囂張嘅大學生1

呢班大學生真係讀書讀壞腦! 專一攪事之外, 一無是處! 攪事都唔睇下咩嘢嘅環境咩嘢嘅場合? 既不知分寸, 又不知進退, 更不知自重! 真正有膽有色嘅學生, 只會分派人手攞住雨遮做門口守衛, 當嘉賓入場離場時, 先至上前傾偈, 順便發牢騷又好; 發謬論都好, 都會比對方留有好嘅印象. 而家不但冇咁樣做, 仲不知羞恥為何物, 就連

自己校長都可以逐一係咁數臭. 做學生做到盛氣淩人, 有乜好意思搬文天祥大人出嚟做擋箭牌? 文大人講[讀聖賢書, 所學何事?] 出呢封信嘅懵丙有冇理解清楚孔聖人所講嘅原始精神? 儒家講己立立人, 己達達人! 乜你以為自己已經處於真理層面立於不敗之地啦咩? 乜你以為自己已經通達一切待人處世應事應變啦咩? 如果你有咁高

嘅層次, 一定唔會破壞現場莊嚴嘅氣氛; 一定唔會手持黃色雨遮嚟單手接證書咁冇禮貌; 一定唔會將不滿政府情緒遷怒於受教嘅大學; 一定唔會目無尊長咁數臭受教嘅大學校長; 一定唔會錯解文天祥大人曾經講過嘅說話; 一定唔會盛氣淩人咁自以為是不可一世! 唔該再讀多幾年有關修養嘅書; 唔該再讀多幾本有實力有實踐嘅政治鉅著.

單憑你公開數臭受教嘅大學校長, 足以證明你本身情緒有極嚴重嘅精神病, 雖然未到喪心病狂嘅地步, 睇怕相差都唔遠. 單憑你以個人淺知淺見, 居然發起同煽動其他畢業生拒絕接受由校長頒發嘅證書, 可見得你係慣性感情用事之餘, 只識得譁眾取寵去誤導其他學弟學妹! 單憑你做錯嘢唔知錯, 或知錯唔認錯, 就注定你終身一事無成!