記錄一段有意思的評論

2014年11月15日，

a meaningful comment by haha, I am totally agree with it

筆者好明顯只知香港曾經係轉口港,但唔知呢個轉口港係點黎.

佢更加係欠缺經濟常識,同對香港社會結構既了解.

香港最初只係一個生產檀香木同捕魚既魚港,英國人睇中左維港水深港闊,4面環山而無風,春暖夏涼而不凍,可作大型港口,收為已用,有利日不落帝國對華及對太平洋其他地區貿易.

至近代,中國先後同英美蘇聯交惡,被貿易封鎖,出口貨物要先黎香港,換個"香港制造"既包裝,先可以出口去其他國家.入口亦要透過香港作中間人先買入,再輸入到大陸.香港人為中國大陸處理大量出入口貨物,"第一轉口港"之位亦係咁黎.

順帶一提,今日香港之所以會有每日150個單程證來港定居,其實係當年為左比香港人有機會同內地親人團聚先特別安排既人道政策.香港人又點解會有內地親人?一來大量香港人其實係來自內地既偷渡客,二來作為轉口港,香港有好多中港司機.中港司機係內地生子,自然就有親人係內地.

我好同意,香港人係可以自力更生,可以自給自足,都可以海水化淡.

但代價係咩?

所謂自力更生,自給自足,其實就係"收入至少要大過支出","生產要大過消費"

筆者提過既轉口港同輕工業,都係天時地利人和之下既產物.今時今日要再做轉口港同輕工業,已經不可能;前者因內地自己已可對外貿易,後者面對內地及東南亞明顯欠競爭優勢.

香港人要自力更生同時又唔依靠大陸,可以依靠乜?

香港無地,無工人,無科技,無資源,無文化,乜都無."5無"既香港得中環D office,幾個幾十年無變過既旅遊景點,同一大筆美金.

不過"5無"唔係一世既,肯比錢,比時間,可以填海造地,可以生多D仔,可以培訓人材.

最大既問題係,時間.

要改變"5無",唔係10年,20年就可以做到既事.

想自力更生,自給自足?

無他,意味香港未來20年收入會大大大幅減少,香港後生仔20年內唔再每年換一部smart phone,唔再下下換新衫新傢具新裝修之類,即係生活質素下降.

香港既青年少果係咁有勇氣,即使要回到1960年代既生活水平,都要"尊嚴",我地老一輩既亦無意思反對你地.