賴布衣後人！

忽然之間，香港多左唔少「神相賴布衣」後人，個個八十、九十後都改左姓賴....

賴咩嘢？

買唔倒樓，賴政府！想當年，我地啲二十以後嘅人，有邊個唔係捱到金精火眼，才擁有自己嘅蝸居？佢地要姓賴嘅、就應該賴自己投錯胎，點解老豆唔姓李、姓賴？

違法阻街，賴政府！ 係政府迫佢地佔街、係政府迫佢地違法。佢地應該賴佢老豆、老母，做咩嘢要生佢出嚟，阻住個地球轉？如此類推，強奸犯係咪一樣要賴政府？政府出埋錢幫佢娶老婆，咁咪唔駛強奸人囉！都好喎，返去planned economy(計劃經濟)(註)年代吖：樣樣由政府決定—你做咩嘢工、住咩嘢屋、讀咩嘢書、娶咩嘢人……噢！NO

有多次退場機會，何解仲唔走？ 又賴政府唔好，佢地要嘅嘢，一樣都得唔倒，點走？  實情又係應該賴老豆、老母！由細到大，點教佢地架----唔識得教佢地做人，唔係一定可以要風得風、要雨得雨嘅咩？呢啲好明顯係家教問題。

點解大眾民意唔認同佢地所作所為，佢地會叫大眾容忍？ 呢啲咪要賴老師、教授同政棍囉！佢地自稱為民主派，但係連民主最基本嘅原則「小數服從多數」都冇教佢地！

見唔倒京官，賴董生(遲啲賴埋范太)、賴CY、賴全世界！ 佢地一小撮嘅意見、幾丁羽臭未乾嘅嘢京官都要見，咁咪見到十年後都見唔完？ 要賴嘅，賴香港果啲偏埋一邊嘅無良傳媒啦(毒果、港台、無記係表表者)，攪到佢地自以為係英雄、實則係大狗熊！

噢！講咁耐，其實最應該賴果個係死肥佬；佢收左人大把錢做走狗，大洒金錢，因此大把人肯變性做狗：跟住佢走！咁龍生龍、狗自然係生狗啦！咁幾時先做番人？第世囉！

依家睇嚟，政府係想以不變應萬變，等呢班嘢自相殘殺，政府隔岸觀火。原本係好事嚟----你睇吓隻「屈蜂」吖，由初時嘅領導級「降呢」成為二打六(無法子啦！生得頭尖額窄，樣衰----要賴嘅、一定關老豆、老母事)；又睇吓「戴妖」吖，冇鞋挽屣走，因為佢老啦，精力唔夠班八、九十後，成個活動俾人騎劫左；咁「周犯人」又如何？唔好以為佢好掂，佢自己知自己事----響金鐘仲有少少power，去到旺角冇人聽佢枝笛！果幾個政棍又如何？佢地更加不值一提----班嘢叫佢地辭職攪公投佢地唔肯：梗係啦！今次辭左職，幾難再返得入去，今鋪引起民憤呀！咁死肥佬呢？佢一樣唔得！雖然好多人係收左錢做嘢，但係的而且確有一些「佔港者」係冇收錢嘅，佢地點會聽佢枝笛？其實佢地雖然冇真金白銀收錢「佔港」，但係佢地瞓嘅帳篷、飲嘅水、食嘅飯盒、保鮮紙、口罩、打手、甚至？？套都係死肥佬供應嘅，祇不過因為轉接左，佢地冇為意啫！

政府可以等！等咩嘢？等佢地自然死亡囉！

但係香港市民賠上了工作、經濟、人與人之間感情撕裂，何時才可修補？「佔港」時間越長，警力消耗越大(警員已是疲於奔命)！除非政府宣佈放棄果幾區，唔再派警員看守(這樣才可以更快清場，而又唔駛警方動用武力)---君不見因為警方浪費響呢幾區度，攪到西九治安差左咩？喂！西九市民有交差餉架。

各位大佬：要打家劫舍嘅，去「佔港」班嘢屋企啦！

註：

計劃經濟：計劃經濟 (Planned economy)

計劃經濟又稱為指令經濟 (command economy)。 它以政府決策 (government decisions) 來分配資源，而商品並不在市場流通。

例子：香港政府把公屋單位分配給合資格的住戶居住，但住戶不可把單位賣給其他人。

計劃經濟是共產主義的經濟體系，它的建立爲社會經濟的發展提供科學的保證。隻有實現計劃經濟這一科學體系，社會經濟才能消除資本主義市場經濟所產生的弊端，才能達到社會經濟高速、平穩和健康的發展。