魚湯有益

我經常煲魚湯，因為方便、容易同有益囉！

最近一次中學同學聚會----一早講明祇談風月、不談政治架啦！

唔談政治，有咩嘢好講呢？有咩嘢好過講飲講食吖。

煲肉湯脂肪高、煲齋湯有人嫌佢味寡、一般嚟講煲魚湯係最好嘅---除非你對魚有偏見：呢樣嘢冇得醫，幫你唔倒！

F同學兩公婆加個印傭。佢話會一次過煲一大煲魚湯，飲唔晒嘅放冰格雪住佢，要飲果陣再翻熱。

個人認為煲魚湯並不麻煩，冇咩嘢必要一次過煲一大煲(為左節省柴火另計)。先睇吓魚湯嘅營養價值：

魚湯的脂肪來自魚油，雖然脂肪量較清湯高，但魚湯含豐富蛋白質。

魚的營養成份

一般魚類所含的營養成份為水分72﹪蛋白質18﹪脂肪2﹪礦物質4﹪…等。

蛋白質

除了水份外蛋白質的成份含量最高，蛋白質是人體細胞的主要成份，為人體肌肉等各種組織及器官、毛髮、指甲的營養素。因之我們每天都要攝取適量的蛋白質，以維持生理的正常代謝，成人每天的需求量大約是在六十至七十公克之間，成長中的兒童需求量要更高。根據學者專家的研究報告得知，人類對魚貝肉的消化率在百分之九十七以上，這是一個很重要的特性。因此，整體說來，人類比較容易從魚貝肉中快速地吸收和取得良質的蛋白質。脂肪

脂肪也是人體組織的重要成分，主要在於細胞膜內。脂肪不僅能提供大量的能量，在生理功能上，扮演極重要的角色。成人每天的需求量大約為七十七公克。

(魚脂裡含豐富的omega 3， 對腦部發展有幫助架!)

礦物質

雖然人體對礦物質的需求量不高，但卻是人體構造的重要成份，尤其是在生理功能上，扮演了相當重要的角色。魚貝類的肉中含有人體需要的各種礦物質，如鈣、磷、鈉、鉀、氯….等。鈣和磷是骨骼和牙齒的主要構造成份，肌肉的收縮也是由鈣來調節，如果兒童缺少鈣質發育會遲緩，孕婦缺少鈣質會影響胎兒的成長，婦女、老人如果缺少鈣質時容易罹患骨質疏鬆症。、鈉、鉀、氯主要存在人體的水份中，可以使水份中的各種成份達到平衡，以及各種生理機能處於正常的狀態。

------------------------------------------------------------------------------------

我通常響街市買十蚊或者廿蚊一兜嘅魚仔煲湯。今日大出血，因為見倒有獅頭魚仔，$48一斤，買左$50(仲要自己劏添)，加幾個番茄、薑、乾百合，先煎香魚再一齊煲個半小時。獅頭魚煲湯魚味比較特別，非一般魚湯可比。如果唔落番茄，可以落少少雪菜----雪菜同獅頭魚好夾！

得六碗濃湯。

除左魚同薑，其他材料都好自由，我喜歡落番茄；如果咁啱有甘筍響度，我都會落個甘筍，間中會加茨實，呢幾日因為有啲咳，所以落左百合同煲。