佔中_喺時候撤退?3

筆者替呢班佔中大學生難過, 更替佢哋感到羞恥. 難過在於佢哋無視有人因為佔中受到變相逼害; 羞恥在於佢哋有錯唔知錯而知錯唔認錯. 民主自由, 並唔喺憑武力角力得嚟, 今日你難為人哋, 將來人哋難為你, 呢啲喺權利與義務. 咪以為大學生有特別優惠可以享用權利, 咪以為大學生可以有免責護身咁拒絕承擔義務!

如果, 筆者喺大學生一份子, 一會同現任中央領導人鬥長命; 二會讀好啲書後從政; 三會從政到某一年資改行執教鞭, 將從政所得嘅經驗, 所知嘅優劣點, 通通授於下一代. 幫下一代打好有力而穩健嘅政治理念, 將自己生前未完成嘅抱負薪火相傳, 將從政嘅第一要義灌輸比接班人! 咩嘢叫做第一要義? 真喺唔好同國民為敵.

一切政治管理同政策推行, 以利民為主. 而利民, 以佔大部份受益為主. 可能當中會損及商家, 卻可以透過其他優惠彌補. 如果得罪於國民, 地方施政就會難過登天. 而家佔中份子入面, 冇幾多個頭腦冷靜, 冇幾多個會以港民配合國家憲法之下坐低磋商, 由唔啱講到啱, 由分歧變成劃一. 佔中份子入面冇幾多個能夠高瞻遠矚;

如果有, 就唔會比人利用走去佔銅佔旺. 呢種同古時霸佔山頭自立為一方霸主冇啲多分別! 距離聖誕, 新曆年, 農曆年唔遠, 佔中的確可以一意孤行唔撤退! 如果筆者喺中央政府, 一定圍剿. 凡佔中範圍之內斷水斷糧, 有入冇出! 出一個就拉一個告一個, 橫掂佔中人仕想做烈士, 想攬住無辜者一齊死, 又睇吓市民想唔想陪葬!