同聲同氣
呢一排朋友/親友/同學相聚,可以嘅都盡量風花雪月,少談政治!
尋日竹戰----噢!終於可以暢所欲言啦。何解?一早知道大家同聲同氣:基本上我所認識嘅人,認同「佔港」嘅唔多過5%!不過,一班人聚會,即使祇有一個人唱反調,都好容易變成爭辯,結果不歡而散!我果班同學,成班人雖然得一個唱反調,亦因為咁我呢幾次下課,都唔同佢地一齊飲茶,等過左呢個風頭先!
尋日阿Sir嚟到,對我講:「咦!著藍衫喎。」
我:「我明撐你地架啦!」
我地呢班人,響政治圈打滾幾廿年,對啲政棍了解極深---「短毛」經常響立會掟呢個、掟果個,但係早幾日俾人掟雞蛋咋(係我就成架車車埋去),便要報警:呢個係咩嘢世界吖?
「冇良心」響政府幾十年,一直効忠英國,從未忠於中國同香港,退休後仍然對英國不離不棄----難為某些香港人,仲認為佢係為香港人好!
唔該大家查吓,果班「飯民」嘅配偶,有幾多係中國人?唔該大家查吓,果班「飯民」嘅仔女,有幾多響香港受教育?唔該大家查吓,果班「飯民」有邊個冇間接收左外國錢?
雖然有人指「民建聯」都收左阿爺錢!即使係真嘅,都係為香港人、為中國人而駛啫(就當係蛇齋---都係食落肚啫));外國人為咩嘢事要俾錢香港呢?唔該用吓個腦啦---唉!冇又點用呢?
尋日講開有幼稚園教師教小朋友仇視警方,有位舊同事表示,佢唔會俾個仔學呢啲嘢!
我:「都唔到你話事啦!你對個仔時間多、定係老師對得佢多呢?十五年免費教育,攪到學生響學校俾教師洗足十五年腦。你個仔仲細,當然仲肯聽你講;過多十年、十五年,到時由現時班後生執政,香港可能要改掛美國旗咯!」
依家惟有希望政府撤銷九年免費教育,因為我地都寧願留番啲仔女響屋企,自己一手一腳調教----佢地唔識字唔緊要,最緊要識得做一個堂堂正正嘅中國人。
阿Sir亦讚賞葉劉淑儀上星期響立會嘅言論:佢冇毀謗任何人!她祇是舉例(都是報章/雜誌報導)叫政府認真調查。
我:「每個人響唔同位置可以做唔同嘅事。佢講呢啲嘢最正路,你估黎Sir唔想講咩?係響佢嘅位置唔講得咋!」
阿Sir:「係囉!我依家退左休,好多嘢許Sir唔敢講嘅、我都夠膽講。」
我:「我都一樣啫!」
香港教育局,一大敗筆,回歸十幾年,教出成班自私自利的廢青,自以為是,以一己私欲,美其名叫做爭取民主,實質爭權爭利爭福利。
香港教育局難辭其咎。十幾年來,改來改去,改到亂七八糟。書包一年比一年重,教出來的學生,一年比一年差。教到大學生似小學雞,老師變左民粹教青。應該好好檢討一下!