陸羽仁
陸羽仁
陸羽仁

FB承壓

2014/10/29 09:01:15 網誌分類: 經濟
29 Oct

美股真係幾強,借業績大幅炒番上。美股第四日向上,外圍股市靚仔,投資氣氛唔錯,多家美企派發呀季度成績表亦相當不俗,再加上美國10月消費者信心指數較9月大幅提升大幅,美股昨日氣勢如虹,三大指數都升超過1%。杜指收市漲188點,重上萬七點水準,收報17005點;標普500指數漲1.2%1985點;納指升1.8%4564點。

美國就業市場近期明顯改善,首次申領失業救濟的人數陸續減少,失業率亦降低至5.9%,美企公佈出來的季度業績亦頗為理想,再加上樓價繼續反彈,美元又持續強勢,汽油價格不斷下降,增強了美國人的購買力同信心。美國昨日公佈的10月消費者信心指數從9月份的89大幅攀升至94.5。由於消費支出貢獻了美國GDP近七成,消費者願意消費,經濟唔會差得去邊。

另一方面,昨日公佈嘅美國9月耐用品訂單較上月減少1.3%,係連續第二個月下降,扣除波動性較大的交通産品訂單,訂單減少0.2%,仍遠差過市場預期的增加0.2%。數據顯示,當中汽車、航空器、電腦及重型機械需求下降。數字反映出在美國消費力增強的情況下,但耐用品訂單仍然下跌,突顯了歐洲和新興市場增長放緩,令到出口到這些地區的訂單減少了。分析預期出口減少,將抑制美國未來幾個月的訂單,意味著美國製造業將降溫。

聯儲局昨日開始今年最後一次嘅議息會議,今日將會結束。之前曾經傳出聯儲局可能會延後全面退出QE的言論,原因係擔憂國外經濟疲弱及通貨膨脹不振,會衝擊到美國的經濟復甦。不過,綜合大部份分析師的言論,基於美國經濟已夠強健,預期聯儲局主席耶倫會如期在今年結束買債措施。

Key Private Bank 首席投資策略師 Bruce McCain 指出,QE在某種程度上已證明能夠令投資人安心,保持住樂觀。往後,就要睇投資者可唔可以在沒有QE的扶持下繼續推動美股上漲。不過,睇狀況,美股在QE續步減少的情況不不跌反升,而且屢創新高,令認為取消QE會造成股市大動蕩的人大跌眼鏡。我覺得聯局此前做嘅「期望管理」功夫,功不可沒。

隨著聯儲局結束買債,市場焦點將是加息時間表,而市場普遍認為儲局會在明年中至2016年初開始加息。不過考慮到當前環球經濟形勢,市場預計聯儲局最快明年第四季才會啟動加息,有專家甚至估計後年才加息。

個股走勢以Facebook最值得注意,它發佈了第三季度財報,業務受移動廣告業務持續強勁增長的推動,Facebook第三季度業績超過了市場預期。不過受股價創出上市以來新高後有獲利回吐壓力,Facebook股價在周三的盤後交易曾大幅下滑,一度跌10%

Facebook第三季度營收為32.03億美元,比上年同期的20.16億美元增長了59%。當中第三季度來自於廣告業務的營收為29.6億美元,比上年同期增長64%;第三季度來自移動廣告業務的營收佔公司廣告營收的66%左右,遠高於上年同期49%的比例。Facebook第三季度純利為8.06億美元,每股收益0.30美元;上年同期為淨利潤為4.25億美元,每股收益0.17美元,純利升近一倍。

純利咁好,收入大升,股價仍要下插,Facebook可謂被其成功所累,因為市場認為其移動廣告已佔廣告總收入的66%,向上增幅有限,業務已升上高原,所以出現沽售壓力。

Facebook的股價表現,現價市盈率87.8倍,估計市盈率61.3倍,股價升到60幾倍咁高,未來盈利若無高速增長,根本支持唔到,所以一預期佢盈利放慢就會插。香港科技股今年已經歷了此一處境,不過美股強,所以facebook才繼續大升,炒PE(市盈率)高的股票,就如登上快車,唔可以慢,一慢就死。

陸羽仁

回應 (75)
我要發表
Jachansw
Jachansw 2014/10/30 09:38:37 回覆

陸Sir,

請教美聯儲局現在第一楷段退出 QE,

下一楷段應該有6-12個月的平靜期,

第三楷段是把利息提升到相對接近市場正常的利率,

最後的楷段似乎是最大風險的,就是如果把已發出的國債收回,因為過去幾年美聯儲局已經印多了2萬幾、3萬億的美元,把這些美元收回才是正道,但相信此行動對市場的沖擊不會比停QE及加息小,請問小弟這樣想法對嗎?

謝謝!

陸羽仁
陸羽仁 2014/10/30 09:02:34 回覆

陸羽仁覆網友

蛋散:你問「陸sir愈叫人反彈沽貨就彈得愈高,想問下陸sir依家點睇個市,希望明天有詳細篇幅講後市如何。」

我上兩個星期叫人反彈時沽貨,當時話睇淡亦有風險,就係美股反彈帶番起港股,結果美股真係強勁反彈。當時叫沽貨的主要是睇佔中風險,這個風險有兩個角度,第一是滬港通可能暫停,第二是清場可能帶來大衝突,前者發生了,後者減緩了。因為阿爺改變了政策,由想限時清場,變成可以長期不清場,所以流血清場的風險暫時消失,後者有利股市有更大反彈,更借結算挾高。

後市觀望佔中和美息。暫時維持大市反彈後要再搵底的看法,即係大家都覺得個市無乜事時,又要回。原因有幾個:第一,阿爺這種放棄香港的思想,不利長線經濟。第二,佔中對部份行業部份地區的壞影響會逐步浮現(部份例外係阿爺唔郁自由行反而酒店業暫時影響不大)第三,美股彈完可能再回。所以中線仍偏淡,但沒有了之前怕大流血清場那種恐怖感。仍估大市在未來三個月要反覆找個底。

animal666
animal666 2014/10/30 06:24:36 回覆

尋找好股
2014年10月30日

  本地因素缺乏變化,美股再升,重上萬七點,帶動港股再彈,午後內地造好,大市繼續夾上,10月份先殺好友,回馬槍又殺淡友一浸。

  恒指高開183點後,升幅一度擴大逾300點,全日最高見23855點,最終保持升市動力,全日收升299點,收報23819點,逼近百天線(23899點)。港股連升兩日累漲2.9%或676點,主板成交升至796億元。國指同樣報捷升175點,報10724點。

  內險股績後續彈上

  中資金融股持續上揚,內險經營環境好過內銀,績後表現續靚仔。中國平安(2318) 股價及相關新聞 及中國人壽(2628) 股價及相關新聞 績後表現搶眼,中國平安首三季多賺35.8%,股價昨續揚2.87%,報62.7元。而中國人壽首三季純利按年升16.3%,亦升2.24%,報22.85元。

  永利澳門(1128) 股價及相關新聞 第三季少賺8.2%,期內營收總額約為9.42億美元,按年減少5.55%,惟股價仍揚4.86%,報28.05元。

  其他濠賭股亦見追捧,銀娛(027) 股價及相關新聞 收報50.7元,升6.29%,金沙(1928) 股價及相關新聞 亦漲5.03%,報46.95元,兩股成為升幅最大的恒指成份股。 

  鱷魚恤(122) 股價及相關新聞 公佈業績,業績相當唔靚仔,公司公佈截至7月31日止年度業績,全年純利1.06億元,按年跌55%,每股盈利11.33仙,不派息。

  除咗零售環境唔好,表現咁差仲令人覺得佢有少少自殘味道。早排,股壇長毛披露自己入咗唔少貨,搞到股價即刻有反應,𠵱家間公司整個咁樣嘅業績,係咪有人想發放訊息,呢塊肥豬肉狀嘅物體唔係咁易食㗎!人哋出咗招,跟住睇下股壇長毛點還招嘞。

  呢個星期初,我分析過油價低迷的底蘊,有中環茶友笑口騎騎問,油價軟弱,咁你有無尋找低油價受惠股的故事呢?你好似幾睇好航空股?

  油價跌改變大氣候

  茶友咁問,擺明想收吓料,我就答佢,自己分析國泰(293) 股價及相關新聞 都係睇中長線基本條件啫。國泰營運其實幾透明,主要睇幾樣嘢,上線睇營運收入,下線睇成本。聽做國泰高層的老友講,公司生意幾唔錯,日本、歐洲主要市場客運都好旺,貨運持續改善,呢期仲有iPhone 6赴運刺激,呢啲數據公司已定期公佈咗。

  成本因素來看,油價回軟好明顯係利好,幫到公司改善成本。照牌面睇,航空業務上線漲、下線落,利錢照計深咗好多。

  當然,生意好係咪代表股價即刻升就唔敢講,因為股價起跌,往往受市場情緒主宰。好似國泰,因為過去十年,佢盈利上落好大,有時仲影響埋派息,咁唔多唔少都會影響估值,以現價14.42元,市盈率22倍,未來有可能顯著調低,不過息率1.5厘,以佢往績就低咗小小。

  短期仲有伊波拉疫情同埋臨近聖誕新年旺季,員工會同公司商討加人工,都會影響市場對呢隻股嘅情緒。不過,買股如果有業績打底,點都叫做有險可守,夜晚瞓得着覺囉。

  我仲想講係,油價下跌,對股市大氣候有一定影響,由宏觀利息,到個別公司盈利都會有變化。

  基本原則係產油公司是受害者,用油公司係受惠者,航空、航運及造紙都應該得益,不過呢個係成本因素,仲要睇埋公司生意得唔得,跟住呢條線索,就有機會搵到績優好股嘞!

  陸羽仁

 

kathleen
kathleen 2014/10/30 05:25:41 回覆

 

2014-10-29

Dow Jones Industrial Average (^DJI)

16,974.31  Down 31.44(0.18%) 4:31PM EDT

Prev Close:17,005.75
Open:17,005.07
Day's Range:16,895.38 -17,065.50
52wk Range:15,340.70 -17,350.60

 

Dow Jones Industrial Average (^DJI)

 

小貓愛情觀
小貓愛情觀 2014/10/30 00:13:52 回覆

袋鼠:

"我估呢段除咗你,唔係太多人讀完。"

嗯...也有一些喵星人讀完的~

大戶終結者 ( 等人齊 )
大戶終結者 ( 等人齊 ) 2014/10/29 23:41:57 回覆

袋鼠,

一法兩制?   {#iconb_262}

司法覆核正苦違反基本法, 都係向人大招手。 {#iconb_625}

大笨袋鼠
大笨袋鼠 2014/10/29 20:36:40 回覆

之前講世界在變,香港其實在經濟產業的分佈,都要變。

睇吓旺角,憤青就係憤青,但真係規佢哋想得出抬個關公廟出嚟,真係有創意;若果香港有多元化產業、沒有壟斷企業阻礎之下,可以讓他們在經濟體系發揮這種創意,也許就不必上街反智示威。

(至於中國經濟要點變,袋鼠講咗好多次。)

PS 香港租真係太貴。

大笨袋鼠
大笨袋鼠 2014/10/29 20:29:35 回覆

蛋散,唔好意思,袋鼠長篇大論,佔領大廳,阻住你留言… 希望陸sir會留意到你問題

 

 

 

 

 

↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓

信誓蛋蛋(散)
信誓蛋蛋(散) 2014/10/29 19:41:38 回覆

陸sir愈叫人反彈沽貨佢就彈得愈高,想問下陸sir依家點睇個市,希望明天有詳細篇幅講後市如何,thx陸sir

大笨袋鼠
大笨袋鼠 2014/10/29 19:36:34 回覆

Buddy,終於入正題,噚晚袋鼠留言,有流於口號化嘅弱點。然而,一些將香港說到不值一文的語句,亦只是精簡的口號。 那就精簡幾句以口號去反駁口號,會是更加單刀直入、更明確;講得太多反而少咗人去睇,失去反駁機會。

我估呢段除咗你,唔係太多人讀完。

不過你有心去想、有思考去討論,當然可以在口號上加多些實質內涵去討論,要花點時間想吓點留言。

首先同意你留言要點: 誰超越誰,不一定是零和遊戲;中國市場之大,容納得到幾個大城市;香港人做好本份,依然有生存空間。

問到甚麼是核心價值,袋鼠想答得比較窿統,主要係一些賦予嘅自由、相對有制衡嘅體制、及一些公民認知價值 (人文軟件、程序公義)。要數出嚟,唔知點數。好似依家兄舉幾個例子*,好易理解,但又好難三言兩語去分析。

*有無聽過以下一個法官判詞 (大意): 『對於色情一詞,我沒有定義上的解釋,但你俾我睇吓,我可以睇得出啲嘢係唔係。』Jacobellis v. Ohio

(US Supreme Court Justice) Stewart said "I shall not today attempt further to define the kinds of material I understand to be embraced within that shorthand description, and perhaps I could never succeed in intelligibly doing so. But I know it when I see it, and the motion picture involved in this case is not that."

或多或少,這套核心價值已經存在每個香港人心目中,大家都係『一睇就知』 (起碼大家聽依家兄講故仔,佔中、反佔中與否,所有網友嘅第一反都應該是『有無搞錯、咁離譜,響香港一定告膠賊佢』,雖然有不少身處大陸嘅同胞都會有類似反應,最大分別係大陸人講唔出最後一句)

當中所謂核心價值,是一套,一個package,互輔互補,the sum is greater than parts,無分先後。

至於點解呢十七年都仲未揾到定位嘢?天曉得!但世界不繼在變吧。中國這十七年也變了不少,大國崛起噢!因此香港嘅定位要繼續改變啩?只不過同時有不少港人不習慣的事物來衝撃著…

 

大笨袋鼠
大笨袋鼠 2014/10/29 19:34:44 回覆

終結者,直到人大插手,行common law?

獸人,你係基本法high hand,點睇?

 

PS. 經你一提,香港嘅司法獨立,其實人大釋法係一個不可避免嘅隱憂,只係佢哋高抬貴手,算係無乜干預。當年居港權,不是國防或外交事務,董建華政府輸打贏要,尋求人大釋法,做壞規矩。

大戶終結者 ( 等人齊 )
大戶終結者 ( 等人齊 ) 2014/10/29 19:16:51 回覆

基本法係用普通法定大陸法來處理?

Common law 定 Continental law?

大笨袋鼠
大笨袋鼠 2014/10/29 18:54:28 回覆

buddy, 你那篇港獨/真普選留言,好似fly哥一樣,以為你係反駁緊一國兩制添…

『港人治港,高度自治』,最原始最簡單嘅理解,係除了國防及外交事務,所有行政、立法和司法三權,由特區政府依據基本法全權代理。

問題在於,高度自治,中央和香港人有兩把不同尺度?特區政府依據嘅基本法,人大有釋法權,要釋得鬆定係釋得緊,好睇當時當日人大嘅心情嗎?

大笨袋鼠
大笨袋鼠 2014/10/29 18:42:04 回覆

如果有人明白乜嘢叫patent trolling,基本上原本發明一種新產品嘅人,理應受版權法保護,卻反而被一些無事生產團體,將類似嘅舊版權登記用作起訴,雖然係講法律,但就違背法律精神 - 沒有保護到應該要保護嘅人。

大笨袋鼠
大笨袋鼠 2014/10/29 18:30:17 回覆

Eric兄,除了聽生日歌,落旺角要記住拜埋關公  {#200901150022093617.gif}

大笨袋鼠
大笨袋鼠 2014/10/29 18:26:13 回覆

本來問嘅時候,只係想睇回答是否對自己香港人身份認同。估唔到迥響幾大。

想到自己係答香港人的話,還可以說一些踐踏自己專嚴的說話嗎?

問澳洲人會答澳洲人,問加拿大人會答加拿大人 - 尤其是加拿大人,認錯為美國人會係無禮貌 (反而有時有美國人會認係加拿大人,避免標籤,方便溝通。)

在香港有永久居留權嘅香港人呢?始終香港有獨特嘅歷史背景,英治時代是假英藉,回歸後又與大陸有不同嘅價值觀,結果能夠找到的身份,可以叫香港人吧!

對自己嘅地方有歸屬感、自豪感,並沒有對國家不專敬的地方。也許其他外人覺得傲漫,反正就是有不同優越嘅地方,亦即是有香港地方要香港人繼續守護。


雖然如果有香港人要講到『from Hong Kong,different from China』,睇落過份一點,但係當你考慮到,西方人觀察到少部份中國遊客、移民嘅土豪行徑,引起反感,加上中國政府外交政策改變,擺出強硬姿態,令到中國威脅論有市場,引發對一足篙地對所有中國人帶有不友善標籤,就可以諒解。

PS 雖然在袋鼠國情況,對中國人觀感暫時不是那麼嚴重

子龍 (kaka就是大叔的契哥)
子龍 (kaka就是大叔的契哥) 2014/10/29 18:20:13 回覆

法治咪即係用法律來治理人民, 但這個治, 包含執法, 司法, 立法. 即是要有人手去管理. 但市民大眾不斷去犯這個法, 正苦就要有足夠的人手去執法, 司法. 這很容易理解呢. 正苦就要去想, 這條法例是否宣傳不足??? 刑罰過輕??? 大眾教化不足??? 通過這些分析, 去修改法例, 才是一個治理過程呢. 應用在堵路, 其意義也是一樣, 找出原因, 才進行執法, 司法. 也是法治呢. {#icons_dog7}

水為善
水為善 2014/10/29 17:36:32 回覆

牆頭草兄,

佔領人士說689,因爲他們只吸收口號,口號是“真普選”,便照單全收,不知西方國家怎樣去選總統。

牆頭草
牆頭草 2014/10/29 17:35:27 回覆

少年 689 都似 金秀賢 啦

全部星星來架  {#iconb_272}

水為善
水為善 2014/10/29 17:32:39 回覆

小弟有錯請指正

法治=rule of law

法律=law

法治是法律原則,即是任何人都必需遵守,沒有人可以凌駕法律

 

佔領人士公然集體非法集結,佔領道路,違抗法庭禁制令等等律師公會再次說“香港法治危在旦夕”

子龍 (kaka就是大叔的契哥)
子龍 (kaka就是大叔的契哥) 2014/10/29 17:21:43 回覆

我有個夢, 11月挾上258可以嗎??? {#icons_dog10}

大戶終結者 ( 等人齊 )
大戶終結者 ( 等人齊 ) 2014/10/29 17:13:30 回覆

前主席係咪為咗個“發”字, 做多頭熊? ..... 被夾!

buddaau (六人之一)
buddaau (六人之一) 2014/10/29 16:56:49 回覆

飛仔: 習主席話:我地都未有, 點俾你呀...  {#icons_dog5}

fly仔
fly仔 2014/10/29 16:26:40 回覆

ERIC兄: 想聽落旺角啦~

Eric - 無欲則剛
Eric - 無欲則剛 2014/10/29 16:24:32 回覆

Fly兄,你好似未唱生日歌俾我聽喎! {#iconb_244}

 

 

fly仔
fly仔 2014/10/29 16:23:00 回覆

呢期講靚仔講霸氣幾時輪到佢呀........

buddaau (六人之一)
buddaau (六人之一) 2014/10/29 16:19:32 回覆

草兄: 咁又係喎...  {#iconb_272}

牆頭草
牆頭草 2014/10/29 16:13:17 回覆

我發覺同任何佔領人仕講, 講來講去到尾都係689

千錯萬錯都是689錯 !  我真的不覺他能力那麽大.

我定義這是 '逆偶像' 現像.

 

fly仔
fly仔 2014/10/29 16:10:22 回覆

Eric兄: 我無鼓吹人地犯法上街, 只係討論下咩係法例同法治, 就當無謂不切實際的吹水, 亦無興趣討論佔中right or wrong, 我理解錯, 你唔認同無所謂, 請你唔好老屈.
都唔會你up乜. 

名仔
名仔 2014/10/29 16:10:11 回覆

全世界國家都話有法律, 但部份統治者就有法不依, 用自已權力去人治.....

Eric - 無欲則剛
Eric - 無欲則剛 2014/10/29 15:43:23 回覆

Fly 兄你緊諗野好危險。

你可唔以可以話,日日好多人打劫都拉唔到,咁我打劫又有乜問題?

最多打劫後我到警署自首就可以。

所以而家我可以繼續日日打劫。

因為如果每個人都咁諗,一來會增加警察負擔,另外也破壞法治精神。

一件事還一件事,right? 唔通有人打你個妹,你就可以打人地父母?

buddaau (六人之一)
buddaau (六人之一) 2014/10/29 15:42:53 回覆

飛仔: 我可以話你知, 就係因為香港有法治, 所以689先走得甩, 你唔知法律有好多灰色地帶既咩? 又或者明知對方殺左人, 只因警方搜證程序出錯都要放人, 但無計現代法治寧縱無枉...

fly仔
fly仔 2014/10/29 15:42:15 回覆

bud兄:  刪得好 {#icons_cat7} 

buddaau (六人之一)
buddaau (六人之一) 2014/10/29 15:38:19 回覆

飛仔: 係呀有法律, 唔一定有法治, 法治既體現主要喺執行方面, 你講得岩, 起碼要公平公正, 什麼司法獨立, 不會選擇性執法.  大陸就係做唔倒, 所以有法律無法治.  

我將"公義"刪除, 因我覺得"公義" 係另一個層次既野. 或者咁講, 如果可以做齊公平公正獨立不選擇性執法就叫做彰顯左公義.

 

子龍 (kaka就是大叔的契哥)
子龍 (kaka就是大叔的契哥) 2014/10/29 15:23:15 回覆

fly兄: 是的, 人民的口是用來吃的, 不是用來說話的. 只要勤力工作, 就可以有飽飯食. 什麼宗教, 體育都是沒有經濟價值的, 記著工作, 工作.....

fly仔
fly仔 2014/10/29 15:22:28 回覆

bud兄, 我表達能力不太好, 打字又慢, 唔知點講呀. 法例香港, 大陸都有呀, 但唔會有人講大陸法治好好呀(相對地). 違法者係不會動搖破壞一個地方的法治精神, 現在唔拉班路霸係唔夠警力人手同監倉, 係執行唔到, 唔係唔去執行. 法治精神係公平公義公正, 什麼司法獨立, 不會選擇性執法.    

689單潛建, 果5千萬立法會都過唔到 etc.....點解可以得過且過.....我偶像dreambear.....死得好慘呀 {#icons_dog5}

buddaau (六人之一)
buddaau (六人之一) 2014/10/29 15:07:40 回覆

飛仔: 如果有權貴因為身份背景特權, 犯法而不執法, 這才是破壞法治精神... 這個當然... 但你講既係佔中只係破壞法律, 無破壞法治, 我就唔係好明啦? 破壞法律同破壞法治有咩唔同呢? {#iconb_61}

fly仔
fly仔 2014/10/29 14:42:42 回覆

bud兄: 遲左啦, 清左啦, 重要係早兩日...

buddaau (六人之一)
buddaau (六人之一) 2014/10/29 14:35:22 回覆

飛仔: 遲左啦, 清左啦, 重要係早兩日...  {#icons_dog5}

法院同大律師公會都話佔中黎到依一刻破壞緊法治喎, 唔通佢地都有啲誤會?  {#icons_dog9}

子龍 (kaka就是大叔的契哥)
子龍 (kaka就是大叔的契哥) 2014/10/29 14:34:31 回覆

buddaau: 但當你沉默, 有人會唔高興, 要你表態, 沉默可能都要罪.... {#icons_dog5}

twohitsix兄: 未來會否每一份報紙, 都是同一標題??? 有點心寒..... {#iconb_57}

twohitsix
twohitsix 2014/10/29 14:25:38 回覆

身份認同在心裡, 不在口中 x N

btw, 星 島可唔可以唔好同文匯一齊抄足條 line to take (報章標題), 10個字一模一樣, 真係好核突. 改一二個字都懶.

fly仔
fly仔 2014/10/29 14:22:49 回覆

bud兄: 你有你的道理 {#iconb_212} 

頭先睇到有篇野關於咩係法律咩係法治, 解釋得幾好, 有興趣search下.

路霸違反法律, 689破壞法治. 法律兩地都有, 但法治就唔係, 香港可貴係因為有法治, sigh.........

另有一單有趣文章係, 中央不但不會因佔中而斷香港糧水, 反而會更加利益傾斜, 唔知真定假, 如果係真, 佔中路霸損害香港經濟利益呢條罪就不成立 (股市又好似反影左) {#iconb_268} bud兄: 唔好晒清倉呀~

buddaau (六人之一)
buddaau (六人之一) 2014/10/29 14:07:34 回覆

身份認同在心裡, 不在口中. {#icons_dog5} {#icons_cat5}

子龍 (kaka就是大叔的契哥)
子龍 (kaka就是大叔的契哥) 2014/10/29 14:01:00 回覆

炒田螺, 阿爺係唔喜歡聽真話架..... {#iconb_268}

狗生滋汁十皮, 投機難嗎??? {#iconb_61}

叫自己做HongKong guy, 唔等於唔認同是中國人. 刻意去分, 才是有問題呢. {#icono0_2}

一草一木
一草一木 2014/10/29 13:48:58 回覆

小民也來說說

老外問小民where are you from? 或 are you Chinese? 小民都會回答 I'm from Hong Kong。老外說Hong Kong of course. 可是在外地看到內地人,內地人問是中國人嗎?小民也是回答從香港來,很多時他們就會說還不是中國人,其實小民沒有說不是。如果回答的人說是從北京來,從廣州來,那些人不會說這句話的。

在英國時被問及會否支持中國足球隊,小民回答如果有香港隊,會支持香港隊,有英國隊對中國隊,會支持英國隊。小民是否不認自己為中國人?

MonsterGary
MonsterGary 2014/10/29 13:39:47 回覆

Buddaau:

我睇到既係,搞佔中搞港獨,目的係要解放軍出動。解放軍出動就會拎人聯想起六四,然後就可以制裁中國,阻止掘起。咁既話,結果係邊個得益? 你懂既...

民主、普選、自由,只係幌子而已

buddaau (六人之一)
buddaau (六人之一) 2014/10/29 13:18:18 回覆

飛仔: 所以先話一國兩制係創舉.  而依十七年又真係行緊.  2017既"普選"方法亦係體現倒一國兩制, 你睇北京同其他省市無依種普選就知, 所以先有人話北京並無違反一國兩制既承諾, 咁有部份人覺得香港可以去得盡啲, 得到更多民主就變成左一個程度問題, 而非原則問題...又唔能夠話完全搵我地笨. 

牆頭草
牆頭草 2014/10/29 12:54:49 回覆

其實認唔認係乜人無問題, 多個唔多, 小個唔小.

但唔好有事時話我係XX市民, 你要保護我. 唔要時就話人過份暴力, 無良 ...

 

大戶終結者 ( 等人齊 )
大戶終結者 ( 等人齊 ) 2014/10/29 12:30:26 回覆

buddaau,

外國入境處睇護照發出機構。出入境限制會唔同。

fly仔
fly仔 2014/10/29 12:29:45 回覆

鼠鼠: 我來自香港

有句名言(好似出自李連杰), 有錢的中國人想辦法移民(包括最高領導人, 人唔到, 錢都會到), 無錢的想辦法偷渡, 這是一個國家還是一個監獄. 

bud兄: 你講的合乎國情, 亦合乎現實, 咁即係一國兩制港人治港高度自治50年不變, 基本法等, 一直都係搵老襯 {#iconb_272}

X N

瀏覽更多回應 正在載入...
user

最新回應

animal666
animal666 2019/12/14

中原城市領先指數 CCL


日期 Date 中原城市領先指數 CCL
(所有成份屋苑)
2019/12/02 - 2019/12/08 179.11

2028...

SIGH...

animal666
animal666 2019/12/14

(圖片來源:AP)

2028...

SIGH...

animal666
animal666 2019/12/14

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...

animal666
animal666 2019/12/14

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁