joboche1
joboche1
joboche1

囂張嘅大學生

2014/11/17 09:30:15 網誌分類: 齋_TALK_廣東話
17 Nov

近代大學生嘅囂張, 從某大學校長喺頒發畢業證書時拒絕學生手持黃色雨遮上枱, 到事後比學生出公開信指責校長唔尊重佢哋表達政見嘅自由同權利. 真係唔死都有新聞! 而家啲大學生連最基本嘅反省都做唔到, 仲振振有詞咁炮轟所屬校長, 真係後生可畏. 等筆者舉一個例子, 有喪主舉辦喪事, 如果有人穿紅著綠大攪熱鬧氣氛時,

 

喪主應該點做? 相反, 有喜主舉辦喜事, 同樣有人披麻帶孝淚流滿面時, 喜主又應該點做? 係即時制止, 定係由得對方攞景贈慶? 就喺呢一刻當中, 到底邊個啱邊個唔啱, 係唔係有目共睹. 當攪事一方比主人家制止之後, 公開指責主人家唔尊重佢地攪事? 天下間有呢種道理咩? 攪事都要睇下場面, 冇可能一手遮天想點就點得咁離譜.

 

用呢個例子睇番某間大學嘅畢業生, 手持黃色雨遮, 將自以為是嘅理由搗亂莊嚴嘅會場, 仲要事後聲討校長. 到底呢個係乜嘢嘅世界, 先至出現呢種以下犯上目無法紀目無尊長嘅醜態. 大學生算得乜? 大學生可以淩駕大學校長得咁權威? 大學生充其量係未來社會接班人, 唔係絕對嘅話事人. 自己冇尊重畢業典禮嘅隆重性同莊嚴性, 反而

 

不知所謂咁胡作非為. 所憑恃嘅係對政見有不滿, 要利用有嘉賓場地上演一幕醜態折子戲, 完全冇理人哋嘅感受. 將四年所學嘅扭橫折曲橫行霸道, 將大學學府變成批鬥嘅發源地, 將大學學識作為踐踏欺淩人哋嘅上方寶劍. 最攪笑嘅完全冇稔到當校長頒發證書時, 學生一手攞遮, 豈不是單手攞證書咩? 豈不是藐自己之餘又藐視人哋咩?

回應 (0)
我要發表
user