教不嚴, 師之惰1

回想當日所睇嘅報紙同電視新聞, 只見到大部份家長未知佔中究竟喺一回乜嘢事就簽咗同意書, 驚死啲仔女唔參加佔中就追唔上潮流; 驚死啲仔女唔參加佔中會受到排擠; 驚死啲仔女趕唔上大時代大事件! 從未稔過簽咗名之後, 一參加佔中, 冇事猶自可! 有事就全部入刑事案永留案底, 莫講話出國讀書唔成, 睇怕搵嘢做都好艱難囉!

再講另一大部份受人奉祿嘅人之患, 名喺為人師表, 但喺為咗迎合學校潮流, 唔敢以師資身份糾正學生錯誤, 由得佢哋自把自為意氣用事! 仲要同學生懶FRIEND攬住膊頭影相, 盡顯卑躬屈膝相. 唯恐得罪學生老闆; 就會得罪幕後大老闆; 就會得罪學校老闆; 就會請食無情雞! 就會冇咗份工! 寧可埋沒良心, 寧可依照遊戲規則; 所有學生

有任何過份行為; 有任何動粗爆粗; 都可以扮作時運高睇唔到聽唔到! 當學校或家長質問時, 可以裝傻扮矇一問三不知! 乜嘢作育英才; 乜嘢破迷解惑; 乜嘢薪火相傳; 全部喪失喺呢班明哲保身, 學生死活不關心, 只著重學分; 只著重薪金嘅人身上! 學生將來會點? 有冇前途? 能唔能夠做一名有用嘅人? 都已經完全唔放在呢類人之患嘅眼內!

天有天理, 人有良心! 無論呢類人之患點樣巧言令色推卸責任, 總逃唔過上天同你埋單找數嗰一刻! 呢類人之患未能盡其忠守其職, 就稔住人工袋袋平安? 睇怕冇咁易! 人可以蝦其他人, 不過唔好忘記人哋嘅祖先睜大對眼睇住呢類人之患點樣對自己子孫! 所以先至講人在做, 天在看! 既指頭上一片天之外, 仲有個天良唔會放過自己噃!