joboche1
joboche1
joboche1

教不嚴, 師之惰

2014/11/10 09:33:55 網誌分類: 齋_TALK_廣東話
10 Nov

尋日提到而家全世界嘅教育徹底變質! 將作育英才呢個偉大情操拋到冇雷公咁遠, 只著眼搵錢; 只著眼市場佔有率; 只著眼世界排名榜位置; 只著眼將學生升格成老闆; 只著眼將師資淪為搵錢工具! 因此, 唔可以得罪學生; 唔可以趕學生離校; 只可以撤換先生! 那怕錯嘅喺學生, 都唔可以行使校規懲罰, 免得過家長投訴, 學生會轉校.

 

當學生轉咗校, 就少咗隻會生金蛋嘅雞; 就少咗個年年進貢嘅學生; 就少咗個月月出糧嘅老闆; 仲會得罪埋老闆背後嘅大老闆(家長); 仲會擔心比同行知道; 仲會擔生校譽受損! 豈料到將學校變成名利場所, 早已經令校譽受損! 豈料到視學生為老闆, 校譽早已蕩然無存! 比人個感覺就喺唯利是圖, 見錢眼開嘅商店, 因為有奶便是親娘!

 

睇番而家佔中入面嘅大中小學生, 有百份之幾知道自己做梗乜? 有百份之幾受到師長家長勸過, 因為聽唔入耳而堅持佔中? 有百份之幾明白冇付出就冇要求嘅權利? 有百份之幾明白乜嘢叫做真正民主? 有百份之幾明白乜嘢叫做真正自由? 連無辜者應得嘅權利都被佔中者剝削; 連最低限度嘅尊嚴都被佔中者踐踏, 仲好意思講民主自由?

 

筆者強調從佔中呢兩個字起咗變化之後, 變成佔銅佔旺, 和平佔中早已名存實亡! 佔中參予嘅大中小學生講一套做另一套, 喺唔喺受到家庭教育主題都喺講一套做另一套? 喺唔喺受到學校教育主題都喺講一套做另一套? 跟佔中份子指斥港府講一套做另一套; 同指斥中國中央政府講一套做另一套有乜嘢分別? 呢批學生喺點樣教出嚟嘅?

回應 (0)
我要發表
user