佔中拖垮港經濟2

一切理想同抱負, 先決條件要保住自己條命! 當後繼有人承接未完志向囉喎, 有魄力嘅可以考慮殺人成仁! 千祈唔好同一班普羅大眾講幾大要爭取民主, 不過要勒緊褲頭, 免得太過瘦, 隨時裙甩褲跌喺人前出醜. 呢班佔中大學生入面, 有幾多有從政經驗? 抑或口講理論嘅啫? 唔計幼稚園, 怕且都讀咗十幾年書, 點解吓吓都衝動呢?

點解次次都咁幼稚呢? 有冇稔過自己有乜嘢條件有乜嘢資格諸多要求呢? 睇到外國大學生都喺咁做, 所以你/妳哋都有樣學樣咁做? 人哋父母交幾多入息稅, 你/妳哋知道咩? 人哋一切消費當中都有納稅, 你/妳哋有咩? 人哋大部份課餘之時做散工兼職, 你/妳哋課餘又做啲乜呢? 唔好表面睇到人哋咁樣做, 就以為自己都可以咁樣做.

外國教育嘅中心點喺教人有幾現實就要幾現實; 能夠鬥爭嘅就盡力鬥爭; 有幾無恥就去到盡嘅無恥; 不過要化裝成英雄外貌, 仲要喺被環境驅使逼於無奈先至行鬥爭呢條路! 如果喺咁簡單就最好不過, 可惜嘅喺外國文化一直以嚟都喺輸打贏要, 唔理以前有幾多貢獻, 只要有一次疏漏, 就要被強力撤換, 先至令到呢個世界充滿暴戾.

人類嘅自私心理就喺感到人有而自己冇就會好失威, 因而借小事而生大事去搶去攞去要求. 永冇考慮人哋之所以有嘅前因後果, 永冇考慮中西原始文化之不同, 唔可以一概而論. 可惜香港受咗英國政府嘅思想毒害, 自九七年之後, 香港人對回歸中國呢個歷史事實至今仍然唔接受, 反而大聲講[我喺香港人]同[唔做中國人]咁戇居嘅話.