教不嚴, 師之惰3

筆者成日主張客觀冷靜, 然後宏觀處變應變! 千祈唔好喺未明事實真相前, 就喺某啲結局上面評論對與錯! 咁樣對當事人唔公平, 因為評論者喺旁觀者喺局外人, 睇嘢可能有疏漏; 講嘢可能有偏激! 任何嘢都有佢嘅成因; 去到結局前總有佢嘅流程過程; 當旁觀者唔知底蘊下做任何評論都唔見得高明, 更加唔見得客觀, 講唔上公道.

佔中一事, 從開始都喺好嘅立論! 點解去到中途變成蠻不講理, 唔理無辜者受害; 只知堅持佔中. 當佔中好似唔夠喉, 就轉呔佔銅佔旺? 仲要佔埋禮賓府? 點解又唔佔駐港解放軍總部呢? 可想而知, 有人知道乜嘢喺佔得! 乜嘢喺唔佔得! 呢種幕後黑手點玩都好, 都唔會將自己條命玩埋! 至於玩大中小學生啲命, 講真一句死十個當五雙

關人鬼事! 事實上, 任何訴求, 只要喺合理合法, 不擾民生, 不害社會, 假以時日, 自然會得到想要嘅. 凡喺政治, 都要以大局為重; 以大部份民生受惠為依歸; 以社會寧定國家健強為主題. 任何要求之前, 先要做好自己本份. 學生讀好自己啲書; 師資做好教學育賢; 官員做好廉潔自重; 民生做好國民職責; 先至可以上下一心無往不利.

佔中入面有壞份子, 佢哋可以承虛而入, 多得一班糊塗家長; 多得一班不負責任嘅人之患; 多得一班熱血而缺乏冷靜嘅大中小學生; 多得一班尸位素餐嘅官員; 多得一班唯恐天下不亂嘅報章; 以上各方面都未能持重而冷靜; 互重而自牧, 先至比人有機會興波作浪. 官方; 校方; 家長三者同樣犯咗不能推委罪責, 只可惜呢班未來接班人!