輕鬆一吓!

2014/10/28 17:49:36 網誌分類: 笑話
28 Oct

近排港人俾果班嘢攪到情緒低落----「哎呀大仔」下星期「處婆下海」,原應曲不離口,卻是無心溫曲;我份人見慣風浪,有咩嘢未見過吖!呢啲牛鬼蛇神、我時運高,睇佢唔倒!不過,近排天氣忽冷忽熱,作感冒:流鼻水、咳!想唱都有難度。

尋日有唱局,一個月前經已約左唱咩嘢歌,既唔可以改歌、亦唔可以唔出席(我係主腳嚟)!除非真係開唔倒聲嘅啫。好唔好彩今次有兩隻歌都係大鑼大鼓---唉!好犯氣呀。唱完,音樂師父都話:犀利!(哈哈!玩鑼鼓嘅、遇著呢啲歌,簡直係如魚得水啦)

既然大家心情都唔靚,搵啲笑料講吓:

問:點解咁多人學唱粵曲?

答:因為與其俾人虐待、不如虐待人!

問:學粵曲最緊要識咩嘢?

答:識廣東話。

問:學粵曲首先學咩嘢?

答:學搵錢。(冇錢點交學費、點操曲?)

問:點解時興拋曲?(唔揸曲,背曲)

答:先培育破釜沈舟精神。

問:點解有人揸住曲又唔睇曲?

答:一. 佢拎錯左曲出場;二. 佢老花,對眼聚焦唔倒!

問:現時粵曲騷係咪太多呢?

答:唔多!祇不過係騷場太少啫。

問:申請騷場係咪好容易?

答:係!不過獲批就好難。

問:唱粵曲是否很難?

答:不難!不過唱得好就唔易。

問:是否哨牙有助吐字和發音?

答:唔清楚!不過冇牙就一定唔掂。

問:點解唱完要同師父講:「辛苦晒」?

答:你未聽過人唱咩?聽過你就明架啦。

給大家笑一笑!

回應 (0)
我要發表
user