759阿信屋盤點

尋晚友人whatsapp，告知我今日起一連三日，阿信屋舉行半年一次一連三天盤點：公價九折、街坊價八折、正價七折。

心諗：有咩嘢好買呢？冇必要因為便宜，便買埋啲唔等駛嘅嘢。而且，遇啱盤點，好多時想買嘅嘢都冇！不過，反正我家附近有阿信屋，食完早餐咪去行吓囉，心中諗住買幾包小黃魚。

結果，買倒想買嘅小黃魚----原價$16.80，九折；另外買左隻800G嘅麵包蟹，六十幾蚊，八折。

早前響Aeon買過隻麵包蟹，但係我覺得759嘅質素好啲。當然，麵包蟹勁高膽固醇，不宜多吃！至於小黃魚，上次試過去左頭椒鹽，連骨都可以食埋；下次整索性唔去頭，反正可以食埋個頭，更多鈣質。再者，我見倒有一個唔落油整小黃魚嘅食譜(仲可以連骨都食埋)，有時間又試吓整！