佔港踏入「死實」日

有家歸不得：

佔港進入「死實」日，我原本每個星期都要去太子上課，冇巴士搭！ 好彩有小巴(唔經彌敦道)去旺角，到左旺角自己乘十一號巴士去太子，影響不大。

尋日就慘啦！一早九點要去旺角覆診，跟住等十二點響太子上課、下課後約左曲友響太子午飯(有嘢交收)、跟住要去登打士街試晚裝、晚上在附近飲宴(雲師叔生日)。成日要響太子至油麻地一段路行來行去，比著以前，一定俾警察告我遊盪！

睇嚟約會好似好充實咁，弊就弊在每個約會之間都有些空檔！如果在正常日子，我會返屋企抖一陣。但依家係「唔正常」嘅日子，冇公車搭，要搭的士！咁就無謂走來走去啦！於是咪成日響太子至油麻地一段路遊來遊去囉---如果可以飄來飄去，就冇咁辛苦啦！

臭氣勳天：

佔港「死實」日以來，我都祇係響電視、報章、雜誌睇新聞----梗係啦！我係君子：不立危牆之下架！

三個星期前，因為下課後要去登打士街，第一次從太子行落油麻地。當日天氣好，加上我時運高---響旺角祇見倒少量帳篷，條街整體上都算乾淨！

尋日由早到晚都經過旺角。因為前日零晨果區又發生警民衝突，尋日一早響旺角惠豐中心對開行人路，有人聚眾講古：咁梗係講俾人聽係警察唔啱、警察打人啦！

好誇張，依家鋼床又有、圖書館又有....我估遲些做埋溜冰場添！

但係，尋日行過，經已嗅倒有一陣味！唔似係廁所傳來，好似係死老鼠味。聞說有人利用佔領區販毒：好吖！第日唔駛坐監、都要去戒毒所！

不過，啲帳篷裡面有咩嘢冇人知---話唔定有死屍、話唔定有死老鼠、話唔定旺角啲一樓一響果處活動，遲啲可能多左愛滋基魔....

總之係臭氣勳天啦！

明修棧道：

「飯民」幾個垃圾議員本身被揭發收左死肥佬錢，幫金主做埋啲反中亂港嘅勾當；為左要先發制人，於是堅持要立會調查CY收錢果單嘢。我份人幫理不幫親，而且CY同我亦冇親----有嘅我就唔駛咁窮啦！

個人認為，兩邊都要徹查！如果冇做過嘅，查完還自己一個清白都好---最驚係身有屎啫！有罪嘅，無分先後，一齊查囉！

水鬼想升城隍：

依家啲後生，真係鑿大冇藥醫架！林鄭攪咁大壇嘢、俾足面佢，佢就當正自己係香港特首：想見邊個就邊個！見國家領導人？你老幾呀？依家民意都顯示左：佢地祇代表一小撮港人，難為佢仲厚顏無恥，仍然夠膽講佢代表民意：民佢個屁！

唉，唔好意思，睇得啲廢青多，連自己都粗鄙埋！Sorry！