專欄作家言過其實?

有專欄作家話佔中嘅大學生勇於表達訴求, 值得一讚之同時, 更將佢哋同國父孫中山先生相提並論. 睇到呢度, 筆者持不同意見, 雖然認同大學生勇於表達訴求無疑喺勇氣表現之一, 但唔認同佢哋可以同孫國父相提並論. 早排筆者撰文提到, 國父振臂一呼推翻晚清之時, 國勢疲弱, 民不聊生, 缸無儲糧飽肚; 身無受聘持家;

舉國人民有今日冇明日, 冇書讀; 冇醫療; 冇福利; 加上當權老太婆誤信義和團同國際交惡. 經國父遊說其他國家支持, 更得到全球華人支持, 一呼百諾, 奠家咗民國嘅始創. 如今中國中央縱有不為人接受嘅作風同政治理念, 同港特政府嘅積弱, 令到部份港民憂慮投以唔信任嘅一票之外, 單以香港嚟講, 比起國父推翻晚清政府

有唔一樣嘅情形, 甚至可以講有所不足, 卻唔喺全部乜嘢都冇. 除咗而家同當時嘅政府做得唔得民心外, 香港比當年嘅晚清尚算優勝多多聲. 當然, 港特政府如果能夠從善如流, 自然更得民心, 香港前途更會一片光明. 可惜香港只係中國版圖嘅地方政府, 而受國家憲法支配, 呢個喺全世界任何國家都喺同一步伐同一調子嘅添.

所以, 如果話佔中大學生敢於表達, 筆者絕對認同! 如果, 硬要將佢哋同孫國父拉埋一齊嚟講, 筆者認為十分牽強. 晚清時嘅動蕩, 政局崩潰, 人民生活於風雨飄搖當中! 而家香港嘅新一代連制水宵禁都未必經歷過, 反而全部喺溫室長大, 當面對壓力之時, 唔喺大發脾氣, 就喺走上自殺一途. 咁嘅行為作風, 試問有邊一忽似國父?