佔中_喺時候撤退?2

如果講近代最有代表性嘅風雲人物, 莫過於國父孫中山先生! 提起佢, 冇人唔認同佢喺近代最令全球華人包括外國人都公認嘅頭號風雲人物! 孫國父一生為國為民, 救民於水火, 卻從不貪戀權位. 只要有利於一統, 只要有利於民生, 佢可以將臨時大總統位置騰空出嚟, 因為佢手上冇錢冇兵, 要戀棧就唔可以中國一統! 到最後,

唔想國家長期處於分裂, 唔想人民長期飽受煎熬, 毅然退位讓位. 咁嘅大公無私, 先至贏得當時以至今時今日全球尊敬. 全世界華人都沾咗孫國父嘅光, 走到世界每一個角落, 一提起孫中山先生, 人人都豎起大姆指肅然起敬. 反睇今日嘅佔中事件,

一班大學生除咗比別有用心嘅人利用咗之外, 有邊一點可以同孫國父睇齊? 國父一切嘅出發點喺全中國人嘅福祉, 佔中人仕嘅出發點又喺為咗咩嘢! 國父可以為國民讓步讓位, 毫無留戀; 佔中人仕可以為咗全港市民福祉作出首先讓步咩? 所謂鑑古知今, 當知確實一代不如一代! 國父如果在天有靈, 除咗歎氣惋惜之外, 真喺夫復何言?

喺人都知到愚公移山嘅古仔, 我哋自己做唔到呢種精神, 卻不斷要求身外人一定要做到呢種精神. 睇到學聯代發言人句句指責中央同港府冇誠意, 從未有一言半語反省自己都喺冇誠意. 喺佢哋嘅心目中, 一切誠意就喺順從大學生嘅所有要求, 只要有啲啲唔順從就有理冇理鬧人冇誠意! 佔中害民擾民, 卻從未公開道歉, 誠意從何談起?