 卻冇一個佔中人仕可以稍為冷靜去從頭到尾睇一睇成件事嘅背後政治目的究竟喺點? 喺唔喺淨喺為咗爭取某啲嘢就會有咁嘅局面? 亦因為當局者迷, 佔中人仕對於身邊一切違犯日常常規嘅行為都當作正常, 睇唔到事實真相喺點!